Dünya

“Reuters”: İrandakı müharibədən sonra ABŞ ardıcıl üçüncü aydır neft ixracında liderdir

12 İyun, 2026

Açıq mənbə

Səudiyyə Ərəbistanı neftinin ixrac edildiyi Hörmüz boğazının bağlanması və Rusiya neftinə tətbiq edilən sanksiyalar fonunda ABŞ artıq üçüncü aydır ki, dünyada neft məhsulları ixracında lider mövqeyini qoruyub saxlayır.

Bu barədə ”Reuters” agentliyi “Vortexa” gəmi izləmə xidmətinin məlumatlarına istinadla yazır.

Məlumata əsasən, ABŞ-nin neft və yanacaq ixracı may ayında gündəlik təxminən 10,5 milyon barrelə yüksəlib. Artım yüksək hasilat və ölkənin strateji neft ehtiyatlarının bazara çıxarılması hesabına baş verib. Eyni dövrdə Rusiyanın ixracı 7 milyon barrel, Səudiyyə Ərəbistanının ixracı isə 5,9 milyon barrel təşkil edib.

“Vortexa”-nın 2025-ci il üzrə göstəricilərinə əsasən, həmin il ən böyük neft ixracatçısı Səudiyyə Ərəbistanı olub və gündəlik ixrac həcmi təxminən 8,1 milyon barrel təşkil edib. ABŞ-nin ixracı 6,6 milyon barrel, Rusiyanın ixracı isə 5,8 milyon barrel səviyyəsində qeydə alınıb.

“Reuters” yazır ki, dünyanın ən böyük neft ixracatçısı mövqeyi Vaşinqtona həm müttəfiqlərlə, həm də rəqiblərlə danışıqlarda əlavə təsir rıçaqları qazandırır. Bu üstünlüyün ABŞ-nin qlobal hərbi gücü və maliyyə sistemindəki dominantlığı ilə birlikdə daha da gücləndiyi bildirilir.

Bundan əlavə, ABŞ hazırda Avropanın əsas xam neft təchizatçılarından birinə çevrilib, həmçinin regiona yanacaq distillatlarının tədarükündə ikinci yerdə qərarlaşıb.

Asiya ölkələrinin də Yaxın Şərqdən tədarükdə yaranan çətinliklər səbəbilə ABŞ neftinə asılılığı artmaqdadır.

11 iyun tarixində ABŞ prezidenti Donald Tramp bildirib ki, Vaşinqton İranın Hörmüz boğazı yaxınlığındakı Xark adası və digər neft infrastrukturlarına nəzarəti ələ keçirməyi və Venesuela nümunəsində olduğu kimi ölkənin neft-qaz bazarına tam nəzarət qurmağı planlaşdırır.
Только что

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Əli Kərimli telefon danışığı hüququnun pozulduğunu deyir

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu

Dünya

ABŞ və İran müharibəni bitirir

15 İyun 2026

Açıq mənbə

ABŞ prezidenti Donald Tramp və ABŞ ilə İran arasında vasitəçilik edən Pakistanın baş naziri Şahbaz Şərif bəyan ediblər ki, tərəflər sülh sazişi əldə ediblər və razılaşma artıq qüvvəyə minib. “İntensiv danışıqlardan sonra məmnuniyyətlə elan edirik ki, ABŞ ilə İran arasında sülh sazişi əldə olunub. Hər iki tərəf Livan da daxil olmaqla bütün cəbhələrdə hərbi əməliyyatların dərhal və daimi dayandırıldığını bəyan edib”, - Ş.Şərif özünün "X" hesabında yazıb. Rəsmi imzalanma mərasiminin iyunun 19-da İsveçrədə keçiriləcəyi gözlənilir. Donald Tramp da İranla əldə olunan sazişin qüvvəyə mindiyini təsdiqləyib. “Bununla Hörmüz boğazının rüsumsuz açılmasına və ABŞ Silahlı Qüvvələri tərəfindən tətbiq edilən dəniz blokadasının dərhal ləğvinə...

Davamını oxu