Manşet

Rusiya Şahin Şıxlinski barəsində axtarış elan edib

30 İyul, 2025

384

Foto: açıq mənbə

Yekaterinburqdakı Azərbaycan diasporunun rəhbəri Şahin Şıxlinski axtarışa verilib.

Bu barədə Rusiyanın Daxili İşlər Nazirliyi məlumat yayıb.

Şıxlinskinin konkret olaraq hansı cinayət maddəsi ilə axtarıldığı məlum deyil.

Şahin Şıxlinski iyulun 1-də Rusiyada oğlu ilə birlikdə saxlanılmışdı. Sonradan Şahin Şıxlinski sərbəst buraxılıb, lakin oğlu Mutvalı Şıxlinski “hakimiyyət nümayəndəsinə zor tətbiq etmə” maddəsi ilə istintaq təcridxanasına göndərilib.

Şıxlinskinin dindirilməsindən bir neçə gün əvvəl Yekaterinburqda Rusiya hüquq-mühafizə orqanları Azərbaycan mənşəli 50-dən çox şəxsi saxlamışdı, onlardan iki nəfər sonradan ölüb.

Azərbaycana əsilli şəxslərin Rusiyada saxlanılması Bakı ilə Moskva arasında münasibətlərin pisləşməsinə səbəb olub. Buna cavab olaraq, Azərbaycan tərəfi də bir neçə Rusiya vətəndaşını saxlayıb — onların arasında proqramçılar, eləcə də “RT” və “Sputnik Azərbaycan” əməkdaşları da var.

Azərbaycanın Baş Prokurorluğu isə öz vətəndaşlarının Rusiya hüquq-mühafizə orqanları tərəfindən işgəncəyə məruz qalması və öldürülməsi faktı üzrə cinayət işi açıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Həyat yoldaşı: "Azər Qasımlının qaldığı 4 nəfərlik kamerada 6 nəfər saxlanılır, biri Hepatit C xəstəsidir"

Putin Ermənistanın "Ukrayna ssenarisi" ilə üzləşə biləcəyinə eyham vurub

Hesablama Palatası milyonluq maliyyə pozuntuları aşkarlayır, bəs niyə heç kim cəzalanmır?

AP-də Azərbaycanla bağlı dinləmə: “Avropa Şurasına üzvlük Azərbaycana mətbuat azadlığını qoruma öhdəliyi yaradır”

Paşinyan: "Ermənistanı 'banan respublikası' olmaqdan xilas etdik"

İnflyasiya və gəlirlər arasında uçurum: Azərbaycanda bahalaşma davam edir

Redaktorun Tövsiyələri

İnflyasiya və gəlirlər arasında uçurum: Azərbaycanda bahalaşma davam edir

Milli Onkologiya Mərkəzində müalicə almış şəxs: “Bəzi dərmanlar yalnız həkimin yönləndirdiyi apteklərdə və baha satılırdı”

Azərbaycan və Ermənistan bir-birinə hansı məhsulları sata bilər?

Ramil Babayev yazır: “Bakı İstintaq Təcridxanasında zorakılıq ayıdır”

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

İranın Hörmüz silahı öz əleyhinə çevrilir?

Manşet

"Baksol yolu işi"ndə tikinti rəisi: "Təmir üçün material 1 ay gec ayrılıb"

17 Fevral 2026

Foto: Azərbaycan Avtomobil Yolları Dövlət Agentliyi

Ötən ilin iyununda paytaxtın "Baksol yolu" adlanan ərazisində 27 yaşlı gəncin ölümü ilə nəticələnən yol çöküntüsündə təqsirləndirilən, Bakı Su Kanal İdarəsinin sahə rəisi Azər Cümşüdovun işi üzrə növbəti məhkəmə prosesi keçirilib. APA-nın xəbərinə görə, fevralın 17-də Nərimanov Rayon Məhkəməsində hakim Gültəkin Əsədovanın sədrliyi ilə keçirilən prosesdə Bakı Şəhər Su Kanal İdarəsinin ərazi üzrə təmir-tikinti şöbəsinin rəisi Yaşar Əhmədov şahid qismində dindirilib. Y.Əhmədov ibtidai istintaqa verdiyi ifadəni təkzib edib: "Dediklərimin tam əksi yazılıb. Mən onu oxumadan imzalamışam, təsdiqləmirəm." Bu zaman dövlət ittihamçısı şahidə irad bildirib: "Ali təhsilli adamsan, niyə oxumadan imzalamısan?". Şahid isə 3 saat gözləyib yorulduğu üçün ifadəni imzaladığını deyib. ...

Davamını oxu

Manşet

Şahin Şıxlinski qətl və sui-qəsd cəhdinin təşkilində günahkar sayılıb

12 Fevral 2026

Foto: açıq mənbə

Uraldakı Azərbaycan diasporunun keçmiş rəhbəri Şahin Şıxlinski Rusiyada qətl və sui-qəsd cəhdinin təşkilində günahkar bilinib. Yerli mətbuatın yazdığına görə, bu barədə Yekaterinburqun Kirovski rayon Məhkəməsinin andlılar kollegiyası qərar çıxarıb. Andlılar Məhkəməsinin kollegiyası Şahin Şıxlinskini, Ayaz, Bakir, Kamal, Məzahir Səfərovları və Şücayəddin Rəcəbovu Yekaterinburqda qətl və sui-qəsd cəhdinin təşkilində günahkar bilib. İstintaq onların 2001-ci ildə iş adamı Yunus Paşayevin qətlində və 2010-cu ildə iş adamı Fehruz Şirinova qarşı sui-qəsd cəhdində iştirak etdiklərini hesab edir. Andlılar məhkəməsinin iclası prokurorluğun tələbi ilə məhkəmə prosesi qapalı keçirilib. Hakimin andlılar kollegiyasının qərarına əsasən hökm çıxaracağı gözlənilir. Andlılar məhkəməsinin kollegiyasının çıxardığı qərara əsasən, Şahin Şıxlinski 2010-cu ildə Fehruz...

Davamını oxu