Məhkəmə

“Meclis.info işi” üzrə məhkəmədə ittiham aktı oxunub

10 İyun, 2025

Foto: sosial media

“Meclis.info” saytının həbsdə olan rəhbəri İmran Əliyev, ictimai fəal Elgiz Qəhrəman və Tamella Musayevanın ittiham olunduqları cinayət işi üzrə məhkəmə prosesində ittiham aktı elan olunub.

APA xəbər verir ki, iyunun 10-da Bakı Ağır Cinayətlər Məhkəməsində hakim Roman Ələkbərlinin sədrliyi ilə keçirilən prosesdə dövlət ittihamçısı Cövdət Mehralıyev ittiham aktını elan edib.

İttiham aktında iddia olunur ki, Əliyev və digər təqsirləndirilənlər “Meclis.info” saytını idarə etmək üçün xarici donor təşkilatlardan qrantlar alıb və gömrükdə bəyan etmədən ölkəyə gətiriblər.

Həmçinin, onların bu əməli “Abzas Media işi” üzrə həbs olunan jurnalistlərlə birgə törətdiyi iddia olunur.

Prosesdə zərərçəkən qismində Gəncə Regional Vergi Dairəsi tanınıb.

Əliyev və digərləri özlərini təqsirli bilməyiblər. Növbəti məhkəmə prosesi iyunun 17-ə təyin olunub.

Qaçaqmalçılıqda ittiham edilən İmran Əliyev 2024-cü ilin aprelində saxlanılıb.

Sayt rəhbəri saxlanıldığı zaman polislərin onu döydüyünü, bədəninə elektrik cərəyanı verərək ona zorla sənəd imzalatdıqlarını bildirib.

“Meclis.info” işində digər təqsirləndirilən şəxs fəal Elgiz Qəhrəman isə polis nəzarətinə verilib.

Ona qarşı Cinayət Məcəlləsinin 8 maddəsiylə ittiham irəli sürülüb. Bu maddələrdə 12 ilədək həbs cəzası nəzərdə tutulub.

“Meclis.info” parlamentin fəaliyyətini monitorinq edən platformadır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

SOCAR Almaniya ilə 10 illik qaz razılaşması bağlayıb

Müsəlman Birliyi Hərəkatı üzvünün saxlandığı bildirilir

Gürcüstan Batumi etirazlarının simvolu olan fəalı deportasiya edib

ABŞ hökuməti sentyabrın sonuna qədər USAID-i “tamamilə bağlayacaq”

Azərbaycanda “siyasi məhbusların sayı 375-ə çatıb”

Los-Ancelesdə komendant saatı tətbiq edilib

Redaktorun Tövsiyələri

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Məhkəmə

"Abzas Media işi”: “İstintaq Kekalovun ifadəsini almamış, necə onun ifadəsini əsas götürərək Ülvi Həsənlini həbs edib?”

10 İyun 2025

Foto: Abzas Media

İyunun 10-da "Abzas Media işi" üzrə təqsirləndirilən jurnalistlərin növbəti məhkəmə prosesi keçirilib. Bakı Ağır Cinayətlər Məhkəməsində baş tutan prosesdə vəkillər müdafiə çıxışı ediblər, jurnalist Hafiz Babalı isə son sözünü deyib. Müdafiə tərəfinin ittiham aktına və iddia olunan cinayət əməllərinə münasibətləri oxşar olub. Onlar bütün ittihamların qondarma olduğunu bildiriblər. Vəkillər qeyd ediblər ki, bu cinayət işi təqsirləndirilən Məhəmməd Kekalovun ifadəsi əsasında qurulub, ancaq o, istintaqda ifadəsini təhdid altında uydurduğunu bildirib. M.Kekalov bundan əvvəlki məhkəmə proseslərində istintaqdakı ifadəsindən imtina edib. Vurğulanıb ki, cinayət işi Kekalovun ifadəsi əsasında qurulsa da, Ülvi Həsənli ondan əvvəl həbs edilib. Vəkillər sual ediblər ki, istintaq Kekalovu həbs...

Davamını oxu

Məhkəmə

Həbsdə olan AXCP funksioneri ürəyindən şikayət edir

10 İyun 2025

Foto: sosial media

Azərbaycan Xalq Cəbhəsi Partiyasının (AXCP) Salyan rayon şöbəsinin həbsdə olan sədri Əlizamin Salayevin səhhətindəki problemlərdən şikayət etdiyi bildirilir. Bu barədə AXCP üzvü Ceyhun Novruzov “Facebook” hesabında məlumat verib. O yazıb ki, Salayev ona telefon zəngində ürəyində ağrılar olduğunu, nəfəs almaqda çətinlik çəkdiyini və həkimlərin bununla bağlı heç bir tədbir görmədiyini deyib. “Hətta 2 dəfə az qala ürəyi dayanırmış. Xatırladım ki, Əlizamin ürək çatışmazlığından əziyyət çəkir və ürəyinə 2 stend qoyulub”, - Novruzov qeyd edib. Əlizamin Salayev 2023-cü il fevralın 7-də Cinayət Məcəlləsinin “xuliqanlıq, silah qismində istifadə olunan əşyadan istifadə ilə törədildikdə" ittihamı ilə həbs edilib. Dörd il müddətinə azadlıqdan məhrum...

Davamını oxu