İqtisadiyyat

41 milyonluq tenderin qalibi prezidentin xüsusi nümayəndəsinin müavininin şirkətidir

15 May, 2026

563

Açıq mənbə

Prezidentin Cəbrayıl, Qubadlı və Zəngilan rayonlarındakı xüsusi nümayəndəsinin müavini Səbuhi Mehdizadənin şirkəti 41 milyon 266 min manatlıq tenderin qalibi elan olunub.

Tenderin qalibi olan "Hovers Group" Məhdud Məsuliyyətli Cəmiyyəti Laçında yeni yaşayış məhəlləsinin inşasından məsul olacaq. Satınalmanın sifarişçisi isə "Laçın rayonunda Bərpa, Tikinti və İdarəetmə Xidməti" adlı publik hüquqi şəxsdir.

"Azadlıq Radiosu"nun məlumatına görə, Səbuhi Mehdizadə sözügedən şirkətin təsisçisidir. O, xüsusi nümayəndənin müavini vəzifəsinə 2024-cü il iyulun 15-də prezident İlham Əliyevin sərəncamı ilə təyin edilib. S.Mehdizadə daha öncə həmin nümayəndəlikdə baş məsləhətçi kimi çalışıb.

O, xüsusi nümayəndəlikdən öncə isə kənd təsərrüfatı nazirinin müşaviri, "Təmiz Şəhər" Açıq Səhmdar Cəmiyyətinin İdarə Heyəti sədrinin müavini, İqtisadiyyat Nazirliyi yanında İstehlak Mallarının Ekspertizası Mərkəzinin direktoru və başqa rəsmi vəzifələrdə çalışıb. S.Mehdizadə həm də Stolüstü Tennis Federasiyasının vitse-prezidentidir.

"Hovers Group" MMC əvvəllər də milyonluq dövlət tenderlərinin qalibi elan olunub. Məsələn, şirkət Mənzil İnşaatı Dövlət Agentliyi (MİDA) ilə ümumi dəyəri 41 milyon 626 min manat olan üç müqavilə, Gənclər və İdman Nazirliyi ilə isə Yevlaxda Olimpiya İdman Kompleksinin tikintisi üçün 18 milyon 197 min manatlıq satınalma müqaviləsi bağlayıb.

2025-ci ildə Qarabağda tikinti işlərinə ümumilikdə 4 milyard 911 milyon manat xərclənib.

Müstəqil iqtisadçılar və jurnalistlər Qarabağda aparılan tikinti layihələrinin şəffaf olmadığını, dəvət olunan şirkətlərin hansı tenderlərlə seçilməsinin aydın olmadığını deyirlər.

Onların fikrincə, işğaldan azad edilmiş ərazilərdə son illərdə inşa olunan fərdi yaşayış evləri ölkənin digər bölgələrində tikilən analoji evlərlə müqayisədə daha baha başa gəlir.

2024-cü ildə prezident İlham Əliyev "Mikroskop Media"nın bu barədə sualına cavabında Qarabağda bütün bərpa işlərinin "maksimum şəffaf şəkildə aparıldığını və tender prosedurlarına tam əməl edildiyini" bildirmişdi.

Ötən ilin sonunda "Toplum TV"-yə danışan, Qarabağda tikinti işləri aparmış "Arenol Qrup" şirkətinin direktoru Tolqa Şahin isə şirkətlərə çox az pulun ayrıldığını, dövlət büdcəsindən vəsaitin mənimsənildiyini iddia etmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

Rüfət Səfərov 8 il müddətinə azadlıqdan məhrum edilib

Helsinki Komitəsi: Azərbaycanda müstəqillikdən bəri heç vaxt bu qədər qadın jurnalist həbsdə olmayıb

Zamin Salayevin yenidən “karser"ə salındığı deyilir

İqtisadçı: “Faktiki olaraq inflyasiya maaş artımının 90 faizdən çoxunu udur”

13 il həbsi istənən Fərid İsmayılov: “Hökumətin imtahanından qorxmuram”

Redaktorun Tövsiyələri

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Akif Qurbanov: “Polislərin götürdüyü çantada 17 min manat olub, aqibəti bilinmir”

Paşinyanı qələbəyə aparan iqtisadi uğurları

İqtisadiyyat

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

13 İyun 2026

president.az

İqtisadiyyat naziri Mikayıl Cabbarov bu günlərdə İctimai Televiziyaya geniş müsahibə verib. Onun açıqlamalarını “Toplum TV”yə şərh edən müstəqil ekspertlər hesab edirlər ki, nazir müsahibəsində səsləndirdiyi bir sıra fikirlərlə özü-özünü təkzib edib. Belə ki, M. Cabbarov bildirib ki, bu ilin ilk dörd ayında Azərbaycan iqtisadiyyatının gözlənilən tempdə böyüməməsinin əsas səbəblərindən biri dövlət tərəfindən həyata keçirilməsi nəzərdə tutulan bir sıra layihələrin təxirə salınmasıdır. Onun sözlərinə görə, dövlət investisiyaları hesabına reallaşdırılması planlaşdırılan bəzi tikinti layihələri daha sonrakı dövrdə icra olunacaq. Nazir vurğulayıb ki, məhz bu layihələrin təxirə salınması tikinti sektorunda kəskin azalmanın yaranmasına səbəb olub. Bunun ardınca iqtisadiyyat naziri qeyri-neft-qaz sektorunda yüksək artımdan,...

Davamını oxu

İqtisadiyyat

İqtisadçı: “Faktiki olaraq inflyasiya maaş artımının 90 faizdən çoxunu udur”

12 İyun 2026

ChatGbt

Rəsmi məlumatlara görə, Azərbaycanda bu ilin yanvar-aprel aylarında orta aylıq nominal əməkhaqqı 1 172,1 manat olub. Bu, ötən ilin eyni dövrü ilə müqayisədə 6,5 faiz artım deməkdir. Dövlət Statistika Komitəsinin məlumatına əsasən, 2026-cı ilin ilk beş ayında orta illik inflyasiya isə 5,6 faiz təşkil edib. Bəs əməkhaqqındakı artım mövcud inflyasiya şəraitində əhalinin rifahına necə təsir göstərir? İqtisadçı Rövşən Ağayev “Toplum TV”yə bildirib ki, Azərbaycanda qeyri-rəsmi məşğulluğun miqyası ilə bağlı rəsmi statistika açıqlanmır. Onun sözlərinə görə, Beynəlxalq Əmək Təşkilatına hesabat təqdim edən əksər ölkələrdə bu göstəricilər ictimaiyyət üçün açıq olsa da, Azərbaycanda belə məlumatlar dərc edilmir. “Azərbaycanda təxminən 5 milyona yaxın...

Davamını oxu