Məhkəmə

İnanclı fəal 3 il azadlıqdan məhrum edilib

24 İyul, 2025

129

Foto: sosial media

Müsəlman Birliyi Hərəkatının (MBH) üzvü Tərlan Səyadovun ittiham olunduğu cinayət işi üzrə məhkəmə prosesi yekunlaşıb.

MBH-dən verilən məlumatda bildirilir ki, iyulun 23-də Bakı Ağır Cinayətlər Məhkəməsində hakim Roman Ələkbərlinin sədrliyi ilə keçirilən iclasda Səyadova hökm oxunub.

O, Cinayət Məcəlləsinin 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşıma) maddəsi ilə ittiham edilərək 3 il azadlıqdan məhrum edilib.

Məhkəmədə son sözünü deyən Səyadov heç bir cinayət əməli törətmədiyini bildirib və ittihamları saxta adlandırıb.

“Mənim yalnız bir günahım var, o da inancım və əqidəmdir. Bu gün mən əqidəmə görə məhkum olunuram”, - o qeyd edib.

Səyadov 2024-cü ilin martında saxlanılıb.
Azərbaycanda Siyasi Məhbusların Azadlığı üçün Birliyin iyunun 9-da yenilədiyi siyahıya əsasən, ölkədə 375 siyasi motivlərlə həbs olunan şəxs var və bunlardan 241-i inanclı fəallardır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“Aİ Azərbaycanın geosiyasi əhəmiyyətini dəyərlərindən üstün tutur”

ABŞ və İsrail Qəzzada atəşkəs üçün danışıqlardan geri çəkiliblər

Bakı Özbəkistan prezidentini təhqir etməkdə ittiham olunan şəxsi Daşkəndə ekstradisiya edib

90-a yaxın konqresmen Qarabağ erməniləri üçün Rubioya müraciət edib

Mixail Qusman Azərbaycana gəldikdən bir həftə sonra işindən azad edilib

Makron: Fransa sentyabrda Fələstini dövlət kimi tanıyacaq

Redaktorun Tövsiyələri

“Aİ Azərbaycanın geosiyasi əhəmiyyətini dəyərlərindən üstün tutur”

Azərbaycanda kommunizm ənənəsi: jurnalistlərə niyə fəxri ad və medal verilir?

Tək bir bankda milyardlıq əmanəti olan 20 nəfər kimdir?

Akif Qurbanov: “Zərdabinin davamçıları həqiqəti yazdığına görə həbsə atılan jurnalistlərdir”

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Məhkəmə

Sevinс Vaqifqızı: “Əmin idim ki, Bakıya qayıtsam, həbs olunacam”

23 İyul 2025

Foto: Fərqanə Novruzova

“Abzas Media”nın həbsdəki baş redaktoru Sevinc Vaqifqızının “Sərhədsiz Reportyorlar” təşkilatına məktub ünvanlayıb. “Abzas Media”-nın dərc etdiyi məktubu təqdim edirik: İstanbul Hava Limanında vəkilimlə danışanda artıq əmin idim ki, Bakıya qayıtsam, həbs olunacam. Dostlarım da xəbər verirdilər ki, evimin qarşısında mülki polislər dolaşır. Bundan sonra “Abzas Media”nın hazırda həbsdə olan əməkdaşlarına və anama mesaj göndərərək onların bu həbsə hazırlıqlı olmalarını istədim. Təyyarə Bakıya enən kimi çıxış qapısında məni polislər qarşıladı. Passport yoxlamasına getməyə belə icazə vermədən təyyarənin yanından açılan əlavə qapı ilə məni dostlarımın gözü qarşısında saxladılar. Vəkilimin dediyi olmuşdu – ölkəyə qayıtmışdım və həbs olunmuşdum. Həbsdən sonra bu sualı çox...

Davamını oxu

Məhkəmə

Aclıq edən “Abzas”çılar qeyri-insani münasibətə məruz qaldıqlarını deyirlər

23 İyul 2025

Foto/kollaj: Toplum TV

“Abzas Media”nın həbsdə olan jurnalistləri Sevinc Vaqifqızı, Nərgiz Absalamova və Elnarə Qasımova aclıq etdiklərinə görə “qeyri-insani münasibətə” məruz qaldıqlarını bildiriblər. “Abzas Media"nın xəbərinə görə, iyulun 22-də aclığa başlayan jurnalistlər həmin gün Bakı İstintaq Təcridxanasının rəisi Elnur İsmayılovun qəbuluna aparılmaq adı ilə otaqlarından çıxarılıblar. “Onun müavini Əhəd Abdıyevin otağında saat yarım gözləyəndən sonra dedilər ki, Penitensiar Xidmətdən nümayəndələr gəlmişdilər, sizinlə görüşmək istəyirdilər, amma fikirlərini dəyişib getdilər. Qabağımıza çıxmağa ürək etməyiblər,” - jurnalistlər deyib. Onların sözlərinə görə, daha sonra öz otaqlarından çıxarılıb ayrı otaqlarda yerləşdiriliblər və hazırda hər biri tək qalır. “Üçümüzün də otağında duş sistemi yoxdur, pəncərənin şüşələri çıxarılmayıb, normal havalandırma...

Davamını oxu