Multimedia

Ali Məhkəmə Əli Əliyevlə bağlı qərar verdi

18 Oktyabr, 2022

1730

Vətəndaş və İnkişaf Partiyasının həbsdə olan sədri Əli Əliyev barəsindəki qərardan verilmiş kassasiya şikayətinə baxılıb.

Məhkəmə prosesi oktyabrın 18-də Ali Məhkəmədə hakim Nazim Mövsümovun sədrliyi ilə baş tutub.

Toplum Tv bildirir ki, Ali Məhkəmə Əli Əliyevlə bağlı qərardan verilən şikayəti təmin etməyib.

Vəkil Cavad Cavadovun verdiyi kassasiya şikayəti iki hissədən ibarət olub. Məhkəmədə çıxış edən vəkil bildirib ki, Əli Əliyevə qaldırılan 147.1 maddəsi əsassızdır. O, partiya sədrinin ifadə azadlığı hüququnun pozulmasına diqqət çəkib. Şikayətin digər hissəsi isə eyni əmələ görə təkrar həbs qərarı ilə bağlı olub.

https://toplum.tv/mehkeme/mehkeme-leyla-ve-arif-yunusun-isi-uzre-icraati-dayandirdi

Cavad Cavadov əlavə edib ki, bir cinayətə görə iki dəfə məhkum olunma qanuna zidd əməldir. Hakim isə kassasiya şikayətini təmin etməyib və apellyasiya məhkəməsinin qərarını qüvvədə saxlayıb.

Sözügedən qərar qəzaya uğrayan DSX-ya məxsus Mi-17 tipli helikopterdə sağ qalan polkovnik-leytenant Emil Cəfərov, daha sonra kapitan Ramin Ədilovun xüsusi ittiham qaydasında verdikləri şikayət əsasında qəbul olunub.

Məhkəmə çəkişməsinə partiya sədrinin helikopter qəzasını şərh edərkən səsləndirdiyi fikirlər səbəb olub. O bildirib ki, qəzanın necə baş verməsi haqqında müsahibə verən bu iki hərbçinin hadisə zamanı orada olduqlarına inanmır. Haqqında söhbət gedən hərbçilər Əli Əliyevin barələrində böhtan atdığını bildirib, onun həbs edilməsini tələb ediblər.

Əli Əliyev bu ilin yanvarında Cinayət Məcəlləsinin 147.1-ci - böhtan maddəsi ilə 6 ay müddətinə azadlıqdan məhrum olunub.

Helikopter qəzası 2021-ci il ilin noyabrın 30-da Xızı rayonu ərazisində baş verib. Qəzada 2-si polkovnik olmaqla, 14 müxtəlif rütbəli hərbçi həlak olub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv