Dünya

ABŞ əsgərlərini itaətsizliyə çağıran Kolumbiya prezidentinin vizası ləğv olunub

27 Sentyabr, 2025

Foto: açıq mənbədən götürülüb

ABŞ Dövlət Departamenti sentyabrın 26-da Kolumbiya prezidenti Qustavo Petronun vizasını ləğv etdiyini bildirib.

Açıqlamaya əsasən, buna səbəb prezidentin Nyu-Yorkda küçə etirazı zamanı “təxribatçı hərəkətləri" olub.

“Bu gün Kolumbiya prezidenti Qustavo Petro Nyu-Yorkda küçədə dayanaraq ABŞ əsgərlərini əmrlərə tabe olmamağa və zorakılıq etməyə çağırıb”, – deyə Dövlət Departamenti "X" səhifəsində bildirib.

Petro həmin gün sosial şəbəkə hesabında ispan dilində küçədə böyük bir kütləyə meqafonla müraciət etdiyi video paylaşıb. Videoda onun “dünyanın bütün millətlərini” ABŞ ordusundan “daha böyük bir ordu” yığmaq üçün əsgər göndərməyə çağırdığı eşidilir.

“Buna görə də, buradan – Nyu-Yorkdan ABŞ ordusundakı bütün əsgərlərə müraciət edirəm: silahlarınızı insanlığa tuşlamayın. Trampın əmrinə tabe olmayın! İnsanlığın əmrinə tabe olun!” – Petro daha sonra deyib.

Kolumbiya mediası xəbər verib ki, Petro sentyabrın 26-ı gecə artıq Nyu-Yorkdan Boqotaya yola düşüb.

Petro BMT Baş Assambleyasında iştirak etmək üçün Nyu-Yorkda olub.

O, sentyabrın 23-dəki çıxışında Tramp administrasiyasını sərt tənqid edib və ABŞ-nin Karib dənizində narkotik daşımaq ittihamı ilə zərbə endirdiyi gəmilərlə bağlı araşdırma aparılmasını tələb edib.

Vaşinqton ümumilikdə 14 nəfərin öldüyü hücumların ABŞ-nin Venesuela sahillərində apardığı narkotiklərlə mübarizə əməliyyatının bir hissəsi olduğunu iddia edib.

Petro, həmçinin, çıxışında Asiya ölkələrini İsrailə qoşunlar yürütməyə cə Fələstini azad etməyə çağırıb.

Kolumbiyanın daxili işlər naziri "X" səhifəsində yazıb ki, Petronun əvəzinə İsrail baş naziri Benyamin Netanyahunun vizası ləğv olunmalı idi.

ABŞ-lə Kolumbiya tarixi müttəfiqlər olsa da, Petronun hakimiyyəti dövründə münasibətlər səngiyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Aytac Tapdıq: İlham Əliyevin ölkədə sorğulayan heç bir jurnalisti görməyə dözümü qalmayıb

"Toplum TV işi": İstintaq sübutları saxtalaşdırıb

Fərid İsmayılov təcridxanada ölümlə hədələndiyini deyir

Valideynləri: “Anar Məmmədli addım atmağa çətinlik çəkir, dizində şişkinlik var”

Jurnalistlərə və QHT fəallarına qarşı “leqallaşdırma” ittihamı qanunidirmi?”

Netanyahu: Trampı mən idarə etmirəm

Redaktorun Tövsiyələri

Jurnalistlərə və QHT fəallarına qarşı “leqallaşdırma” ittihamı qanunidirmi?”

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Dünya

Sloveniya Netanyahuya sanksiya tətbiq edən ilk Aİ ölkəsi olub

25 Sentyabr 2025

Foto: BMT

Sloveniya hökuməti sentyabrın 25-də İsrail baş naziri Benyamin Netanyahuya səyahət qadağası qoyub. Sloveniya bu qərarı verən ilk Avropa İttifaqı (Aİ) ölkəsi olub. Avqustda da Sloveniya İsrailə silah satışı qadağası qoyan ilk Aİ ölkəsi olmuşdu. Bundan əvvəl isə ölkə israilli nazirlər İtamar Ben Qvir və Becalel Smotriçə də fələstinlilərə qarşı soyqırımına çağırış ittihamı ilə sanksiya tətbiq etmişdi. Sloveniya 2024-cü ilin iyununda Fələstin dövlətini tanıyıb və hökumət üzvləri ardıcıl olaraq İsrailin Qəzzada apardığı müharibəni tənqid edib. Ölkə prezidenti Natasa Pirk Musar İsrailin Qəzzada apardığı müharibəni "soyqırımı" adlandırıb. Sentyabrın 23-də BMT Baş Assambleyasında çıxış edən Musar müharibənin dayandırılması üçün çağırış edib. “Biz doğru...

Davamını oxu

Dünya

Ərdoğan: HƏMAS terror təşkilatı deyil

23 Sentyabr 2025

Foto: Anadolu Ajansı

BMT Baş Assambleyasında iştirak etmək üçün Nyu-Yorkda olan Türkiyə prezidenti Rəcəb Tayyib Ərdoğan "Fox News" telekanalına müsahibə verib. Müsahibədə Ərdoğandan Qəzza zolağına nəzarət edən HƏMAS qruplaşmasını terror təşkilatı kimi tanıyıb-tanımadığı soruşulub. "Mən 20 il əvvəl ABŞ-yə səfər edəndə də mənə bu sualı verdilər. O vaxt da demişdim ki, yox, mən HƏMAS-ı müqavimət qrupu olaraq görürəm. HƏMAS-ın nə silahı, nə də ciddi imkanları var. Onlar sadəcə əllərində olanla özlərini müdafiə edirlər", - Ərdoğan deyib. 2007-ci ildən Qəzza zolağına nəzarət edən HƏMAS-ı ABŞ da daxil olmaqla 9 ölkə, eləcə də Avropa İttifaqı terror təşkilatı kimi tanıyır. 2023-cü il oktyabrın 7-də HƏMAS İsrailin...

Davamını oxu