Sosial

Keçmiş mühacirə 7 il 6 ay həbs cəzası istənildi

22 İyun, 2022

1752

Sosial Media

İyunun 22-də Bakı Ağır Cinayətlər Məhkəməsində dövlət ittihamçısı çıxış edərək keçmiş mühacir, AXCP üzvü Pünhan Kərimliyə 7 il 6 ay həbs cəzası istəyib. Prokuror bunu məhkəmə dövründə ittihamların sübuta yetirilməsiylə əsaslandırıb.

Ancaq vəkil Cavad Cavadov öz çıxışında əksini deyib. O bildirib ki, Pünhan Kərimliyə qarşı irəli sürülmüş narkotik ittihamı n ibtidai istintaq, nə də məhkəmə dövründə sübuta yetirilib. Vəkil deyib ki, Pünhan Kərimli siyasi baxışlarına görə şərlənib və o, müvəkkilinə bəraət tələb edib.

Məhkəmə iclasına 1 aydan sonra - iyulun 27-də yekun vurulacaq. Həmin gün Pünhan Kərimli son söz hüququndan istifadə edəcək və hakim hökmü elan edəcək.

Ötən ilin noyabrında Almaniyadan readmissiya üzrə qayıdan 33 yaşlı Pünhan Kərimli yanvarın 25-də saxlanılıb. Onun barəsində narkotik maddələrin qanunsuz dövriyyəsi ittihamı irəli sürülüb. İttihama görə, Pünhan Kərimlidən 7,5 qram heroin və 2,5 qram metamfetamin tapılıb. Fəal narkotik maddələrin onun üzərinə qoyulduğunu bildirib.

Pünhan Kərimli həm ibtidai istintaq zamanı, həm də məhkəmədə deyib ki, onu siyasi motivlərlə, Azərbaycanda insan hüquqlarının pozulmasına etiraz olaraq Almaniyada keçirilən aksiyalarda iştirakına görə həbs ediblər.

Qeyd edək ki, 2021-ci ilin noyabrında Almaniyadan göndərilmiş daha bir fəal Cəfər Mirzəyev yanvarın 27-də narkotik maddələrin qanunsuz dövriyyəsi ittihamı ilə saxlanılıb.

Bundan əlavə, Almaniyadan qayıdan daha iki fəal - Mütəllim Orucov və Malik Rzayev ötən ilin payızında həbs edilib.

Leyli Cəfərova

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

DİN AXCP-nin aksiyasının qarşısının alınacağını bildirir

Polis AXCP fəalını saxlayıb

DİN: AXCP-nin keçirmək istədiyi piketin qarşısı alınacaq

AXCP Bakı meriyası qarşısında etiraz aksiyası keçirəcək

DİN: Razılaşdırılmamış aksiyanın qarşısı alınacaq

AXCP-nin etiraz aksiyasına icazə verilmədi

Redaktorun Tövsiyələri

Merkel Ukraynanın NATO-ya qəbul edilməsinə mane olmağa çalışıb

Azər Qasımlı: “Ola bilsin, məni həbs etmək üçün nəsə uydurublar” (Yenilənir)

Rəsulzadənin sözlərinin əks edildiyi lövhə niyə yerinə qaytarılmayıb? - Nazirlikdən cavab

AİHM-in qərarına əsasən Azadlıq qəzetinin əməkdaşına təzminat ödənəcək

Keçmiş icra başçısının oğlu 1 milyon manatlıq vergi borcuna görə ölkədən qaçdı, 2 milyonluq zərərə düşdü

Fransa səfiri də Azərbaycan XİN-ə çağırıldı

Sosial

Alimentin miqdarı artırılır

22 Noyabr 2024

açıq mənbədən götürülüb

Gələn ildən alimentin minimum məbləği 246 manat olacaq. Bu barədə Hesablama Palatasının 2025-ci il üçün dövlət büdcəsinə rəyində deyilir. Bu il üçün alimentin minimum məbləği 235 manatdır.

Davamını oxu

Sosial

Gələn ilin pensiya və əməkhaqqı minimumu müəyyənləşib

18 Noyabr 2024

axar.az

“Hesablama Palatasının Azərbaycan Respublikasının 2025-ci il dövlət büdcəsi haqqında” qanun layihəsinə rəyinə əsasən gələn il Azərbaycanda minimum əməkhaqqı 400 manat olacaq. 2024-cü ildə bu rəqəm 345 manat olub (Meydan TV). Gələn il üçün minimum pensiya məbləğinin isə 270 manat deyil, 280 manat nəzərdə tutulduğu bildirilir. 2025-ci il üzrə proqnozlara əsasən, minimum pensiya məbləğinin minimum əməkhaqqı məbləğinə (400 manat) nisbətinin 70 faiz olacağı nəzərdə tutulur. Həmçinin ehtiyac meyarı və yaşayış minimumunun həddi 270 manat deyil, 285 manat götürüləcək. 2025-ci il yanvarın 1-dən ehtiyac meyarının həddi 285 manat təşkil edəcək.

Davamını oxu