Region

Paşinyan Putindən Ermənistandan idxal qadağalarını götürməyi xahiş edib

28 İyul, 2026

Russian Foreign Ministry

Ermənistan baş naziri Nikol Paşinyan iyulun 27-də Rusiya prezidenti Vladimir Putinlə telefon danışığı aparıb.

"Armenpress" agentliyinin baş nazir aparatına istinadən verdiyi məlumata görə, tərəflər Ermənistan-Rusiya münasibətlərinin gündəliyini, xüsusilə də ikitərəfli iqtisadi əlaqələrlə bağlı məsələləri müzakirə ediblər.

Paşinyan Ermənistan mənşəli məhsulların Rusiya bazarına ixracına tətbiq olunan məhdudiyyətlərin Avrasiya İqtisadi İttifaqının (Aİİ) qaydalarına zidd olduğunu bildirib. O, rusiyalı həmkarından bu problemlərin aradan qaldırılması üçün müvafiq tədbirlər görməsini xahiş edib.

Kremlin rəsmi pres-relizində bu mövzuya yer verilməyib. Əvəzində telefon söhbətində Ermənistanın geosiyasi mövqeyi və Aİİ çərçivəsindəki öhdəliklərinin müzakirə olunduğu qeyd olunub.

Pres-relizə əsasən, Putin vurğulayıb ki, Ermənistan Avropa İttifaqına inteqrasiya yolunu seçmək, yoxsa Aİİ-də qalmaq istədiyini müəyyən etmək üçün ümumxalq referendumunu qısa müddətdə keçirməlidir.

Ermənistanın pres-relizinə əsasən isə, Paşinyan bunun yalnız Ermənistanın Avropa İttifaqına üzvlük üçün rəsmi müraciət etməsindən sonra mümkün ola biləcəyini deyib.

Paşinyan Ermənistan hökumətinin qeyd olunan bütün məsələləri "açıq, tərəfdaşlığa əsaslanan və dostluq ruhunda dialoq yolu ilə həll etməyə hazır olduğunu" da bildirib.

Rusiya son aylarda Ermənistandan bəzi tərəvəz məhsulları, süd, göyərti, çiyələk, gül, mineral su və konyak idxalına qadağa qoyub.

Rusiyanın Baytarlıq və Fitosanitar Nəzarət üzrə Federal Xidməti bunu həmin məhsulların istehsalının beynəlxalq standartlara cavab verməməsi ilə əsaslandırıb.

Siyasi müşahidəçilər isə bunu Ermənistanın Avropa İttifaqı ilə yaxınlaşmasına cavab olaraq atılan addımlar kimi xarakterizə edir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İsrail Qəzza barədə filmin rejissorlarını vətəndaşlıqdan məhrum etməklə hədələyib

Memar: "Bayırşəhərdə dövlət reyestrindən çıxarılmış tarixi abidələr reyestrə qaytarılmır"

Türkiyə polisi LGBTQ+ fəallarını kütləvi şəkildə saxlayıb

Seymur Həzinin Azərbaycandan çıxışına qadağa qoyulub

AŞPA baş məruzəçisi Anar Məmmədli və Anar Abdullaya verilən hökmləri “özbaşına” adlandırıb

Azərbaycanda daha bir QHT rəhbəri 8 il şərti həbs cəzası alıb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Region

Ermənistan 40 min qarabağlıya vətəndaşlıq verib

22 İyul 2026

Açıq mənbə

Ermənistan Qarabağdan köçən təxminən 40 min nəfərə vətəndaşlıq verib. Bu barədə Ermənistanın daxili işlər naziri Arpine Sarkisyan “CivilNet”-ə müsahibəsində deyib. Onun sözlərinə görə, qarabağlı qaçqınların ümumi sayı 115 mindən çoxdur və onların təxminən yarısı vətəndaşlıq üçün müraciət edib. Müraciətlərə baxılmağa davam edilir. “İki il yarımlıq müddəti nəzərə alsaq, hesab edirəm ki, bu, qaçqın əhalinin Ermənistan vətəndaşlığını almaqda və Ermənistanda tamhüquqlu, perspektivli gələcək qurmaqda maraqlı olduğunu göstərən mühüm göstəricidir”, - A.Sarkisyan deyib. Nazir xatırladıb ki, qaçqınların Ermənistana sosial-iqtisadi inteqrasiyası Ermənistan və Avropa İttifaqı arasında viza rejiminin liberallaşdırılması ilə bağlı görülən işlərin istiqamətlərindən biridir. “Düşünürəm ki, artıq görülmüş işlər avropalı tərəfdaşlar tərəfindən...

Davamını oxu

Region

ABŞ: "Tramp marşrutu”nda gömrük və sərhəd xidməti Ermənistanın nəzarətində olacaq

14 İyul 2026

primeminister.am

Ermənistan xarici işlər nazirinin müavini Mnatsakan Safaryan bu ayın əvvəlində jurnalistlərə deyib ki, "Tramp marşrutu" ölkənin üzv olduğu Avrasiya İqtisadi İttifaqının (Aİİ) qaydaları ilə idarə olunacaq. "Azadlıq Radiosu"nun erməni xidməti bu açıqlamaya cavab almaq üçün ABŞ Dövlət Departamentinə sorğu göndərib. Dövlət Departamenti cavabında bu iddiaya münasibət bildirməsə də, marşruta Ermənistanın nəzarət edəcəyini qeyd edib. "Tramp marşrutu Ermənistanın suverenliyini, ərazi bütövlüyünü və yurisdiksiyasını qoruyur. Sərhəd təhlükəsizliyi və gömrüklə bağlı bütün funksiyalar Ermənistanın nəzarəti altında qalır, Ermənistan hakimiyyəti onlara nəzarəti həyata keçirir və əsas qərarları qəbul edir", - açıqlamada deyilir. Ermənistan xarici işlər naziri Ararat Mirzoyan isə daha əvvəl "Tramp marşrutu"nda pasport...

Davamını oxu