Siyasət

"Abzas Media" və "Meydan TV" media mükafatına layiq görülüb

17 İyun, 2026

ipi.media

"Azad Media Öncülü" mətbuat azadlığı mükafatının 2026-cı il üzrə qalibləri açıqlanıb.

Beynəlxalq Mətbuat İnstitutu (IPI) və Beynəlxalq Media Dəstəyinin (IMS) təsis etdiyi mükafata Azərbaycandan "Abzas Media" və "Meydan TV" layiq görülüb. Mükafatın digər laureatı Latın Amerikası Araşdırma Jurnalistikası Mərkəzi (CLIP) olub.

"Azərbaycanın avtoritar Əliyev rejimi tərəfindən təqib və repressiyaların hədəfinə çevrilməsinə baxmayaraq, "Abzas Media" və "Meydan TV" Azərbaycanın getdikcə daha çox repressivləşən media mühitində müstəqil jurnalistikanın nadir ümid mənbələri olaraq qalırlar. 2023-cü ilin noyabrından etibarən hər iki media qurumunun jurnalistlərini hədəf alan həbslər dalğasından sonra sürgündə fəaliyyət göstərməyə məcbur qalan "Abzas Media" və "Meydan TV" xaricdə fəaliyyətlərini davam etdirərək Azərbaycanda korrupsiya və insan hüquqları pozuntuları barədə cəsarətli araşdırmalarını sürdürürlər. Eyni zamanda, həbsdə olan bir çox jurnalistləri də dəmir barmaqlıqlar arxasından məqalələr yazmağa davam edirlər", - qurumların açıqlamasında deyilir.

Mükafat müstəqil medianın inkişafına və jurnalistikanın yeni imkanlar qazanmasına töhfə verən media qurumlarına təqdim olunur. Mükafata 11 media orqanı namizəd göstərilmişdi.

Mükafatın təqdimetmə mərasimi iyulun 24-26-da Kolumbiyanın paytaxtı Boqotada keçiriləcək.

2023-cü ilin noyabrından bəri Azərbaycanda qruplar halında 20-dən çox jurnalist həbs olunub.

Onların arasında "Abzas Media" və "Meydan TV" əməkdaşları da yer alır.

2025-ci il iyunun 20-də Bakı Ağır Cinayətlər Məhkəməsi “Abzas Media işi” çərçivəsində yeddi media əməkdaşını 7 il 6 aydan 9 ilədək müddətə azadlıqdan məhrum edib.

“Meydan TV işi” ilə bağlı məhkəmə prosesləri isə hələ də davam edir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

Əli Kərimli telefon danışığı hüququnun pozulduğunu deyir

Gürcüstan yaşayış icazəsi almaq üçün nikaha girməyi cinayət saymağa hazırlaşır

Siyasi karikaturaları ilə tanınan rusiyalı rəssam Polşada öldürülüb

Apellyasiya Məhkəməsi Əli Kərimlini növbəti dəfə həbsdə saxladı

MEDİA ilə Audiovizual Şura birləşdirilir

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Siyasət

Əli Kərimli telefon danışığı hüququnun pozulduğunu deyir

17 İyun 2026

Sosial media

Azərbaycan Xalq Cəbhəsi Partiyasının (AXCP) həbsdə olan sədri Əli Kərimli telefon danışığı hüququnun pozulduğunu deyir. Partiya üzvlərinin yaydığı məlumata görə, sədr bunu iyunun 16-da Bakı Apellyasiya Məhkəməsində baş tutan prosesdə dilə gətirib. Partiya sədri bildirib ki, artıq ikinci dəfədir ailəsi ilə telefonla danışa bilmir. O, bunu yerli və beynəlxalq mediaya ailəsi vasitəsilə verdiyi müsahibələrlə əlaqələndirib. "Baxmayaraq ki, mənim saxlanma şəraitim əvvəldən sərt olub, "France 24"ə verdiyim müsahibədən sonra saxlanma şəraitimi daha da çətinləşdiriblər. Ailəmlə telefon əlaqəsi saxlamağa imkanın verilməməsi də diktə etdiyim yazılarla bağlıdır. Təcridxada üzləşdiyim çətinliklərlə bağlı hələlik detallı məlumat verməyə ehtiyac duymuram. Azərbaycan hakimiyyəti burada problemlər yaratmaqla yazılarımın...

Davamını oxu

Siyasət

MEDİA ilə Audiovizual Şura birləşdirilir

16 İyun 2026

meclis.gov.az

Milli Məclisin İnsan hüquqları komitəsinin iyunun 16-da keçirilən iclasında müzakirəyə çıxarılan “Media haqqında” qanuna təklif edilən dəyişikliklərə əsasən, Medianın İnkişafı Agentliyi və Audiovizual Şuranın bazasında yeni qurum -Media və Yayım Şurası yaradılacaq. Layihəyə görə, Azərbaycanda media və yayım sahəsində səlahiyyətli dövlət orqanı Media və Yayım Şurası olacaq. Şuranın fəaliyyəti, saxlanma xərcləri və maddi-texniki təminatı dövlət büdcəsi və qanunvericilikdə nəzərdə tutulan digər mənbələr hesabına maliyyələşdiriləcək. Qanun layihəsinə əsasən, Medianın İnkişafı Agentliyi və Audiovizual Şura ləğv ediləcək, onların səlahiyyətləri isə yeni yaradılan Media və Yayım Şurasına veriləcək. Yeni qurum media reyestrinin aparılması, jurnalist vəsiqələrinin verilməsi, media subyektlərinin fəaliyyətinə nəzarət, dezinformasiyaya qarşı mübarizə,...

Davamını oxu