Dünya

Gürcüstanın daxili işlər naziri istefa verib

28 May, 2025

148

Foto: Georgia Today

Gürcüstanın daxili işlər naziri və baş nazir müavini Vaxtanq Qomelauri istefa verib.

Qomelauri mayın 28-də yaydığı bəyanatda qərarı ailəsinə daha çox vaxt ayırmaq məqsədilə verdiyini bildirib.

O, bu qərarı verməyin asan olmadığını deyib.

“2011-ci ildən etibarən cənab Bidzina İvanişvilinin rəhbərlik etdiyi və ölkəmizdə dönüş yaradan mübarizənin iştirakçısı olmuşam. Bu hökumət komandasının rəhbərliyi altında ölkəmizin əldə etdiyi bütün nailiyyətlər mənim üçün dəyərlidir və qürurvericidir. Bu səbəbdən, mən bu komandaya sadiq qalmağa davam edirəm. Gələcəkdə də ehtiyac yarandığı halda, dövlətin və hakim komandanın yanında olmaq üçün hər zaman hazıram”, - nazir qeyd edib.

Qomelauri 2019-cu ildən daxili işlər naziri və ötən ilin dekabrından baş nazirin müavini idi.
O, həmçinin, 2015-2019-cu illərdə Dövlət Təhlükəsizlik Xidmətinin başçısı olub.

2024-cü il dekabrın 19-da ABŞ və Böyük Britaniya “gürcüstanlı etirazçılara və jurnalistlərə qarşı zorakı hücumlarda və digər ciddi insan haqları pozuntularında iştirakı səbəbilə” Qomelauriyə qarşı iqtisadi sanksiyalar tətbiq ediblər.

Bundan əvvəl, eyni səbəblərlə Baltikyanı dövlətlər tərəfindən də ona sanksiyalar qoyulmuşdu.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Fatih Altaylı saxlanılıb

““Abzas”çılara oxunan hökm məhkəmənin jurnalistikanı susdurmaq üçün silaha çevrilməsinin nümunəsidir”

Bəhruz Səmədov ölüm aclığına başlayıb

Milli Məclis Naxçıvan Konstitusiyasına dəyişiklikləri qəbul edib

Xameneinin öldürüldüyü deyilən müşavirinin sağ olduğu ortaya çıxıb

ABŞ-da həbsdə olan fələstinli fəal azadlığa buraxılıb

Redaktorun Tövsiyələri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

Dünya

Fatih Altaylı saxlanılıb

21 İyun 2025

Foto: Sosial media

Türkiyəli jurnalist Fatih Altaylı saxlanılıb. Bu barədə iyunun 21-də jurnalistin həat yoldaşı məlumat yayıb. “Bir qədər əvvəl Fatehi apardılar. Hara apardıqlarını bilmirik”, - jurnalistin xanımı Hande Altaylı yazıb. Jurnalistin saxlanılması ilə bağlı İstanbul Baş Prokurorluğu tərəfindən verilən açıqlamada belə deyilir: “YouTube” sosial media kanalında 20.06.2025-ci il tarixli yayımda prezident Rəcəb Tayyib Ərdoğana qarşı hədə yönümlü, təhdid xarakterli ifadələr işlətdiyi üçün Fatih Altaylı barəsində istintaqa başlanılıb”. Məlumata görə, Fatih Altaylı barəsində davam edən istintaq çərçivəsində prokurorluğun göstərişi ilə saxlanılıb.

Davamını oxu

Dünya

Xameneinin öldürüldüyü deyilən müşavirinin sağ olduğu ortaya çıxıb

21 İyun 2025

Foto: AP

İran Ali lideri Ayətullah Əli Xameneinin İsrail tərəfindən öldürüldüyü deyilən müşaviri Əli Şamxaninin sağ olduğu bildirilir. İranın dövlət mediası iyunun 20-də Şamxaninin Xameneiyə ünvanladığı məktubu yayımlayıb. “Mən sağam və özümü qurban verməyə hazıram. Qələbə yaxındır. İranın adı həmişəki kimi tarixin ən yüksək qatlarına həkk olunacaq”, - o, məktubda deyir. ABŞ-la aparılan danışıqlarda da İran nümayəndə heyətinə rəhbərlik edən Şamxaninin iyunun 13-də bir sıra hərbi liderlərlə birlikdə İsrail tərəfindən öldürüldüyü güman edilirdi. İran mediası isə iyunun 20-də onun ağır yaralandığını və xəstəxanaya yerləşdirildiyini, lakin hazırda vəziyyətinin stabil olduğunu yazıb. İsrailin İran şəhərlərini raket atəşinə tutması və hərbi liderlərini öldürməsi ilə başlayan...

Davamını oxu

İctimai-siyasi xəbərlər

Gürcüstanın daxili işlər naziri istefa verib

Xəbər Lenti

Seçilmiş Videolar

Ən çox oxunanlar

Davamlı Mövzular