İctimai-siyasi xəbərlər
MSK və YAP yenidən qanunu pozur?
Aztv
Yeni Azərbaycan Partiyası (YAP) Mərkəzi Seçki Komissiyası (MSK) üzvlüyünə namizədlərini müəyyənləşdirib.
Namizədlər arasında Məzahir Pənahov, Rövzət Qasımov, Şaitdin Əliyev, Hüseyn Paşayev və Ramiz İbrahimovun adları var.
Seçki Məcəlləsinin tələbinə görə, MSK üzvünün partiya mənsubiyyəti olmamalıdır.
Qanunvericilik MSK üzvünün pedoqoji, elmi və yaradıcı fəaliyyət istisna olmaqla ödənişli işdə çalışmasını qadağan edir. Lakin YAP-ın mətbuat katibi Hüseyn Paşayev MSK-nın üzvüdür və yenidən namizədliyi irəli sürülüb.
Mərkəzi Seçki Komissiyasının keçmiş üzvü Akif Qurbanov "Toplum TV"-yə bildirib ki, qanun onun namizədliyini yox, komissiya üzvlüyü qadağan edir: "İndiyədək Paşayev MSK-nın üzvü olub. Komissiya üzvü ola-ola partiya üzvlüyünün saxlanması qanunun tələblərinə ziddir. Bu, aşkarlanarsa, onun komissiya üzvlüyünə xitam verilməlidir".
A. Qurbanov deyir ki, H. Paşayev komissiya ilə partiya arasında seçim etməlidir, əgər etmirsə, MSK onun barəsində qərar çıxarmalı, fəaliyyətinə xitam verməlidir.
"Bu, bir daha göstərir ki, qanunların hakim partiya, ümumiyyətlə, Azərbaycan hakimiyyəti üçün əhəmiyyəti yoxdur. MSK hakim Yeni Azərbaycan Partiyasının nəzarəti altındadır və müstəqil deyil", - keçmiş MSK üzvü belə deyib.
Hüseyn Paşayev ötən seçkilərdə də MSK və YAP-ın Siyasi Şurasının üzvü olub. O həmçinin YAP-da mətbuat xidmətinin rəhbəri vəzifəsini icra edir. Bu, Seçki Məcəlləsinin 22-ci maddəsinə ziddir.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Şikayətlərinizi bizə göndərin: info@toplummedia.tv
“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”
Azərtac
Azərbaycan məhbus sayında Avropanın ikincisidir: alternativ cəzalar niyə işləmir?
Açıq mənbə
