Məhkəmə

Afiəddin Məmmədov: “Tofiq Yaqublunun cəzasını mənim hökmümə əlavə edin”

21 Aprel, 2025

154

Toplum TV

Həbsdə olan İşçi Masası Həmkarlar İttifaqları Konfederasiyasının sədri Afiəddin Məmmədov aclıq aksiyası keçirən Tofiq Yaqublunun azadlığı üçün çağırış edib.

Jurnalist Ülviyyə Əlinin ictimailəşdirdiyi mesaja əsasən, Məmmədov qeyd edib ki, “vicdanı olan hər kəs ürək ağrısı ilə Yaqublunun günü-gündən vəziyyətinin ağırlaşmasını izləyir”.

“Tofiq Yaqublunun aclığını eşidəndən bəri nə edə biləcəyimizi dostlarla danışırıq, amma həbsdəyik deyə əlimizdən normal bir iş də gəlmir. Hələ ki, bu faşist hökumətə bir təklif verə bilərəm. Özünüz də yaxşı bilirsiniz ki, Tofiq Yaqublu cinayətkar deyil! Faşist siyasətinizi Tofiq Yaqubluya tətbiq etməyi dayandırın!” - işçi hüquqları fəalı bildirib.

Məmmədov ardınca Yaqubluya verilən 9 il həbs cəzasının onun hökmünə əlavə olunmasını istəyib.

“Əminəm ki, mənim kimi minlərlə insan Tofiq Yaqublunun yerinə “cəza” çəkməyə hazırdır. Bizlərin arasında cəzanı bölüşdürün! Qarabağı azad etməyinizi mədh etməkdən yorulmursunuz. Bəs Qarabağ qazisinə, ailəsinə çəkdirdiyiniz zülm rəvadırmı? Tofiq Yaqubluya azadlıq!” - o əlavə edib.

Aprelin 20-də “Toplum TV” işi üzrə həbs olunan jurnalist Fərid İsmayılov da eyni təkliflə çağırış edib.

Afiəddin Məmmədov 2023-cü il sentyabrın 20-dən həbsdədir.

Ona Cinayət Məcəlləsinin xuliqanlıq niyyətilə qəsdən bədənə ağır xəsarət yetirmə və silah qismində əşyadan istifadə etməklə xuliqanlıq maddələrilə ittiham verilib.

O, ilk dəfə 2023-cü ildə kuryerlərin mopedlərinin kütləvi şəkildə cərimə meydançasına aparılmasıyla əlaqədar keçirilən etiraz aksiyası zamanı saxlanılmış, 30 sutka inzibati həbs cəzası almışdı.

Bir neçə gün sonra “İşçi Masa”sının digər üzvləri Elvin Mustafayev və Ayxan İsrafilov narkotik ittihamı ilə həbs edilmişdilər.

A.Məmmədov bu il yanvarın 14-də Bakı Ağır Cinayətlər Məhkəməsinin hökmü ilə 8 il müddətinə azadlıqdan məhrum edilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Britaniya daha bir azərbaycanlıya sanksiya tətbiq edib

Son 4 ildə dinlənən hər 10 dərsdən 7-də "tədrisin keyfiyyəti zəif olub"

Belarus 52 "siyasi məhbus"u azad edib

Albaniya baş naziri süni intellektlə işləyən "bot"u nazir təyin edib

Yeni taksi qaydalarına etiraz: “Niyə sərnişin seçim azadlığından məhrum edilir?”

Əsgər ölümünə görə həbsdə olan komandir və tibbi xidmət rəisi azadlığa buraxılıb

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Məhkəmə

Bəhruz Səmədov aclığı dayandırıb

11 Sentyabr 2025

Foto: sosial media

Həbsdə olan elmi tədqiqatçı və sülh fəalı Bəhruz Səmədov aclığı dayandırıb. Bu barədə ictimai fəal Əmrah Təhməzov məlumat yayıb. O bildirib ki, sentyabrın 11-də Səmədov nənəsi Zibeydə Osmanovaya zəng edərək səhhətinin pisləşdiyini, həkimlərin onu müayinə etdiyini deyib. "Zibeydə nənə Bəhruza yalvarıb ki, aclığı dayandırsın, çünki bu yaşında onun aclığına dözə bilmir. Nənəsinin təkidi ilə Bəhruz aclıq aksiyasını dayandırıb. Bəhruzu azad edin", - Təhməzov "Facebook" səhifəsində qeyd edib. B.Səmədov sentyabrın 6-da Bakı Apellyasiya Məhkəməsinin onun haqqındakı hökmü qüvvədə saxlamasına etiraz olaraq aclığa başlayıb. Çexiyanın Karlov Universitetinin doktorantı Bəhruz Səmədov Dövlət Təhlükəsizliyi Xidmətinin əməkdaşları tərəfindən 2024-cü il avqustun 21-də həbs olunub. O,...

Davamını oxu

Məhkəmə

"Zərərçəkən" Azər Qasımlının ondan öz pulunu istədiyini etiraf edib

11 Sentyabr 2025

Foto: sosial media

Sentyabrın 10-da Bakı Ağır Cinayətlər Məhkəməsində Siyasi Menecment İnstitutunun həbsdə olan direktoru, politoloq Azər Qasımlının növbəti məhkəmə prosesi keçirilib. Hakim Telman Hüseynovun sədrliyi ilə baş tutan prosesdə zərərçəkən qismində tanınan Qurbanəli Yusifov dindirilib. Cinayət işində iddia olunur ki, A.Qasımlı Q.Yusifovdan hədə-qorxu ilə pul tələb edib və "zərərçəkən" buna görə polisə müraciət edib. A.Qasımlı isə iddia edir ki, o, Q.Yusifovdan öz pulunu tələb edib. Politoloqun həyat yoldaşı Samirə Qasımlı "Meydan TV"-yə deyib ki, prosesdə Q.Yusifov A.Qasımlının öz pulunu tələb etdiyini etiraf edib. "Azər ona konkret sual verdi ki, mən səndən sənin şəxsi pulunu istəmişəm? Qurbanəli Yusifov cavab verdi ki, xeyr, istəməmisən....

Davamını oxu