İctimai-siyasi xəbərlər
Rusiyanın BMT-nin İnsan Hüquqları Şurasındakı üzvlüyü dayandırıldı
un.org
Rusiyanın Birləşmiş Millətlər təşkilatının (BMT) İnsan Hüquqları Şurasındakı üzvlüyü dayandırılıb.
BMT-nın rəsmi saytı xəbər verir ki, bu barədə Baş Assambleya qətnamə qəbul edib.
Üzvlüyün dayandırılması ilə bağlı səsvermədə 93 ölkə qətnamənin lehinə, 24 ölkə isə əleyhinə səs verib.
58 ölkə bitərəf qalıb.
Azərbaycan səsvermədə ümumiyyətlə, iştirak etməyib.
Azərbaycandan başqa, Ermənistan, Benin, Burkina Faso, Cibuti, Ekvatorial Qvineya, Qvineya, Livan, Mavritaniya, Mərakeş, Ruanda, San-Tome və Prinsipi, Solomon adaları, Somali, Türkmənistan, Venesuela və Zambiya səsvermədə iştirak etməyiblər.
Gürcüstan və Baltik respublikaları qətnaməni dəstəkləyiblər.
Qırğızıstan, Qazaxıstan, Tacikistan, Özbəkistan və Belarus qətnamənin əleyhinə səs veriblər.
Türkiyə qətnamənin lehinə, İran və Çin əlehinə səs veriblər.
Rusiya fevralın 24-də Ukraynada hərbi əməliyyatlara başlayıb.
Ondan 2 gün öncə isə Rusiya Prezidenti Vladimir Putin açıqlama verərək Ukraynanın şərqindəki separatçı qurumları tanıdığını bəyan edib.
Ukrayna, Qərb liderləri hərbi əməliyyatları pisləyib, Putinin buna görə cavab verəcəyini bildirib.
Bundan sonra Avropa Birliyi ölkələrindən, eləcə də ABŞ-dan Rusiyaya qarşı sanksiyalar gəlməyə başlayıb.
Sanksiya tətbiq edilən 600-dən çox şəxsin içində oliqarxlar, yüksək rütbəli hərbçilər, şirkət sahibləri, biznesmenlərlə yanaşı, Rusiya Prezidenti Vladimir Putin və xarici işlər naziri Sergey Lavrov da var.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Şikayətlərinizi bizə göndərin: info@toplummedia.tv
Almaniyadan Tacikistana göndərilən müxalifət fəalı ölkəyə çatan kimi saxlanılıb
Sosial media
Qəzza rəsmiləri: "Atəşkəsdən bəri 1000-dən çox sakin öldürülüb"
Getty Images
