Məhkəmə

Hafiz Babalı bir neçə hökumətyönlü media orqanını məhkəməyə verməyə hazırlaşır

13 İyun, 2025

113

Foto: sosial media

Araşdırmaçı jurnalist, “Abzas Media işi” üzrə həbsdə olan Hafiz Babalı bir sıra hökumətyönlü media orqanlarını məhkəməyə verməyə hazırlaşır.

Bu barədə məlumat iyunun 12-də jurnalistin “Facebook” səhifəsində öz əksini tapıb.

Paylaşımda bildirilir ki, H.Babalı ona “böhtan atdıqlarına görə” “Baku TV”, “Qafqazinfo”, “Report.az” və digər “dezinformasiya saytlarını” məhkəməyə verməyə hazırlaşır.

Jurnalistin vəkili Rəsul Cəfərov Toplum TV-yə açıqlamasında xəbəri təsdiqləyib.

“Qanunvericiliyin tələbinə uyğun olaraq, şəxs haqqında həqiqəti əks etdirməyən məlumatlar yayımlanarsa, təkzib verilməli, üzr istənilməli və mənəvi zərərə görə təzminat ödənilməlidir. Hafiz bəyin tələbləri bununla bağlıdır”, - o deyib.

Vəkil qeyd edib ki, hazırki mərhələdə Babalı sözügedən media orqanlarına məktublar yazıb və təkzib tələb edir. Bunlar nəticəsiz olacağı halda, o, məhkəməyə müraciət edəcək.

Babalı daha öncə də “Qafqazinfo”, “ATV” telekanalı və “İki Sahil” qəzetini məhkəməyə verib, lakin bir ildən çox çəkən prosesdən sonra məhkəmə onun şikayətini təmin etməyib.

H.Babalı və həbsdə olan digər müstəqil jurnalistlər barəsində hökumətyönlü mediada onların xarici təşkilatlar və fondlar ilə əlaqə quraraq qrant aldığı, bunun qarşılığında hökumət əleyhinə materiallar dərc etdikləri iddia olunur.

Hafiz Babalı 2023-cü ilin dekabrında həbs olunub.

“Abzas Media işi” üzrə medianın təsisçisi və direktoru Ülvi Həsənli, koordinatoru Məhəmməd Kekalov, baş redaktoru Sevinc Vaqifqızı, araşdırmaçı jurnalist Hafiz Babalı, jurnalistlər Nərgiz Absalamova və Elnarə Qasımova və “Azadlıq Radiosu”nun jurnalisti Fərid Mehralızadə mühakimə olunurlar.

İlkin olaraq onlar qaçaqmalçılıq da daxil olmaqla bir neçə maddə üzrə ittiham edilirlər.

Jurnalistlər korrupsiya araşdırmaları və fəaliyyətlərinə görə cəzalandırıldıqlarını bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İran cavab olaraq İsrailə yüzlərlə raket zərbəsi endirib

Gürcüstanda daha bir müxalifət lideri həbs olunub

Rza Pəhləvi İran xalqını hökuməti devirməyə çağırıb

İsrail dünyadakı bütün səfirliklərini bağlayır

Müsəlman Birliyi Hərəkatının üzvü həbs edilib

İsrail İrana zərbələr endirib, SEPAH-ın baş komandanı öldürülüb

Redaktorun Tövsiyələri

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

Məhkəmə

Müsəlman Birliyi Hərəkatının üzvü həbs edilib

13 İyun 2025

Foto: Toplum TV

Müsəlman Birliyi Hərəkatının (MBH) üzvü Elgiz Məmmədov həbs edilib. MBH-dən verilən məlumata görə, iyunun 12-də fəal barəsində Nizami Rayon Məhkəməsində 4 aylıq həbs qətimkan tədbiri seçilib. O, Cinayət Məcəlləsinin 234.1.1-ci (narkotik vasitələri, psixotrop maddələri və ya onların prekursorlarını satış məqsədi olmadan qanunsuz olaraq əldə etmə, saxlama, hazırlama, emal etmə) maddəsilə ittiham olunur. İyunun 10-da Bakının Keşlə qəsəbəsində saxlanılan MBH üzvü Elgiz Məmmədov həmin gün 1 saylı Kliniki Tibbi Mərkəzə yerləşdirilib. Həyat yoldaşı Toplum TV-yə deyib ki, Məmmədova narkotik maddə ittihamını qəbul etdirmək üçün ona polis idarəsində işgəncə verilib və daha sonra suyuna narkotik maddə qatılıb. MBH Məmmədovun narkotik maddə istifadəçisi...

Davamını oxu

Məhkəmə

“Kərimə dövləti” qurmağa cəhddə təqsirləndirilən daha 13 nəfərə hökm oxunub

12 İyun 2025

Foto: report.az

İyunun 11-də Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən məhkəmə prosesində Azərbaycanda “Kərimə dövləti” qurmağa cəhddə təqsirləndirilən daha bir qrup şəxsə hökm oxunub. Hökmə əsasən, təqsirləndirilən Faiq Zeynalov və İlham Şıxalıyev 17 il, Hüseyn Hüseynzadə, Etibar Məmmədzadə, İlkin Bağırov, Elgün Ağayev və Vüqar Mədətov 16 il, Elvin Cəfərov, Yusif Mirzəyev, Ruslan Əliyev, Savalan Hüseynli və Məhərrəməli Musayev 15 il 6 ay, Mirvasid Əliyev isə 10 il müddətinə azadlıqdan məhrum edilib. Onlar Cinayət Məcəlləsinin dövlətə xəyanət, konstitusiya quruluşunu zorla dəyişməyə çağırış, hakimiyyətin zorla ələ keçirilməsi, narkotik dövriyyəsi, cinayətə hazırlıq maddələrilə ittiham olunublar. Təqsirləndirilən şəxslər 2023-cü ilin mayında Dövlət...

Davamını oxu