İctimai-siyasi xəbərlər
“Meydan" TV işi üzrə saxlanılanların həbs müddəti uzadılıb
Meydan TV
Oxşar Xəbərlər
Redaktorun Tövsiyələri
Bəşir Süleymanlı həbs olundu
Bəşir Süleymanlı/şəxsi arxiv
Vətəndaş Hüquqları İnstitutunun rəhbəri Bəşir Süleymanlı həbs olunub.
Hüquq müdafiəçisi Samir Kazımlının məlumatına görə, Binəqədi rayon məhkəməsində onun barəsində 3 ay 28 gün həbs qətimkan tədbiri seçilib.
İlkin məlumata görə B.Süleymanlı Cinayət Məcəlləsinin 313-cü (Vəzifə saxtakarlığı), 193-1.3.2-ci (Cinayət yolu ilə əldə edilmiş pul vəsaitlərini və ya digər əmlakı leqallaşdırma, xeyli miqdarda törədildikdə) və 308.2-ci (vəzifə səlahiyyətlərindən sui-istifadə) maddələri ilə ittiham olunur.
Bəşir Süleymanlı martın 14-də saxlanılıb.
Onun yerli və beynəlxalq QHT-lərə qarşı açılmış cinayət işi üzrə həbs olunduğu ehtimal edilir.
2014-cü il mayında 3 il 6 ay azadlıqdan məhrum edilmişdi.
O, külli miqdarda mənimsəmə, qanunsuz sahibkarlıq, vergidən yayınma, vəzifə səlahiyyətlərindən sui-istifadədə ittiham olunurdu....
AXCP-nin daha iki üzvü dövlət əleyhinə çağırışda ittiham olunur
sosial media
Azərbaycan Xalq Cəbhəsi Partiyasının (AXCP) iki üzvü dövlət əleyhinə çağırışlarda təqsirləndirilərək həbs olunub.
Onlar Qaradağ rayon şöbəsinin sədri Zaur Əsgərov və Binəqədi şöbəsinin üzvü Gündüz Mirzəyevdir.
Onların həbsindən verilən şikayətə martın 13-də Bakı Apellyasiya Məhkəməsində baxılıb.
Təqsirləndirilən Z.Əsgərovun vəkili Nemət Kərimli Azadlıq Radiosuna həbs qərarının əsassız olduğunu bildirib.
Vəkilin sözlərinə görə, cəbhəçi özünü təqsirli bilmir.
Apellyasiya Məhkəməsi Binəqədi rayon Məhkəməsinin qərarını qüvvədə saxlayıb. Binəqədi Rayon Məhkəməsi hər iki cəbhəçiyə 2 aylıq həbs qətimkan qərarı vermişdi.
Hər iki AXCP üzvü martın 7-də saxlanılıb.
Onlar Cinayət Məcəlləsinin dövlət əleyhinə açıq çağırışlar, təkrar və ya bir qrup şəxs tərəfindən törədildikdə maddəsiylə ittiham olunurlar. ...
