Dünya

HƏMAS israilli əsirləri azad edib

13 Oktyabr, 2025

Foto: AP

Qəzzaya nəzarət edən HƏMAS qruplaşması 2 ildən çox əsirlikdə saxladığı 20 israillini azad edib.

Əsirlər oktyabrın 13-ü səhər saatlarında biri 7, digəri 13 nəfərlik qruplar halında Beynəlxalq Qırmızı Xaç Komitəsi vasitəsilə İsrail tərəfinə təhvil verilib.

Ölən digər 26 əsirin cəsədlərinin isə gün ərzində təhvil veriləcəyi gözlənilir. Əlavə 2 nəfərin isə əsirlik dövründə itkin düşdüyü və sağ olub-olmadıqlarının bilinmədiyi deyilir.

Eyni zamanda, İsrail də 2023-cü ilin oktyabrında Qəzzada əsir götürdüyü 1,718 fələstinlini azad edib. Onların Qırmızı Xaç avtobusları ilə Qəzzanın cənubundakı Xan Yunis şəhərinə çatacağı gözlənilir.

İsrail həm də əksəriyyəti Fələstinin Qərb Sahili ərazisindən olan, ömürlük həbs cəzası çəkən 250 fələstinlini də azad edəcəyini təsdiqləyib. Onların 142-sinin deportasiya ediləcəyi, qalanlarının isə Qərb Sahilinə və ya Şərqi Qüdsə qaytarılacağı bildirilir.

ABŞ prezidenti Donald Tramp da İsrail parlamenti Knessetdə çıxış etmək üçün oktyabrın 13-də bu ölkəyə gəlib. Təl-Əviv hava limanında Trampı baş nazir Benyamin Netanyahu və prezident İsak Hersok qarşılayıb.

Trampın daha sonra Misirin Şarm əl-Şeyx şəhərində baş tutacaq, Azərbaycan prezidenti İlham Əliyev də daxil olmaqla 20-dən çox dövlət başçısının olacağı Sülh Sammitində iştirak edəcəyi gözlənilir.

HƏMAS 7 oktyabr 2023-cü ildə İsrailə qarşı həyata keçirdiyi “Aksa Tufanı” hücumlarında əksəriyyəti mülki şəxs olmaqla təxminən 1200 nəfəri öldürmüş və 250 nəfəri girov götürmüşdü.

İsrail bu hücumdan sonra Qəzzada genişmiqyaslı əməliyyat başlatmışdı.
Qəzzada səhiyyə rəsmilərinin məlumatına görə, iki illik müharibə zamanı təxminən 67 mindən çox fələstinli, o cümlədən təxminən 20 min uşaq öldürülüb.

Birləşmiş Millətlər Təşkilatının tərkibində fəaliyyət göstərən araşdırma komissiyası isə sentyabr ayında İsrailin Qəzzada fələstinlilərə qarşı “soyqırımı” törətdiyi qənaətinə gəlib.

İsrail isə bu ittihamları rədd edir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Avropa Məhkəməsi Xədicə İsmayılın xeyrinə qərar çıxarıb

Madaqaskar prezidenti etirazlardan sonra ölkəni tərk edib

Nobel mükafatçısı Paşinyana müxalif hərəkata qoşulub

Ülviyyə Əli ABŞ senatoruna: İnsan haqları çoxdan al-ver predmetinə çevrilib

Ələsgər Məmmədli: "İstintaq metro kartını bank kartı kimi sənədləşdirib"

“QHT işi” üzrə Nərgiz Muxtarovanın məhkəməsi başlayır

Redaktorun Tövsiyələri

Azərbaycan Avropa Məhkəməsində işlərin sayına görə 47 ölkə arasında 8-cidir

Akif Qurbanov və Ruslan İzzətli Şəmşad Ağayla bağlı prezidentə müraciət ediblər

“Abzas Media” jurnalistlərinin Lənkərana köçürülməsi qanunauyğundurmu?

Azərbaycanda rəsmi 5 faiz işsizlik göstəricisi gerçəyi əks etdirirmi?

Jurnalistlərə və QHT fəallarına qarşı “leqallaşdırma” ittihamı qanunidirmi?”

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

Dünya

Madaqaskar prezidenti etirazlardan sonra ölkəni tərk edib

14 Oktyabr 2025

Foto: AP

Madaqaskarın prezidenti etirazlar fonunda ölkədən qaçıb. Bunu ölkənin müxalifət lideri və rəsmilər oktyabrın 13-də bildirib. Bu, son həftələrdə Nepaldan sonra dünya miqyasında “Z nəsli etirazları"nın ikinci dəfə bir hökuməti devirməsi deməkdir. Müxalifətin parlamentdəki lideri Siteni Randrianasoloniaiko “Reuters”ə bildirib ki, prezident Andri Rajuelina oktyabrın 12-də ordunun bəzi qoşunlarının etirazçılara qoşulmasından sonra Madaqaskarı tərk edib. “Biz prezident administrasiyasının əməkdaşları ilə əlaqə saxladıq və onlar onun ölkəni tərk etdiyini təsdiqlədilər”, – Randrianasoloniaiko deyib. Müxalifət lideri əlavə edib ki, Rajuelinanın hazırkı yeri məlum deyil. Oktyabrın 13-ü gecə “Facebook” vasitəsilə xalqa müraciətində Rajuelina "həyatını qorumaq üçün təhlükəsiz bir yerə getməyə məcbur qaldığını" bildirib. O, harada...

Davamını oxu

Dünya

Nobel mükafatçısı Paşinyana müxalif hərəkata qoşulub

14 Oktyabr 2025

Foto: açıq mənbədən götürülüb

İqtisadiyyat üzrə Nobel mükafatçısı Daron Acemoğlu Ermənistan baş naziri Nikol Paşinyana müxalif olaraq yaradılmış hərəkata qoşulub. "Bizim Yol" adlanan, Ermənistanda həbsdə olan milyarder Samvel Karapetyan tərəfindən yaradılan hərəkat Acemoğlunun iqtisadi məsləhətçi kimi qoşulduğunu açıqlayıb. Hərəkatın koordinatoru Narek Karapetyan Acemoğlunun hərəkatın milli inkişaf strategiyasını formalaşdıracaq işçi qrupunda iştirak edəcəyini mətbuata təsdiqləyib və bunu “Ermənistan iqtisadiyyatını müasir əsaslar üzərində yenidən qurmaq üçün mühüm tərəfdaşlıq” adlandırıb. Türkiyə ermənisi olan Acemoğlu ABŞ-nin Massaçusets Texnologiya İnstitutunun professoru və dünyanın ən nüfuzlu iqtisadçılarından biridir. O, 2024-cü ildə həmkarları Ceyms Robinson və Saymon Conson ilə birlikdə “rifahın mənşəyi və inkişafın siyasi iqtisadiyyatı” mövzusundakı araşdırmalarına görə Nobel İqtisadiyyat...

Davamını oxu