Məhkəmə

Aytac Tapdığa məhkəmədə fiziki zorakılıq göstərildiyi bildirilir

26 Sentyabr, 2025

Foto: sosial media

Həbsdə olan "Meydan TV" jurnalisti Aytac Tapdığın (Əhmədova) Bakı Apellyasiya Məhkəməsində fiziki zorakılığa məruz qaldığı bildirilir.

Bu barədə heyvan haqları fəalı Kamran Məmmədli sosial mediada məlumat verib.

Onun dediyinə görə, sentyabrın 26-da Bakı Apelyasiya Məhkəməsinə gətirilərkən jurnalist məhkəmənin koridorunda həmkarlarını görərək onları səsləyib.

"Bu zaman Cəmil Hüseynov adlı konvoy rəisi onu uzun koridor boyunca zorakılıqla itələyərək saxlanma məntəqəsinə aparıb və məntəqəyə çatdıqda onu sürətli formada hər tərəfində kişi məhbusların oturduğu otağın ortasına itələyib", - o qeyd edib.

Məhkəmə prosesi isə A.Tapdıqla K.Məmmədlinin nikaha girmək haqqında şikayəti ilə bağlı olub. Birinci instansiya məhkəməsi onların bu barədə istəyini təmin etməyib.

K.Məmmədli bildirib ki, Apellyasiya Məhkəməsi onların şikayətini qismən təmin edib və iş baxılması üçün Xətai Rayon Məhkəməsinə geri göndərilib.

2024-cü il dekabrın 6-da “Meydan TV işi” üzrə saytın Azərbaycan nümayəndəliyinin rəhbəri Aynur Elgünəş, jurnalistlər Ramin Deko, Aysel Umudova, Aytac Tapdıq, Xəyalə Ağayeva, Natiq Cavadlı saxlanılıblar.

Sonradan “Arqument.az” saytının baş redaktoru, "Meydan TV" ilə əməkdaşlıq edən jurnalist Şəmşad Ağa (Ağayev), jurnalistlər Nurlan Libre (Qəhrəmanlı), Fatimə Mövlamlı, Ülviyyə Əli (Quliyeva) və fotoqraf Əhməd Muxtar “Meydan TV işi”nə görə həbs edilib.

Saxlanılan jurnalistlərin heç biri özünü təqsirli bilmir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Azərbaycanlı fəal Türkiyədə təcridxanada “terrorçu” adı ilə saxlanılır

AİHM Azərbaycan hökumətinin keçmiş “NİDA”çılara əlavə 1500 avro ödəməsinə qərar verib

Nigar Həzi: Tofiq Yaqublu vaxtında müalicə olunmazsa, səhhətindəki problem geridönməz hala çevriləcək

HƏMAS rəsmisi: "7 oktyabr hücumu tarixi dəyişmək üçün qızıl imkan yaratdı"

"Abzas Media"nın qadın jurnalistləri Lənkərandakı həbsxanaya köçürülüb

Sloveniya Netanyahuya sanksiya tətbiq edən ilk Aİ ölkəsi olub

Redaktorun Tövsiyələri

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Məhkəmə

AİHM Azərbaycan hökumətinin keçmiş “NİDA”çılara əlavə 1500 avro ödəməsinə qərar verib

26 Sentyabr 2025

Foto: Meydan TV

Avropa İnsan Hüquqları Məhkəməsi (AİHM) sentyabrın 25-də “NİDA” Vətəndaş Hərəkatının keçmiş üzvləri Şahin Novruzlu və Məmməd Əzizovun şikayətləri üzrə işin siyahıdan çıxarılması ilə bağlı qərar verib. 2014-cü ilin mayında Bakı Ağır Cinayətlər Məhkəməsinin hökmü ilə müxtəlif maddələrdə ittiham olunaraq məhkum olunan “NİDA” fəalları 2016-cı ildə prezidentin əfv sərəncamı ilə azadlığa buraxılmışdılar. Onlar məhkumluqlarını qanunsuz və siyasi motivli hesab edərək AİHM-ə müraciət etmiş, məhkəmə də 2021-ci ildə onların xeyrinə qərar çıxarmışdı. AİHM 2021-ci ildəki qərarında Avropa İnsan Hüquqları Konvensiyasının 5-ci (azadlıq və toxunulmazlıq) və 18-ci (siyasi məqsədlərlə hüquqların məhdudlaşdırılması) maddələrinin pozuntusunu tanımış, Azərbaycan hökumətini fəallara ümumilikdə 43,500 avro təzminat ödəməyə məcbur...

Davamını oxu

Məhkəmə

Hakim Əziz Orucovun vaxtından əvvəl azadlığa çıxmasını təmin etməyib

25 Sentyabr 2025

Foto: sosial media

Sentyabrın 25-də Suraxanı Rayon Məhkəməsində "Kanal 13" internet televiziyasının həbsdə olan rəhbəri Əziz Orucovun vaxtından əvvəl azad olunması üçün verdiyi vəsatətə baxılıb. Azadlıq Radiosunun Ə.Orucovun ailəsinə istinadən verdiyi xəbərə görə, hakim vəsatəti təmin etməyib. Ailəsi bildirib ki, saxlanıldığı 16 saylı Cəzaçəkmə Müəssisəsinin rəhbərliyinin verdiyi müsbət rəy və müalicə müəssisəsində davamlı nevroloji müalicə alması Ə.Orucovun azadlığa buraxılması üçün yetərli olmayıb. Hakim Ədliyyə Nazirliyinin mənfi mülahizəsi əsasında onun vaxtından əvvəl azad olunmasının əleyhinə qərar verib. Ə.Orucovun azadlığa çıxmasına 2 ay 2 gün qalıb. Ə.Orucov 2023-cü il noyabrın 27-də qanunsuz tikinti ittihamı ilə həbs olunub. Bu il fevralın 26-da Səbail Rayon Məhkəməsində hakim...

Davamını oxu