Məhkəmə

Azər Qasımlının xanımı Samirə Qasımlı da təqsirləndirilən şəxs oldu

7 İyul, 2026

160

Sosial media

İyulun 6-da Binəqədi Rayon Məhkəməsində siyasi psixoloq Samirə Qasımlının ittiham olunduğu iş üzrə məhkəmə prosesi keçirilib.

"Azadlıq Radiosu"nun xəbərinə görə, S.Qasımlını böhtan və təhqirdə ittiham edən Qurbanəli Yusifov yenə də prosesə qatılmayıb.

Hakim Samir Nəsibov S.Qasımlıdan xüsusi ittihamçının iştirakı olmadan prosesin keçirilməsinə etirazı olub-olmadığını soruşub.

"Şərəf və ləyaqət hiss və düşüncə kateqoriyasına aiddir. Bu barədə suallar da insanın nə hisslər keçirməsiylə bağlı olur. Nümayəndəsi burada iştirak edir, amma o, suallarımıza cavab verə bilməz. Deyə bilməz ki, o adam nə hiss keçirib. İnsanın şərəf və ləyaqətini özündən başqa heç kim müdafiə edə bilməz. Təhqir olunubsa, niyə gəlib özünü müdafiə etmir?", - S.Qasımlı cavab verib.

Q.Yusifovun vəkili isə deyib ki, müvəkkili Türkiyədədir və Azərbaycana nə vaxt gələcəyini bilmir.

S.Qasımlının vəkili Ramil Süleymanov məhkəməyə təklif edib ki, belə olan halda, xüsusi ittihamçı ərizəsini geri götürsün və ölkədə olacağı vaxt yenidən məhkəməyə müraciət etsin.

Məhkəmə prosesi təxirə salınıb.

Q.Yusifov S.Qasımlını Cinayət Məcəlləsinin 147.1-ci (böhtan) və 148-ci (təhqir) maddələri üzrə ittiham edir. O, məhkəməyə ərizəsində iddia edib ki, S.Qasımlı "Facebook" hesabındakı paylaşımlarında onu hədələyib və böhtan atıb.

S.Qasımlı həbsdə olan müxalif siyasətçi Azər Qasımlının həyat yoldaşıdır. A.Qasımlı 2024-cü ilin dekabrında məhz Q.Yusifovun şikayəti əsasında həbs olunub.

Siyasətçi bu ilin martında Bakı Ağır Cinayətlər Məhkəməsi tərəfindən 12 il həbs cəzası alıb. O, hədə-qorxuda təqsirli bilinib. Özü isə ittihamı qəbul etmir, hakimiyyətin sifarişi ilə həbs olunduğunu deyir.

S.Qasımlı da ittihamları qəbul etmir, həyat yoldaşının hüquqlarını müdafiə etdiyinə görə hakimiyyətin onu cəzalandırmaq istədiyini deyir. Daxili İşlər Nazirliyi tərəfindən S.Qasımlının ölkədən çıxışına qadağa qoyulub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Tərtər işi": 5 milyon manat təzminat istəyən ataya 40 min manat kəsilib

Kreml: "Əliyevin Ukraynanın ərazi bütövlüyü ilə bağlı mövqeyi yanlışdır"

Ruslan İzzətli oğluna: “Sənin və həmyaşıdlarının azad yaşaması üçün hər cəzaya hazıram"

ABŞ: "Tramp marşrutu”nda gömrük və sərhəd xidməti Ermənistanın nəzarətində olacaq

Həbsdə olan inanclı fəallar qadın məhbuslar üçün aclığa başlayıb

Tramp Hörmüzdə gəmiləri qorumağa görə ödəniş istəyir

Redaktorun Tövsiyələri

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

Məhkəmə

"Tərtər işi": 5 milyon manat təzminat istəyən ataya 40 min manat kəsilib

14 İyul 2026

açıq mənbə

2017-ci ildə “Tərtər işi” kimi tanınan hadisələrdə həyatını itirən hərbçi Ruslan Ocaqverdiyevin atası İlham Ocaqverdiyevin təzminat tələbilə bağlı məhkəmə prosesi yekunlaşıb. "Azadlıq Radiosu"nun xəbərinə görə, ata iddia ərizəsində maddi zərərə görə 310 min, mənəvi zərərə görə isə 5 milyon manat təzminat tələb edib. Nəsimi Rayon Məhkəməsi maddi ziyanla bağlı Ocaqverdiyevin iddiasını təmin etməyib. Mənəvi ziyana görə isə ona 40 min manat təzminat ödənilməsi barədə qərar çıxarılıb. Hakim Əfsanə Heydərova qərarı hadisədən xeyli vaxt keçməsi ilə əsaslandırıb. "Müəyyən müddətin keçməsi ilə mənəvi sarsıntının dərəcəsi əvvəlki dövrlə müqayisədə nisbətən azala bilir”, - qərarda qeyd olunub. Daha öncə məhkəməyə müraciət etmiş R.Ocaqverdiyevin həyat...

Davamını oxu

Məhkəmə

Ruslan İzzətli oğluna: “Sənin və həmyaşıdlarının azad yaşaması üçün hər cəzaya hazıram"

14 İyul 2026

Sosial media

İyulun 13-də Bakı Ağır Cinayətlər Məhkəməsində “Toplum TV işi” üzrə növbəti məhkəmə prosesi keçirilib. Hakim Azər Tağıyevin sədrliyi ilə keçirilən prosesdə təqsirləndirilən şəxslərdən III Respublika Platformasının qurucu heyət üzvü Ruslan İzzətliyə son söz haqqı verilib. O, son söz əvəzinə oğluna yazdığı məktubu səsləndirib. Ruslan İzzətlinin məktubunu olduğu kimi təqdim edirik. Əziz oğlum, sənə ilk məktubu birinci sinfə ilk addımını atan gün yazmışdım. Həmin məktubdan iki il keçib. İndi 3-cü sinfə hazırlaşırsan. Həbsxanadan yazdığım müraciətlərimin birində qeyd etmişdim ki, iş masanıza və ya telefonunuzun ekranına övladınızın şəklini qoyun. Atacağınız hər addımı onların gözünə baxaraq atın. Elə yaşayın, elə addımlar atın ki,...

Davamını oxu