Məhkəmə

Keçmiş vəkilə 8 il cəza verildi

10 Oktyabr, 2022

2050

Açıq mənbələrdən götürülüb

Oktyabrın 10-da Bakı Ağır Cinayətlər Məhkəməsində keçmiş vəkil Vüqar Səfərlinin sonuncu məhkəməsi keçirilib. Hakim Əli Məmmədov hökm elan edib. Vüqar Səfərli 8 il müddətinə azadlıqdan məhrum edilib.

Vüqar Səfərlinin işi üzrə 17 zərərçəkmiş vardı. O, vəkil işlədiyi dövrdə bu adamları aldadaraq ümumilikdə təxmini 200 min manat vəsaiti mənimsəməkdə təqsirləndirilirdi.

Bu vəkil bir aralar yerli telekanallardan düşmürdü. Müxtəlif sosial verilişlərdə iştirak edir, hüquqi məsləhətlər verirdi. Elə zərərçəkmişlər də buna aldanıblar. Onlar məhkəmədə bildirirdilər ki, vəkili teleekranlardan görüblər, düyünə düşmüş işlərini çözə biləcəyini düşünüblər.

https://toplum.tv/mehkeme/baku-steel-company-isi-azerboru-nece-satildi

İttihama görə, onlar evinə çıxarış almaq, yaxınını həbsdən çıxarmaq və başqa səbəblərlə Vüqar Səfərlinin açdığı vəkil ofisinə yaxınlaşıb, onunla müqavilə bağlayıb, müəyyən məbləğlər ödəyiblər, ancaq hüquqi xidmət görməyiblər, pullarını geri istəyəndə isə vəkil onlardan qaçaq düşüb.

Hələ məhkəmə boyunca hakim Əli Məmmədov təqsirləndirilən şəxsə bir neçə dəfə “özün də görürsən ki, çoxu tək, yaşlı qadınlardır, ödə zərərlərini, günahdır”, deyib. Vüqar Səfərli isə ödəyəcəyinə söz verib.

Ötən il Vüqar Səfərli həbs olunarkən Vəkillər Kollegiyasının sədri bildirmişdi ki, onunla bağlı vətəndaşlardan şikayətlər gəldiyinə görə Kollegiyadan uzaqlaşdırılıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Şəmkirin keçmiş icra başçısı məhkəmə qarşısında

"Aytac Əliyeva işi": Mənə dedi ki, Dubaydan aldığım qızıl saatlar polad çıxıb

Şahid: Dustaq olduğuma görə müstəntiq nə dedisə, onu yazdım

Mədəniyyət Nazirliyinin şöbə rəisi 4 ay müddətinə həbs edildi

Saxta qətnamələrə görə məhkəmə qarşısına çıxarılan hakim özünü təqsirli bilmir

Eldar Həsənovun övladlarının əmlaklarına qoyulan həbs götürüldü

Redaktorun Tövsiyələri

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Məhkəmə

Fazil Qasımov Penitensiar Xidmət əməkdaşları tərəfindən hədələndiyini deyir

16 Sentyabr 2025

Foto: sosial media

Sentyabrın 15-də Bakı Apellyasiya Məhkəməsində iqtisadçı Fazil Qasımovun işi üzrə növbəti baxış iclası keçirilib. Hakim Aqil Musayevin sədrliyi ilə baş tutan iclasda F.Qasımov çıxış etməzdən öncə vəkili ilə ünsiyyət üçün vaxt istəyib, amma hakim bunu təmin etməyib. Daha sonra o, Bakı Ağır Cinayətlər Məhkəməsində işə baxılarkən ötən ilin yanvarın 24-də məhkəmə iclasında Penitensiar Xidmətin əməkdaşları tərəfindən hücuma məruz qaldığını xatırladıb. İqtisadçı bildirib ki, hazırda da ona Penitensiar Xidmət əməkdaşları tərəfindən hədə-qorxu gəlinir. O deyib ki, cəzaçəkmə müəssisəsinə qayıtdıqdan sonra ona qarşı hücumlar ediləcəyi barədə hədələnib. Daha sonra F.Qasımov indiyə qədər verdiyi vəsatətlərin heç birinin məhkəmə tərəfindən təmin edilmədiyini, eləcə də...

Davamını oxu

Məhkəmə

Məhəmməd Mirzəliyə qiyabi hökm oxunub

15 Sentyabr 2025

Foto: sosial media

Binəqədi Rayon Məhkəməsində Fransada yaşayan azərbaycanlı bloger Məhəmməd Mirzəlinin barəsində olan cinayət işi üzrə məhkəmə prosesi başa çatıb. Hakim Vüsal Tağıyevin sədrliyi ilə keçirilən prosesə təqsirləndirilən şəxsə hökm oxunub. Hökmə əsasən, M.Mirzəli barəsində 6 il 6 ay azadlıqdan məhrum etmə qərarı çıxarılıb. İttihama görə, Məhəmməd Mirzəli barəsində Cinayət Məcəlləsinin 220.2 (zorakılıqların, talanların, yanğınların törədilməsi, əmlakın məhv edilməsi, odlu silahın, partlayıcı maddələrin və ya qurğuların tətbiq edilməsi, yaxud hakimiyyət nümayəndəsinə silahlı müqavimət göstərilməsi ilə müşayiət olunan kütləvi iğtişaşları təşkil etmə və ya belə iğtişaşlarda iştirak etmə) və 281.1-ci (hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə...

Davamını oxu