ABŞ prezidenti Donald Tramp “Azadlıq Radiosu” və “Amerikanın Səsi”-nin fəaliyyətinə təsir edəcək fərman imzalayıb.

O, martın 14-də Qlobal Media Agentliyinin (USAGM) və bəzi digər hökumət qurumlarının fəaliyyət miqyasının əhəmiyyətli dərəcədə azaldılması barədə fərman imzalayıb.

Qlobal Media Agentliyi xarici siyasətin təbliğinə cavabdehdir.

40-dan çox dildə onlayn və radio və televiziyada fəaliyyət göstərən beynəlxalq media yayımçısı “Amerikanın Səsi” ABŞ Qlobal Media Agentliyi tərəfindən idarə olunur. Agentlik həmçinin “Azad Avropa”/“Azadlıq Radiosu”nu və “Azad Asiya Radiosu”nu maliyyələşdirir.

Təxminən 270 milyon dollar büdcəyə və 2 mindən çox əməkdaşa sahib olan qurum 49 dildə yayımlanır və həftəlik auditoriyası 361 milyondan çox insanı əhatə edir.

Trampın sərəncamı Qlobal Media Agentliyi ilə yanaşı, Federal Vasitəçilik və Razılaşma Xidmətini, Vudro Vilson Beynəlxalq Alimlər Mərkəzini, Muzey və Kitabxana Xidmətləri İnstitutunu, ABŞ-ın Evsizlik üzrə İdarələrarası Şurasını, İcmanın İnkişafı Maliyyə İnstitutları Fondunu və Azlıqların Biznesin İnkişafı Agentliyini ixtisarla bağlı hədəfləyir.

“Insider”-in “Azadlıq” radiosundakı mənbələri bildiriblər ki, aprelin 1-dən sonra jurnalistlər böyük agentliklərin xəbər lentlərindən və canlı video yayımlarından məhrum olacaqlar, Meydan TV yazır.

Sənəd Trumpın federal bürokratiyanı yenidən qurmaq üçün atdığı son addımdır. ABŞ prezidenti bu vəzifəni əsasən texnologiyai milyarderi İlon Mask və onun Hökumətin Səmərəliliyi Departamentinə tapşırır.

İndiyə qədər DOGE-nin təşəbbüsü 2.3 milyon üzvlü federal mülki işçi qüvvəsində 100.000-dən çox iş yerinin ixtisar edilməsinə, xarici yardımın dondurulmasına və minlərlə proqram və müqavilənin ləğvinə səbəb olub.

Bəzi respublikaçılar “Amerikanın Səsi” və dövlət tərəfindən maliyyələşdirilən digər KİV-ləri mühafizəkarlara qarşı qərəzli olmaqda ittiham ediblər. Keçən ay Msk özünün “X” hesabında “Amerikanın Səsi” və “Azadlıq Radiosu”nu bağlamağa çağırmışdı.