İqtisadiyyat

Gürcüstan DTX-sində dindirilən eks-nazir SOCAR-ın aldığı şirkətə rəhbər gətirilib

15 May, 2026

291

Sosial media

Gürcüstanın keçmiş iqtisadiyyat naziri Levan Davitaşvili Azərbaycan Dövlət Neft Şirkətinin (SOCAR) bu yaxınlarda satın aldığı İtaliya şirkətinə baş icraçı direktor təyin olunub.

Bu barədə mayın 13-də SOCAR-ın pres-relizində məlumat verilib.

“Davitaşvili "Italiana Petroli"nin (IP) İtaliyadakı fəaliyyətinə rəhbərlik edəcək. O, əməliyyatların fasiləsiz davamlılığının təmin edilməsinə, şirkətin ölkənin enerji bazarındakı mövqeyinin qorunub daha da gücləndirilməsinə və şirkətin daha geniş SOCAR Qrupuna inteqrasiyasına nəzarət etməyə fokuslanacaq", - pres-relizdə bildirilir.

“Sözügedən təyinat SOCAR-ın İtaliyaya sadiqliyini əks etdirir. Bu, Qrupun beynəlxalq sənaye təcrübəsi və strateji baxışını yerli bazar və institusional mühit haqqında güclü anlayışla birləşdirən xüsusi rəhbərlik vasitəsilə həyata keçirilir”, - deyə SOCAR əlavə edib.

Pres-relizdə Davitaşvilinin ötən ilin noyabrından bəri SOCAR prezidentinin müşaviri vəzifəsində çalışdığı da qeyd olunub.

SOCAR IP-in satınalması ilə bağlı ötən ilin sentyabrında müqavilə bağlayıb. Proses yalnız bu ay tamamlanıb.

Davitaşvili 2022-ci ilin fevralından 2025-ci ilin iyununa qədər Gürcüstanın iqtisadiyyat və davamlı inkişaf naziri vəzifəsində çalışıb. Paralel olaraq, o, 2021-ci ilin iyulundan baş nazir müavini vəzifəsini də icra edib.

Davitaşvilinin istefasından üç gün əvvəl onun müavini Romeo Mikautadze həbs olunub. Mikautadze bu ilin martında korrupsiya ittihamı ilə 10 il həbs cəzasına məhkum edilib.

Bu ilin fevralında Davitaşvili Gürcüstanın Dövlət Təhlükəsizlik Xidmətinin (DTX) Korrupsiyaya Qarşı Mübarizə Agentliyi tərəfindən dindirilməyə çağırılmışdı. Son aylarda həmin qurum Mikautadze də daxil olmaqla bir sıra keçmiş yüksək vəzifəli məmurları korrupsiya ittihamları ilə həbs edib.

DTX bildirib ki, Davitaşvili böyük neft şirkəti ilə imzalanmış müqavilə ilə bağlı davam edən istintaq çərçivəsində çağırılıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Fridrix Merts: “Şimali Koreya bütün Avropanın azadlığını təhdid edir”

“Amnesty International” Bəhruz Səmədovun azadlığa buraxılmasına çağırıb

“Novaya qazeta” fəaliyyətini dayandırdığını açıqlayıb

Mask ABŞ-dəki aralıq seçkilərə 445 milyon dollardan çox vəsait ayırıb

Ağaəli Yəhyayevin ailəsi: “Hicabla bağlı müraciətindən sonra onunla əlaqə saxlaya bilmirik”

CNN: Dünyanın ən böyük kriptovalyuta birjasına tarixin ən böyük kiberhücumu edilib

Redaktorun Tövsiyələri

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

İqtisadiyyat

Azərbaycana gələn xaricilərin sayı azalmaqda davam edir: 9 ayda 6 faiz geriləmə

22 Oktyabr 2026

sosial media

Bu ilin yanvar-sentyabr aylarında Azərbaycana gələn xarici vətəndaşların sayı ötən ilin eyni dövrü ilə müqayisədə 6 faiz azalıb. Dövlət Statistika Komitəsinin (DSK) məlumatına görə, bu dövrdə 191 ölkədən Azərbaycana 1 milyon 831,8 min nəfər gəlib. Gələnlərin 27,1 faizi Rusiyanın, 19,4 faizi Türkiyənin, 7,7 faizi İranın, 4,9 faizi Gürcüstanın, 4,5 faizi Qazaxıstanın, 3,7 faizi isə İsrailin vətəndaşları olub. Ötən ilin eyni dövrü ilə müqayisədə Avropa İttifaqına üzv ölkələrdən gələnlərin sayı 6,1 faiz artaraq 94,2 min nəfərə, MDB ölkələrindən gələnlərin sayı isə 4,3 faiz artaraq 699 min nəfərə çatıb. Bununla yanaşı, Körfəz ölkələrindən gələnlərin sayı 32 faiz azalaraq 218,3 min nəfər, digər...

Davamını oxu

İqtisadiyyat

Nazirlik: Azərbaycan 9 ayda 15 milyon tondan çox neft ixrac edib

15 Oktyabr 2026

sosial media

Bu ilin yanvar-sentyabr ayları üzrə operativ məlumatlara əsasən, Azərbaycanda 19,9 milyon ton neft (qaz kondensatı ilə birlikdə) hasil edilib. Bu barədə Energetika Nazirliyi məlumat yayıb. Məlumata görə, hasilatın 11,8 milyon tonu “Azəri-Çıraq-Günəşli”nin, 2,6 milyon tonu “Şahdəniz”in, 0,4 milyon tonu isə “Abşeron” yatağının payına düşüb. SOCAR üzrə neft hasilatı, kondensatla birlikdə, 5,1 milyon ton təşkil edib. Nazirlik bildirir ki, həmin dövrdə 15,5 milyon ton neft və kondensat ixrac olunub. Bunun 14,2 milyon tonu konsorsiumun, 0,8 milyon tonu SOCAR-ın, 0,5 milyon tonu isə JOCAP-ın (Joint Operating Company of Absheron Petroleum) payına düşüb. Müstəqil iqtisadçılar bildirirlər ki, Azərbaycan iqtisadiyyatı hələ də neft və...

Davamını oxu