Siyasət

ABŞ diplomatlara başqa ölkələrdəki seçkiləri qiymətləndirməməyi tapşırıb

18 İyul, 2025

191

Foto: Reuters

ABŞ Dövlət katibi Marko Rubio diplomatlara xarici ölkələrdəki seçkiləri qiymətləndirməməyi tapşırıb.

Bu barədə iyulun 17-də “Reuters” agentliyi ABŞ Dövlət Departamentindən sızdırılan sənədə əsasən məlumat yayıb.

Sənəddən görünür ki, Rubio diplomatlara “xarici ölkələr tərəfindən təşkil olunan seçkilərin dürüstlüyü və ya ədalətliliyi haqda şərh verməməyi” tapşırıb.

“Departament, öz maraqlarında olmadığı halda, artıq Vaşinqtondan seçkilərlə bağlı bəyanatlar və ya sosial media paylaşımları yaymayacaq”, - sənəddə qeyd olunub.

“Xarici seçki ilə bağlı şərh vermək uyğun olduqda, mesajımız qısa olmalı, qalib namizədi təbrik etməyə və zərurət yaranarsa, ortaq xarici siyasət maraqlarını vurğulamağa yönəlməlidir. Mesajlarda seçki prosesinin ədalətliliyi və ya dürüstlüyü, onun legitimliyi və ya sözügedən ölkənin demokratik dəyərləri barədə fikir bildirməkdən çəkinmək lazımdır,” - deyə əlavə olunub.

Sənəddə qərarı əsaslandırmaq məqsədilə Prezident Donald Trampın mayın 13-də Ər-Riyadda etdiyi çıxışa istinad olunub. Həmin çıxışda o, “Qərb müdaxiləçiləri” adlandırdığı keçmiş prezidentləri tənqid edərək, onların Yaxın Şərq ölkələrinin “daxili işlərinə qarışmalarını” düzgün saymamış və bunun artıq Vaşinqtonun işi olmadığını, əvəzində ölkəsinin tərəfdaşlıqlar qurmağa çalışdığını bildirmişdi.

“Birləşmiş Ştatlar öz demokratik dəyərlərinə sadiq qalacaq və digər ölkələr də bu yolu seçdikdə həmin dəyərləri alqışlayacaq, lakin Prezident açıq şəkildə bildirib ki, ABŞ strateji maraqların üst-üstə düşdüyü bütün ölkələrlə tərəfdaşlığa can atacaq”, - təlimatda bildirilib.

Sənədlə bağlı “Reuters”ə açıqlama verən Dövlət Departamentinin sözçüsü Tammi Brus bu yanaşmanın administrasiyanın “ölkələrin milli suverenliyinə” verdiyi önəmlə uyğun olduğunu bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

3 aydır xidmət edən DSX əsgərinin xəstəlikdən vəfat etdiyi deyilir

ABŞ Suriyanı “terroru dəstəkləyən dövlətlər” siyahısından çıxarıb

Koçaryan və oğlu həbs olunub

Turizm üçün yeni dövlət proqramı: 5 ildə 1,1 faizlik artım hədəflənir

ABŞ 200 minə yaxın əcnəbinin vizasını ləğv etməyə hazırlaşır

CPJ: “Toplum TV işi” üzrə həbs olunanların 'kars'a salınmasından narahatıq

Redaktorun Tövsiyələri

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Siyasət

CPJ: “Toplum TV işi” üzrə həbs olunanların 'kars'a salınmasından narahatıq

25 Avqust 2026

Toplum TV

Jurnalistləri Müdafiə Komitəsi (CPJ) beynəlxalq mətbuat azadlığı təşkilatı "Toplum TV işi" üzrə həbsdə olan şəxslərin cərimə kamerasına ("kars") salınmasından narahatlıq ifadə edib. Bu barədə avqustun 24-də təşkilatın Avropa və Mərkəzi Asiya bölməsinin "X" hesabında bəyanat yayımlanıb. "İş üzrə 15 ilə qədər həbs cəzası almış jurnalistlər və digərləri öz fəaliyyətlərinə görə həbsdə olmamalıdırlar. Jurnalistika cinayət deyil", - bəyanata əlavə olunub. "Toplum TV işi" üzrə həbsdə olan, III Respublika Platformasının qurucu üzvü Ruslan İzzətli və Demokratik Təşəbbüslər İnstitutunun (IDI) əməkdaşı Əli Zeynal avqustun 19-da 7 gün müddətinə "kars"a salınıblar. Buna onların həbsxanada içməli su çatışmazlığına etiraz etmələri səbəb olub. İki gün sonra...

Davamını oxu

Siyasət

Apellyasiya Məhkəməsi Rüfət Səfərov barədə hökmü qüvvədə saxlayıb

24 Avqust 2026

sosial media

Avqustun 24-də Bakı Apellyasiya Məhkəməsində həbsdə olan hüquq müdafiəçisi Rüfət Səfərovun şikayəti üzrə məhkəmə prosesi keçirilib. Hüquq müdafiəçisi Zəfər Əhmədovun "Toplum TV"-yə verdiyi məlumata görə, hakim Habil Məmmədovun sədrliyi ilə keçirilən prosesdə R.Səfərov barəsindəki hökm qüvvədə saxlanılıb. Müdafiə tərəfi prosesin qismən məhkəmə istintaqı ilə birlikdə aparılması üçün vəsatət verib. Digər vəsatət isə üç polis əməkdaşının məhkəməyə şahid kimi çağırılması barədə olub. Məhkəmə vəsatətləri təmin etməyib. R.Səfərov çıxışında işin hüquqi əsasları olmadığına görə bu barədə çıxış etməyə lüzum görmədiyini deyib. O əlavə edib ki, məhkəmədən ədalətli qərar gözləntisi yoxdur. Məhkəmə Bakı Ağır Cinayətlər Məhkəməsinin R.Səfərov barədə verdiyi həbs cəzası qərarını qüvvədə...

Davamını oxu