İqtisadiyyat

Azərbaycan Serbiyada 600 milyon avroluq elektrik stansiyası tikəcək

18 Fevral, 2026

302

Foto: president.az

Azərbaycan elektrik enerjisi istehsalı üzrə növbəti sərmayəni Serbiyaya qoyacaq.

Bununla bağlı razılıq Azərbaycan prezidenti İlham Əliyevin bu yaxınlarda həmin ölkəyə həyata keçirdiyi səfərdə əldə olunub.

Serbiya prezidenti Aleksandar Vuçiç fevralın 15-də Əliyevlə birgə brifinqdə Azərbaycan şirkətlərinin iştirakı ilə tikiləcək yeni elektrik stansiyası barədə xəbər verib. Onun sözlərinə görə, həmin gün Serbiyanın qaz şirkəti və Azərbaycan Dövlət Neft Şirkəti (SOCAR) bu barədə əməkdaşlıq sazişi imzalayıblar.

“İnanırıq ki, biz 2029-cu ilə qədər qazla işləyən elektrik enerjisi stansiyasını açacağıq. Niş şəhərinin ətrafında üç yer seçilib. Söhbət təmiz enerjidən gedir. Avropa İttifaqı da bunu etiraf edir. Bir sözlə, tikintinin ya Tripale, Kruşti, ya da Nişka Banyada aparılması gözlənilir. Lakin düşünürəm ki, Kruşti ən münasibdir. Stansiyanın 500 meqavatlıq enerji istehsalı gücü olacaq. Prezident Əliyev mənə söz verdi ki, şəxsən həmin məsələ ilə məşğul olacaq”, - o deyib.

O əlavə edib ki, Azərbaycan şirkətlərinin stansiyanın səhmlərində 50% payı olacaq.

2025-ci ilin sentyabrında Serbiya parlamentinin sədri Ana Brnabiç yerli mətbuata bildirib ki, Niş yaxınlığında təbii qazla işləyən elektrik stansiyasının tikintisi ilə bağlı Azərbaycanla aparılan danışıqlar başa çatıb və investisiyanın dəyəri təxminən 600 milyon avro olaraq qiymətləndirilir.

SOCAR artıq xarici ölkələrdə elektrik enerjisi istehsalı sahəsində sərmayələr qoymağa başlayıb.

Ötən ilin dekabrında SOCAR Türkiyənin GAMA enerji şirkəti ilə anlaşması əsasında 870 MVt gücündə istilik elektrik stansiyasını alıb. Razılaşmanın ümumi dəyəri təxminən 225 milyon ABŞ dolları təşkil edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

AŞPA Azərbaycan hökumətinə qarşı yeni qətnamə qəbul edib

ABŞ Senatı Trampın hərbi səlahiyyətlərini məhdudlaşdıran qətnamə qəbul edib

Müdafiəçiləri: "Əli Kərimlinin kamerasına məqsədyönlü şəkildə psixoloji problemləri olan şəxs salınıb”

Putin istefa verən Cənubi Osetiya rəhbərini özünə müşavir təyin etdi

"Kərimə dövləti" qurmağa cəhddə ittiham olunan inanclı fəal aclıq edir

Almaniyadan Tacikistana göndərilən müxalifət fəalı ölkəyə çatan kimi saxlanılıb

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

İqtisadiyyat

Dövlət borcunun görünməyən tərəfi: Təminat Fondunun resursları niyə tükənir?

22 İyun 2026

Toplum TV

Prezident İlham Əliyev də daxil olmaqla, iqtisadiyyata cavabdeh rəsmilərin dövlət borcunun aşağı səviyyəsini mütəmadi olaraq ölkənin iqtisadi gücünün əsas göstəricilərindən biri kimi təqdim etdikləri bir dövrdə, Hesablama Palatasının yaydığı açıqlama diqqət çəkib. Palatanın 2025-ci il üzrə dövlət büdcəsinin icrasına dair rəyində bildirilir ki, dövlət borcu və dövlət zəmanətli öhdəliklərlə bağlı Təminat Fondunun sərəncamında olan vəsaitlərin həcmi 2025-ci ilin sonuna 61 faiz azalaraq 419 milyon manatdan 164 milyon manata enib. Son 5 ildə (2020-2025-ci illərdə) isə 11 dəfəyə yaxın azalıb. Belə ki, 2020-ci ilin sonuna Fondun vəsaitlərinin ümumi qalığı 1,980 milyard manat olmuşdur. Təminat Fondu dövlət borclarının qaytarılması məqsədilə yaradılan büdcədənkənar...

Davamını oxu

İqtisadiyyat

İcbari Tibbi Sığorta Fonduna ödənişlər niyə azalır?

16 İyun 2026

president.az

Maliyyə Nazirliyi ilin ilk 4 ayı üzrə icmal büdcəni formalaşdıran və hökumətin sərəncam verdiyi ayrı-ayrı büdcələrə dair hesabatı açıqlayıb. Hesabatda diqqət çəkən məqam əvvəlki ilin eyni dövrü ilə müqayisədə 2026-cı ilin yanvar-aprel aylarında İcbari Tibbi Sığorta Fonduna məcburi ödənişlərin məbləğinin azalmasıdır. Belə ki, cari ilin qeyd olunan dövründə Fonda 820,5 milyon manat daxil olub ki, bunun 450 milyon manatı dövlət büdcəsinin transfertindən ibarətdir. Yəni, Tibbi Sığorta Fondunun büdcə dəstəyi olmadan gəlirləri 370,5 milyon manat təşkil edir və bu, əvvəlki ilin göstəricisindən 17 milyon manat, yaxud 2,2 faiz azdır. Fondun transfertsiz gəlirləri sahibkarlıq subyektlərinin və muzdlu işçilərin aylıq ödənişlərindən formalaşır. “Tibbi...

Davamını oxu