İqtisadiyyat

Azərbaycan turizm gəlirlərində Ermənistan və Gürcüstandan geri qalır

12 Mart, 2025

337

açıq mənbədən götürülüb

Quru sərhədlərini 2020-ci ildən qapalı saxlayan Azərbaycan turizmdən gələn gəlirlər üzrə Cənubi Qafqazdakı qonşularından geri qalır.

Bu barədə iqtisadçı Samir Əliyev bu ölkələrin Mərkəzi Banklarının statistik göstəricilərinə əsasən məlumat verib.

O bildirir ki, koronavirus pandemiyası hər üç ölkənin turizm sektoruna mənfi təsir etsə də, ukraynalı və rus turistlərin hesabına Gürcüstan və Ermənistan Rusiya-Ukrayna müharibəsindən “faydalanıb”.

“Azərbaycan isə quru sərhədlərini bağlamaqla Rusiya və Ukraynadan gələn turist axınlarının qarşısını almağa üstünlük verdi”, - deyə iqtisadçı yazıb.

Statistika göstərir ki, 2018-ci ildən bu yana turizm üzrə ən çox qazanc Gürcüstana məxsus olub. Ölkə 2023-cü ildə turistlərin hesabına 4,1 milyard ABŞ dolları dəyərində qazanc əldə edib və ötən ilin ilk 9 ayının göstəricilərinə əsasən bu rəqəmin artacağı gözlənilir.

Ermənistan isə 2023-cü ildə bu sahədən 3,1 milyard dollar qazanıb, amma ötən ilin indikatorları ümumi gəlirin azalacağını deməyə əsas verir.

Samir Əliyev deyib ki, Azərbaycanın son 5 ilin artım tempini saxlaya biləcəyini güman etmək olar. “Çünki 2023-cü ilin 9 ayında turizmdən gəlirlərin həcmi $1,1 milyard olduğu halda 2024-cü ilin müvafiq dövründə bu göstərici $1,6 milyarda çatıb. Artımda ötən ilin noyabr ayında Bakıda keçirilmiş COP29 tədbirinin xüsusi töhfəsini qeyd etmək olar”, - deyə o qeyd edib.

İqtisadçı əlavə edib ki, Azərbaycan 2024-cü ildə 2019-cu ilin göstəricisini ($1,8 milyard) üstələsə də, 2018-ci ilin göstəricisinə ($2,6 milyard) 2026-cı ildən tez çatması real görünmür.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Vardanyan məhkəmədən Paşinyanın dindirilməsini istəyib

Paşinyan Trampın Ermənistanı Albaniya ilə səhv salmasından narahat deyil

Arxasında Rusiyanın olduğu deyilən partlayışlara görə 15 nəfərə iş açılıb

Taliban "əxlaqsızlığın qarşısını almaq üçün" internetə qadağa qoyub

Şəmşad Ağa müalicə müəssisəsinə yerləşdirilib

Həyat yoldaşı Navalnının zəhərlə öldürüldüyünü deyir

Redaktorun Tövsiyələri

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

İqtisadiyyat

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

22 Avqust 2025

Foto: president.az

İyul ayında Xəzər dənizində neft hasilatı aparan “British Petroleum” (“BP”) şirkəti Azərbaycan neftində çirklənmə aşkarlandığını bildirmişdi. Şirkətdən “Bloomberg” agentliyinə verilən məlumatda göstərilirdi ki, Azərbaycandan Avropa ölkələrinə nəql olunan bəzi neft partiyalarında orqanik xlorid adlanan maddə aşkarlanıb. “Əgər bu maddə böyük miqdarda olarsa, neft emalı zavodlarına və avadanlıqlara zərər verə bilər”, - xəbərdə deyilirdi. Avqustun 4-də isə Rumıniya hökuməti Azərbaycandan gətirilmiş çirklənmiş xam neft səbəbilə fövqəladə vəziyyət elan edib. Ruminiya Energetika Nazirliyinin açıqlamasına görə, yerli “OMV Petrom” şirkəti 16–18 iyul tarixlərində Türkiyənin Ceyhan limanından yüklənmiş 92 min tonluq Azərbaycan nefti partiyasını qəbul edib. Yüklərin boşaldılması zamanı aparılan yoxlamalar xam neftin xloridlər...

Davamını oxu

İqtisadiyyat

DGK: Azərbaycan bu il 19 ölkəyə 14 mln. tondan çox neft ixrac edib

18 Avqust 2025

Foto: açıq mənbə

Bu ilin ilk 7 ayında Azərbaycan İtaliyaya 4,42 milyard dollar dəyərində 8,43 milyon ton neft ixrac edib. Bununla da İtaliya Azərbaycanın ümumi neft ixracında yenə də birinci yerdə qərarlaşıb. Dövlət Gömrük Komitəsinin hesabatına görə, Azərbaycanın ümumi neft ixracında ikinci yerdə Çexiya qərarlaşıb. Hesabat dövründə bu ölkəyə 547 milyon dollar dəyərində 1,02 milyon ton neft ixrac edilib. Azərbaycanın neft ixracı üzrə siyahıda üçüncü yeri Xorvatiya tutur. 2025-ci ilin yanvar-iyul aylarında bu ölkəyə 450 milyon dollar dəyərində 827 min ton neft ixrac edilib. Məlumata əsasən, qeyd olunan göstəricilər hesabat dövründə gömrük orqanlarında rəsmiləşdirilməsi başa çatdırılmış ixrac olunan neftin dəyərinə dair məlumatları əhatə edir. Siyahıdan...

Davamını oxu