Ölkə

Azər Qasımlı haqda 4 aylıq həbs qərarı verildi (Yenilənir)

8 Dekabr, 2024

383

Modern.az

Siyasi Menecment İnstitutunun rəhbəri Azər Qasımlı barəsində 4 aylıq həbs qətimkan tədbiri seçilib. Bu barədə dekabrın 9-da Yasamal Rayon Məhkəməsində qərar qəbul edilib.

Vəkil Aqil Layıc qərardan apellyasiya şikayəti veriləcəyini deyir.

Azər Qasımlı dekabrın 8-də Yasamal Rayon Polis İdarəsinin əməkdaşları tərəfindən saxlanılıb. O zor tətbiq etməklə hədə-qorxu ilə tələbetmədə təqsirləndirilir. Özü isə ittihamın qondarma, siyasi sifariş olduğunu deyir.

İş üzrə zərərçəkmiş şəxs qismində REAL partiyasının keçmiş üzvü, deputatlığa keçmiş namizəd Ömər Qurbanəli tanınıb. Mingəçevir Şəhər Məhkəməsi bu ilin aprelində 41min ABŞ dolları məbləğində vəsaitin Ömər Qurbanəlidən tutularaq Azər Qasımlıya verilməsi haqda qərar qəbul etmişdi.

***

Azər Qasımlı hədə-qorxu ilə tələb etmədə ittiham olunur

Azər Qasımlının Cinayət Məcəlləsini 182.3.2 (külli mqidarda əmlakı hədə-qorxu ilə tələb etmə) maddəsi ilə şübhəli şəxs qismində saxlanıldığı deyilir.

Bu haqda Toplum TV-yə onun vəkili Aqil Layıc məlumat verib.

Vəkil A.Layıc Facebook səhifəsində belə yazıb: “Azər Qasımlı da şərlənərək həbs edildi. Güya kimdənsə hədə-qorxu ilə pul tələb edib. Ölkədə bir dənə də olsun, işıq saçan adam qalmamalıdır…”

***

Siyasi Menecment İnstitutunun direktoru Azər Qasımlının saxlanıldığı bildirilir. Bu haqda onun həyat yoldaşı Samirə Qasımlı Toplum TV-yə deyib.

S.Qasımlının sözlərinə görə, həyat yoldaşı bazar günü səhər saatlarında oğlunu futbola aparıb, polislər onu oğlu məşqdə olarkən saxlayıblar.

“Az sonra Azər zəng edib uşağı futboldan götürməyimi istədi. Soruşdim ki, nə olub? Bircə onu dedi ki, özün bilirsən”,- Samirə Qasımlı bildirib.

Vəkili Azər Qasımlının hazırda Yasamal rayon Polis İdarəsində olduğunu deyir.

Noyabrın 22-də səfərə getmək istəyən Azər Qasımlı ölkədən buraxılmayıb, ona Daxili İşlər Nazirliyi tərəfindən ölkədən çıxışına qadağa qoyulduğu deyilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Lukaşenko daha 20 siyasi məhbusu əfv etdi

Vaşinqton Bidzina İvanişviliyə maliyyə sanksiyaları tətbiq etdi

Prokuror Bəxtiyar Hacıyevə 11 il iş istədi

Təyyarə qəzasına görə Çeçenistanda matəm günü elan olunub

“BMCMİ adamları tutur, kimisə insanların üzünə qoyur, istədiyi kimi istintaq aparır” - Teymur Kərimov yazır

Zelenski: “Qəza yerindəki aydın əyani sübut Rusiyanın məsuliyyət daşıdığını göstərir”

Redaktorun Tövsiyələri

"Air Astana” nəyə görə “Embraer”i məhkəməyə vermişdi?

6 il öncə minimum pensiyanın məbləği 10 kiloluq qida səbətinin dəyərinə bərabər idisə, gələn il bundan 270 qram çox olacaq.

Rəsmi statistikadakı 4,4 faizlik qida inflyasiyası niyə şübhə doğurur?

Azərbaycanda siyasətin və xaricə çıxarılan pulların trayektoriyası necə kəsişir?

Fazil Qasımovun müdafiəsinə yeni qoşulmuş vəkil məhkəmədən vaxt istədi

İlhamiz Quliyevə hökm oxundu

Ölkə

Saxta yolla plastik cərrahlığa icazə verdiyi deyilən vəzifəlilər saxlanılıb

Baş Prokurorluq və Səhiyyə Nazirliyi birgə məlumat yaydı

27 Dekabr 2024

açıq mənbədən götürülür

Dekabrın 27-də Baş Prokurorluq və Səhiyyə Nazirliyi qanunsuz tibbi fəaliyyətə şərait yaradılması müqabilində rüşvət almaqda şübhəli bilinən iki vəzifəli şəxsin saxlanılması haqqında məlumat yayıb. Bunlar Səhiyyə Nazirliyinin İnsan resursları, elm və təhsil şöbəsinin müdiri Səidə Rüstəmova, əvvəllər həmin nazirliyin İctimai Səhiyyə və islahatlar Mərkəzinin akkreditasiya şöbəsinin müdiri olmuş Lətafət Cabbarovadır. Bildirilir ki, adları çəkilən şəxslərin və korrupsiya şəbəkəsinin digər üzvlərinin qanunsuz olaraq həkimlərin ixtisaslarının dəyişdirilməsi, onların tibbi və ya əczaçılıq, o cümlədən plastik cərrahiyyə fəaliyyəti ilə məşğul olma hüququ verən sertifikasiya imtahanlarına buraxılmasına, saxta sertifikatlarla təmin olunması və digər sui-istifadə hallarına yol verməsi müqabilində çoxsaylı şəxslərdən müxtəlif məbləğlərdə rüşvət almalarına...

Davamını oxu

Ölkə

Qəzadan əvvəl təyyarə xaricdən fiziki və texniki müdaxiləyə məruz qalıb - Azərbaycan Hava Yolları

27 Dekabr 2024

açıq mənbədən götürülüb

İlkin nəticələr göstərir ki, çərşənbə günü Qazaxıstanda qəzaya uğrayan təyyarə “xaricdən fiziki və texniki müdaxiləyə məruz qalıb”, Azərbaycan Hava Yollarının açıqlamasında belə deyilir. AZAL bu açıqlamanı “Rosaviasiya”nın rəhbəri Dmitri Yadrov sözügedən qəzadan əvvəl Ukrayna dronlarının hücumuna görə Qroznı aeroportu ərazisində “Xalça” rejiminin tətbiq edildiyini etiraf edəndən sonra yayıb. Daha əvvəl Azərbaycan Hava Yolları Rusiyanın daha üç şəhərinə - Vladiqafqaz, Nijni Novqorod və Saratov şəhərlərinə uçuşları dayandırdığını açıqlamışdı. Bu günsə Rusiyanın daha yeddi şəhərinə - Mineralnıye Vodı, Soçi, Volqoqrad, Ufa, Samara, Qroznı və Mahaçqala şəhərlərinə uçuşları dayandırdığını bildirib.

Davamını oxu