Dünya

Rusiya Norveç Helsinki Komitəsini “arzuolunmaz” təşkilat elan edib

4 İyul, 2025

Foto/kollaj: Toplum TV

Rusiyanın Baş Prokurorluğu Norveç Helsinki Komitəsini “arzuolunmaz təşkilat” kimi tanıyıb.

Bu barədə Dövlət Dumasının deputatı Andrey Luqovoy məlumat verib. Prokurorluq məhz onun müraciəti əsasında belə qərar qəbul edib.

“Bu təşkilat ölkəmizə qarşı bəzi indiki fəalların yaşından da uzun müddətdir fəaliyyət göstərir. Amma artıq onların da vaxtı bitib”, – deyə Luqovoy bildirib.

“Currenttime” yazır ki, qərar 2025-ci il iyunun 24-də qəbul olunub.

Deputat qeyd edib ki, Norveç Helsinki Komitəsi Ukraynada Rusiya hərbçiləri tərəfindən məhkəməsiz edamlar, işgəncələr, zorakılı aktları barədə saxta məlumatlar yayır, həmçinin Ukraynaya qarşı təcavüzkarlığın araşdırılması üçün xüsusi tribunalın yaradılmasına çağırış edir.

Onun fikrincə, təşkilat Rusiya hakimiyyətinin beynəlxalq məhkəməyə verilməsinə çalışır.

Norveç Helsinki Komitəsi 1977-ci ildə təsis olunub. Təşkilat 1975-ci ildə 35-dən çox dövlətin imzaladığı Helsinki Yekun Aktının prinsiplərinə əsaslanır. Bu prinsiplərə görə, insan hüquqlarına hörmət beynəlxalq sülhün və dövlətlərarası anlaşmanın əsas şərtidir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

"Abzas"çılar aclıq aksiyasını dayandırıb

İmamoğluna 8 il 9 aya qədər həbs cəzası tələb olunur

Media qanununa dəyişikliklər: “Adlar əxlaqa zidd olmamalıdır”

“Meydan TV”-nin qadın jurnalistləri “Abzas”çılara dəstək üçün aclıq aksiyasına başlayıb

“Sputnik”in azərbaycanlı əməkdaşları sərbəst buraxılıb

Ülvi Həsənlinin aclıq aksiyasına qoşulan “Abzas”çılara təzyiq olunduğu deyilir

Redaktorun Tövsiyələri

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Dünya

İmamoğluna 8 il 9 aya qədər həbs cəzası tələb olunur

4 İyul 2025

Foto: Anadolu Ajansı

Həbsdə olan İstanbul meri, müxalif Cümhuriyyət Xalq Partiyasından prezidentliyə namizəd Əkrəm İmamoğluna qarşı ittiham aktı hazırlanıb. Türkiyə mətbuatı bildirir ki, prokurorluq İmamoğlu barəsində “zəncirvari şəkildə rəsmi sənəddə saxtakarlıq” ittihamı ilə ona 2 il 6 aydan 8 il 9 aya qədər həbs cəzası və siyasi fəaliyyət qadağası tələb edib. İstanbul Universiteti martın 20-də İmamoğlunun diplomunu ləğv etmişdi. İmamoğlu isə diplomun saxta olması iddiasını rədd etmişdi. “Bu qərarı verənlərin tarix və ədalət qarşısında hesab verəcəyi günlər yaxındadır. Ədalətə, hüquqa və demokratiyaya susamış millətimizin yürüşü dayandırıla bilməz”, - o daha öncə qeyd edib. Türkiyədə prezidentliyə namizədlərdən ali təhsilə sahib olmaq tələb olunur. Tənqidçilər...

Davamını oxu

Dünya

Rusiyanın Azərbaycandakı səfirliyi: “Mülki geyimli şəxslər rus vətəndaşlara fiziki zorakılıq tətbiq edib”

3 İyul 2025

Foto: APA

Rusiyanın Azərbaycandakı səfirliyi Azərbaycanda rus vətəndaşlarına fiziki zorakılıq göstərildiyi haqda bəyanat yayıb. İyulun 2-də yayımlanan bəyanatda deyilir ki, səfirlik son sutka ərzində Azərbaycanda olan, habelə turizm məqsədilə səfər edən Rusiya vətəndaşlarından çoxsaylı müraciətlər alıb. “Müraciətçilərin sözlərinə görə, yaşadıqları ünvanlara mülki geyimli şəxslər (bəzi hallarda özlərini polis əməkdaşı kimi təqdim ediblər) gəlib və onların ölkədə qalma məqsədini sorğu-sual edərək sənədlərini yoxlayıblar. Bəzilərinin görə, onlara və ailə üzvlərinə fiziki zorakılıq tətbiq olunub”, - bəyanatda qeyd olunur. Səfirlik, həmçinin, bildirib ki, ötən günlərdə həbs olunan iki nəfər “Sputnik Azərbaycan” əməkdaşı və narkotik vasitələrin dövriyyəsi və kiberdələduzluq maddələrilə həbs olunan 8 nəfər rus vətəndaşına...

Davamını oxu