Siyasət

ABŞ diplomatlara başqa ölkələrdəki seçkiləri qiymətləndirməməyi tapşırıb

18 İyul, 2025

Foto: Reuters

ABŞ Dövlət katibi Marko Rubio diplomatlara xarici ölkələrdəki seçkiləri qiymətləndirməməyi tapşırıb.

Bu barədə iyulun 17-də “Reuters” agentliyi ABŞ Dövlət Departamentindən sızdırılan sənədə əsasən məlumat yayıb.

Sənəddən görünür ki, Rubio diplomatlara “xarici ölkələr tərəfindən təşkil olunan seçkilərin dürüstlüyü və ya ədalətliliyi haqda şərh verməməyi” tapşırıb.

“Departament, öz maraqlarında olmadığı halda, artıq Vaşinqtondan seçkilərlə bağlı bəyanatlar və ya sosial media paylaşımları yaymayacaq”, - sənəddə qeyd olunub.

“Xarici seçki ilə bağlı şərh vermək uyğun olduqda, mesajımız qısa olmalı, qalib namizədi təbrik etməyə və zərurət yaranarsa, ortaq xarici siyasət maraqlarını vurğulamağa yönəlməlidir. Mesajlarda seçki prosesinin ədalətliliyi və ya dürüstlüyü, onun legitimliyi və ya sözügedən ölkənin demokratik dəyərləri barədə fikir bildirməkdən çəkinmək lazımdır,” - deyə əlavə olunub.

Sənəddə qərarı əsaslandırmaq məqsədilə Prezident Donald Trampın mayın 13-də Ər-Riyadda etdiyi çıxışa istinad olunub. Həmin çıxışda o, “Qərb müdaxiləçiləri” adlandırdığı keçmiş prezidentləri tənqid edərək, onların Yaxın Şərq ölkələrinin “daxili işlərinə qarışmalarını” düzgün saymamış və bunun artıq Vaşinqtonun işi olmadığını, əvəzində ölkəsinin tərəfdaşlıqlar qurmağa çalışdığını bildirmişdi.

“Birləşmiş Ştatlar öz demokratik dəyərlərinə sadiq qalacaq və digər ölkələr də bu yolu seçdikdə həmin dəyərləri alqışlayacaq, lakin Prezident açıq şəkildə bildirib ki, ABŞ strateji maraqların üst-üstə düşdüyü bütün ölkələrlə tərəfdaşlığa can atacaq”, - təlimatda bildirilib.

Sənədlə bağlı “Reuters”ə açıqlama verən Dövlət Departamentinin sözçüsü Tammi Brus bu yanaşmanın administrasiyanın “ölkələrin milli suverenliyinə” verdiyi önəmlə uyğun olduğunu bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Məhkəmə 28 gündür aclıq edən Hacı Vəliyevi ev dustaqlığına buraxmayıb

Çexiyada kommunizm təbliğatı cinayət hesab olunacaq

“Cinsi ayrı-seçkiliyə yol açan” fikirlərə görə “Xəzər TV“-yə xəbərdarlıq olundu

İsrail Qəzzada katolik kilsəsinə etdiyi hücumdan “xeyli təəssüflənib”

ABŞ kəşfiyyatı: Pezeşkian İsrailin hücumu zamanı yaralanıb

Pakistanda daşqınlarda ölən 170-dən çox insanın yarısı uşaqlardır

Redaktorun Tövsiyələri

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

Siyasət

İsrail Qəzzada katolik kilsəsinə etdiyi hücumdan “xeyli təəssüflənib”

18 İyul 2025

Foto: Getty Images

İsrail Qəzza zolağında yeganə katolik kilsəsi olan Müqəddəs Ailə Kilsəsinə etdiyi hücumdan “xeyli təəssüflənib”. Bu barədə iyulun 17-də İsrail Baş naziri Benyamin Netanyahunun ofisindən verilən bəyanatda bildirilib. Bəyanatda əlavə olunub ki, hücumla bağlı araşdırma aparılır və İsrail “mülki şəxslərin və müqəddəs yerlərin qorunmasına sadiqdir”. Kilsə iyulun 17-i səhər saatlarında tank atəşi ilə vurulub, nəticədə 3 nəfər ölüb və kilsənin keşişi də daxil olmaqla bir neçə nəfər yaralanıb. Ağ Ev sözçüsü Karolayn Levit jurnalistlərə bildirib ki, Netanyahu ABŞ Prezidenti Donald Trampa telefon zəngində kilsənin vurulmasının “bir səhv” olduğunu deyib. Müqəddəs Ailə Kilsəsi 2023-cü ilin oktyabrından, İsrail Qəzzanı bombalamağa başlayandan bəri zolağın...

Davamını oxu

Siyasət

Ələsgər Məmmədlinin səhhətinə görə prezidentə müraciət edilib

17 İyul 2025

Foto: VOA

Bir qrup vətəndaş cəmiyyəti nümayəndəsi, jurnalist, hüquq müdafiəçisi “Toplum TV iși” üzrə həbsdə olan media eksperti və hüquqşünas Ələsgər Məmmədlinin səhhəti ilə bağlı prezident İlham Əliyevə müraciət ediblər. Müraciətdə bildirilir ki, 2024-cü il martın 9-da Xətai Rayon Məhkəməsinin qərarı ilə barəsində həbs-qətimkan tədbiri seçilən Ələsgər Məmmədlinin səhhətində ağırlaşmalar müşahidə olunub. “Tibbi müayinələr nəticəsində onun qalxanvari vəzisində 23 mm ölçüdə TIRADS III düyün (50–75% xərçəng riski), qaraciyər, böyrək və pankreasla bağlı ciddi problemlər, həmçinin prostat vəzində kalsinatlar aşkar edilib. Tibbi protokola görə, qalxanvari vəzin ölçüsünün 15 mm-dən böyük olması cərrahi əməliyyatı zəruri edə bilər”, - müraciətdə qeyd olunub. Əlavə olunub ki,...

Davamını oxu