Məhkəmə

İctimai fəal Nicat İbrahim məhkəmədə özünə xəsarət yetirib

7 May, 2025

sosial media

Həbsdə olan ictimai fəal Nicat İbrahim məhkəmə zalında özünə xəsarət yetirib.

Hadisə mayın 6-da Bakı Ağır Cinayətlər Məhkəməsinin zalında baş verib. Bu barədə “Azadlıq Radiosu”na fəalın yaxınları məlumat verib.

Onlar bildirib ki, məhkəmədə ekspert dindirilən zaman N.İbrahim başını saxlandığı şüşə qəfəsə çırpmaqla ekspertin dediklərinə etiraz edib.

Ekspert ifadəsində deyib ki, ittihama əsasən fəalın bıçaqladığı Bəhmən Əliyev adlı şəxsin qarın nahiyəsində bıçaq izləri var.

"Yalan danışırsınız, saxta rəy verirsiniz. Sizin kimilərin yalanları üzündən, mən səkkiz aydır həbsdəyəm", - N.İbrahim deyərək özünə xəsarət yetirib. Ona təcili yardım göstərilməsi üçün məhkəmə zalından çıxarılıb.

Məhkəmə prosesi mayın 26-a təxirə salınıb.

Fəalın həyat yoldaşı Pərvin İbrahimova “Azadlıq Radiosu”ma deyib ki, hadisə ilə əlaqədar N.İbrahimə saxlandığı Bakı İstintaq Təcridxanasında töhmət verilib.

N.İbrahim əvvəlki məhkəmə proseslərinin birində də özünə xəsarət yetirmiş və töhmət almışdı.

2024-cü ilin sentyabrında həbs olunan N.İbrahim Cinayət Məcəlləsinin 126.2.4-cü (ümumi təhlükəli üsulla, xuliqanlıq niyyətiylə qəsdən sağlamlığa ağır zərər vurma) və 221.1-ci (xuliqanlıq) maddələriylə ittiham olunur.

O, ittihamları rədd edir və deyir ki, Bəhmən Əliyev adlı şəxsi, ümumiyyətlə, tanımır.

N.İbrahim 2020-ci ilin iyulunda Prezident Administrasiyasının önündə İlham Əliyevə istefa tələbi ilə etiraz aksiyası keçirməyə gedərkən saxlanılmış və koronavirus yaymaq ittihamı ilə 1 il 3 ay həbs cəzası almışdı. Fəal o vaxt da təqsirsiz olduğunu, etiraz aksiyası keçirmək istədiyinə görə cəzalandırıldığını demişdi.

O, 2017-ci ildə ağzını tikərək aclıq etməklə polislərə qarşı etiraz aksiyası da keçirmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İlham Əliyev 9 May paradı üçün Moskvaya getməyəcək

Nifrət nitqi nədir?

Jurnalist Ülviyyə Əli həbs olunub

“İşçi Masası”nın üzvü Elvin Mustafayev həbsdə aclığa başlayıb

Kim Çen İn mərmi istehsalının artırılmasına çağırıb

Kartlardan pul oğurluğu: Banklar nə qədər günahkardır?

Redaktorun Tövsiyələri

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

İran və Azərbaycan münasibətləri düzəlirmi?

Məhkəmə

Jurnalist Ülviyyə Əli həbs olunub

7 May 2025

Fərqanə Novruzova

Jurnalist Ülviyyə Əli (Quliyeva) barəsində 1 ay 29 gün müddətinə həbs qətimkan tədbiri seçilib. Bu barədə qərarı mayın 7-də Xətai rayon Məhkəməsi çıxarıb. Ülviyyə Əli “Meydan TV” işi ilə əlaqədar saxlanılıb və barəsində Cinayət Məcəlləsinin 206.3.2 (Qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb. Jurnalist Ülviyyə Əli mayın 7-ə keçən gecə saxlanılıb. Jurnalistin evində axtarış aparılıb, siyirmələr və şkaf rəflərinin qapaqları sındırılıb. Vəkili Elvin Ələmovun sözlərinə görə, Ülviyyə Əlinin evində axtarış aparılarkən 6 min avro aşkarlanıb. Jurnalist pulun ona aid olmadığını və evə axtarışa gələn polislər tərəfindən yerləşdirdiyini bildirib. Ülviyyə Əli vəkilə saxlanılarkən zorakılığa...

Davamını oxu

Məhkəmə

“İşçi Masası”nın üzvü Elvin Mustafayev həbsdə aclığa başlayıb

7 May 2025

Fərqanə Novruzova

“Siyasi və vicdan məhbuslarına xüsusi cəzalar tətbiq olunur” “İşçi Masası” Həmkarlar İttifaqları Konfederasiyasının üzvü Elvin Mustafayev həbsdə aclığa başlayıb. Bu barədə “İşçi Masası” mayın 6-da xəbər yayıb. Qeyd olunur ki, Mustafayev 1 saylı Cəzaçəkmə Müəssisəsində məhbusların hüquqlarının pozulmasına etiraz edir və Tofiq Yaqublu və digər siyasi məhbusların azad edilməsinə çağırır. “Müəssisəsədəki məhbusların ticarət hüquqları pozulur, köşklərdə qiymətlər çox bahadır. Siyasi və vicdan məhbuslarına xüsusi cəzalar tətbiq edilir. Cərimə kameralarına yerləşdirilmələri, müəssisənin dəyişdirilməsi ilə bağlı olaraq təhdid edirlər və yaxud reallaşdırırlar”, - fəala istinadən bildirilir. Elvin Mustafayev 2023-cü ilin avqustunda narkotik maddələrin satışında ittiham olunaraq saxlanılıb. 2024-cü il yanvarın 31-də Bakı...

Davamını oxu