İqtisadiyyat

SOCAR 3 milyard avro dəyərində İtaliya şirkətini alıb

21 Fevral, 2026

337

Foto/kollaj: Toplum TV

Avropa Komissiyası Azərbaycanın Dövlət Neft Şirkətinin (SOCAR) "API Holding" şəbəkəsindən "Italiana Petroli" (IP) şirkətini almasını təsdiqləyib.

Bu barədə fevralın 19-da yayılan pres-relizdə bildirilir ki, SOCAR İtaliya şirkətinin səhmlərinin 99.82%-ini alıb.

Avropa Komissiyası bu nəticəyə gəlib ki, SOCAR-ın bu şirkəti alması bazarda rəqabətə ciddi təsir etməyəcək və başqa şirkətlər üçün problem yaranmayacaq. Buna görə də, sövdələşmə sadə və sürətli prosedurla təsdiqlənib.

İsveçrədə qeydiyyatdan keçmiş "SOCAR Energy Holdings AG" sövdələşməni SOCAR-ın adından yekunlaşdırıb.

"Italiana Petroli" İtaliyada neft emalı və satışı sahəsində ən böyük şirkətlərdən biridir. Şirkət ölkə üzrə minlərlə yanacaqdoldurma məntəqəsinə və illik təxminən 10 milyon ton gücə malik iki neftayırma zavoduna sahibdir. IP bitum, aviasiya yanacağı və sürtkü yağları kimi ixtisaslaşmış məhsullar satır və bütün ölkəni əhatə edən logistika sisteminə malikdir.

İtaliya mətbuatı xəbər verir ki, bu razılaşma SOCAR-a IP brendi altında fəaliyyət göstərən 4600-dən çox yanacaqdoldurma məntəqəsi üzərində nəzarət, eləcə də neft emalı imkanları qazandıracaq. Sövdələşmənin ümumi dəyərinin təxminən 3 milyard avro olduğu qiymətləndirilir.

"Intesa Sanpaolo IMI CIB" şirkətinin məsləhətçiliyi ilə çıxış edən SOCAR "Italiana Petroli"-nin alınması uğrunda rəqabətdə digər namizədləri - İsveçrənin "Gunvor" və BƏƏ-nin "Bin Butti Group" şirkətlərini geridə qoyub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Məhkəmə Bəşər Əsədə ölüm hökmü çıxarıb

Tramp: “Biz də İrandan təzminat tələb edirik”

İlham Əliyevin açılışını etdiyi hoteli tikən şirkət ödənişini ala bilmədiyini bildirir

Kadırov 20 yaşlı oğluna “Çeçenistan Qəhrəmanı” adı verib

İran XİN: “Ukrayna İrana vurduğu ziyanı könüllü şəkildə ödəməlidir”

Ukraynanın Tatarıstana dron hücumunda azı 13 nəfər ölüb

Redaktorun Tövsiyələri

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

İqtisadiyyat

ABA tənqid olunan kart limitləri ilə bağlı: “Yenidən baxılması istisna edilmir”

10 Avqust 2026

sosial media

Azərbaycan Banklar Assosiasiyasının (ABA) icraçı direktoru Yunus Abdulov bildirib ki, gələcəkdə kartdan-karta əməliyyatlara tətbiq olunan limitlərə yenidən baxılması və alternativ tədbirlərin görülməsi istisna edilmir. O, bunu avqustun 1-dən qüvvəyə minən kartdan-karta köçürmə limitləri ilə bağlı “APA-Economics”-ə açıqlamasında deyib. Abdulovun sözlərinə görə, limitlərin tətbiqində məqsəd risklərin idarə olunmasını gücləndirmək, nağdsız ödənişlərin payını artırmaq və qanunsuz mərc əməliyyatlarının qarşısını almaqdır. İcraçı direktor qeyd edib ki, mövcud limitlər baza xarakteri daşıyır və banklar öz risk qiymətləndirmələrinə əsasən müştərilərə fərqli yanaşma tətbiq edə bilirlər. ABA-nın məlumatına görə, hər bir ödəniş aləti (kart) üzrə gündə maksimum 5 mədaxil əməliyyatına icazə verilir. Aylıq mədaxil limiti isə...

Davamını oxu

İqtisadiyyat

Kartdan karta köçürmələrə limit nəyi dəyişəcək?

7 Avqust 2026

Toplum TV

Azərbaycanda avqustun 1-dən kart əməliyyatlarına məhdudiyyət tətbiq olunur. Azərbaycan Banklar Assosiasiyasının (ABA) yaydığı məlumata görə, bank xidmətləri istifadəçiləri kartdan karta əməliyyatı ilə gündəlik ən çox 5 dəfə öz kartlarına köçürmə qəbul edə bilər. Aylıq ümumi köçürmə məbləği isə 20 min manatı keçməməlidir. Məxaric əməliyyatlarına isə hələlik məhdudiyyət qoyulmadığı bildirilir. ABA prezidenti Zakir Nuriyev “AzTV”-yə müsahibəsində deyib ki, limit bütün kart köçürmələrinə şamil olunmayacaq. "Söhbət şəxsi köçürmə kanalı ilə biznes məqsədi üçün, uçotdan kənar dövriyyə üçün aparılan, şübhəli və ya dələduzluq xarakterli əməliyyatlardan gedir. Sağlam xarakterli normal köçürmələrə hər hansı limit olmayıb və olmayacaq", - o qeyd edib. Z.Nuriyev “sağlam xarakterli”...

Davamını oxu