İctimai-siyasi xəbərlər
Azərbaycan neft ucuzlaşdığı üçün pul itirir
açıq mənbədən götürülüb
Londonun ICE birjasının ticarət məlumatlarına əsasən, "Brent" markalı neftin qiyməti 7.4 faiz düşərək bir barel üçün 64.74 dollar olub.
Sonuncu dəfə neft 65 dollardan aşağı 2021-ci ilin avqustunda satılmışdı.
Azərbaycanın dövlət büdcəsində 2025-ci il üçün neftin bir bareli 70 dollar səviyyəsində nəzərdə tutulub.
İqtisadçı Aydın Allahverdi bunu barədə “YeniAvaz”a belə şərh edib:
"Hazırda Azərbaycan nefti büdcədə nəzərdə tutulan qiymətdən 6 dollar ucuz satılır. Bu o deməkdir ki, Azərbaycan hər gün təxminən 5 milyon dollar itirir. Bu ilin yanvar ayında Azərbaycan 25 milyon bareldən çox neft ixrac edib. Günlük neft ixracı orta hesabla 830 min barel təşkil edir”, o deyib
Digər bir iqtisadçı Zöhrab İsmayılın fikrincə, iyun ayında Azərbaycan hökuməti büdcəyə yenidən baxıb ya xərcləri azaltmalı, ya da Neft Fondundan transfertləri artırmalı olacaq.
İqtisadçı deyir ki, neftin qiymətinin düşməsi Azərbaycan kimi ölkələrə çox ağır zərbələr vura bilər.
Qiymət enişinin əsas səbəbləri kimi aşağıdakılar göstərilir:
• ABŞ-da neft ehtiyatlarının gözləniləndən daha çox artması: ABŞ-ın Enerji İnformasiya Administrasiyasına (EIA) görə, ölkənin neft ehtiyatları ötən həftə 3.6 milyon barel artaraq 433.8 milyon barelə çatıb. Bu, analitiklərin gözlədiyi 341,000 barel artımdan qat-qat çoxdur.
• OPEC+ ölkələrinin hasilatı artırmaq qərarı: Təşkilat apreldən etibarən gündəlik hasilatı 138,000 barel artırmağa qərar verib.
• ABŞ-ın Kanada, Çin və Meksikaya tariflər tətbiq etməsi: Tramp administrasiyasının Çin, Kanada və Meksikadan idxala tariflər tətbiq etməsi iqtisadi artım tempinin azalacağı ilə bağlı narahatlıq yaradıb ki, bu da neftə tələbi aşağı sala bilər.
Azərbaycanda bundan əvvəl 2015-ci ildə dalbadal iki devalvasiya baş verib. Nəticədə manat iki dəfədən çox dəyər itirib. Onda neftin bareli bir müddət hətta 50 dollardan da aşağı düşmüşdü.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
İdxalda kəskin bahalaşma: Ərzaq və geyim məhsullarında rekord qiymət artımı
Foto: Shutterstock
Gürcüstan turizm gəlirlərində Azərbaycanı 3 dəfə üstələyib
Foto: açıq mənbə
