Ölkə

Nazir müavini: “Xəzərin suyunun aşağı düşməsi artıq proqnoz deyil, ekoloji problemdir”

8 Sentyabr, 2026

sosial media

“Xəzər dənizində su səviyyəsinin son onilliklərdə davamlı şəkildə aşağı düşməsi artıq proqnoz deyil, real ekoloji problemə çevrilib”.

APA xəbər verir ki, bunu ekologiya və təbii sərvətlər nazirinin müavini Rauf Hacıyev sentyabrın 8-də BMT-nin İqlim Həftəsi çərçivəsində keçirilən panel sessiyasında deyib.

“Sahilyanı zonaların dəyişməsi, ekosistemlərin daralması, suiti və nərə balıqları kimi növlər üçün risklərin artması bu prosesin əsas ekoloji nəticələrindəndir. Xəzərin dayazlaşması sahilyanı icmaların həyatına və regionda iqtisadi fəaliyyətə ciddi təsir göstərə bilər. Bu problemin həlli yalnız milli səviyyədə atılan addımlarla məhdudlaşa bilməz. Xəzəryanı dövlətlərin birgə səyləri və əlaqələndirilmiş fəaliyyətləri vacibdir”, - Rauf Hacıyev bildirib.

Hacıyevin 2025-ci ildə verdiyi açıqlamaya görə, Xəzərin səviyyəsi son beş ildə 93 santimetr, son on ildə isə 1,5 metr aşağı düşüb. Hazırda enmə tempi ildə 20-30 santimetr qiymətləndirilir.

Azərbaycan tərəfi səbəblər sırasında iqlim dəyişikliyi ilə yanaşı, Xəzərin əsas su mənbəyi olan Volqa çayından dənizə axan suyun həcminin azalmasını da göstərir. Müxtəlif hesablamalara görə, Volqa Xəzərə daxil olan suyun təxminən 80 faizini təmin edir.

Araşdırmalarda Volqa üzərindəki su anbarları və bəndlər, həmçinin çay hövzəsində kənd təsərrüfatı, sənaye və məişət məqsədilə su istifadəsinin artması Xəzərə axan suyun həcminə təsir edən amillər sırasında göstərilir.

Rusiya Elmlər Akademiyasının Su Məsələləri İnstitutunun aparıcı elmi əməkdaşı Anatoli Frolov hələ 2 il öncə bildirmişdi ki, mövcud vəziyyətin davam etməsi Xəzərin yoxa çıxmasına gətirib çıxaracaq.

Xəzərin ekoloji problemləri təkcə su səviyyəsinin enməsi ilə məhdudlaşmır. Ekoloqlar uzun illərdir dənizə qurudan axıdılan çirkab suların, sənaye tullantılarının və neft hasilatının ekosistemə təsiri barədə də xəbərdarlıq edirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Tramp: "İranla müharibədə qalib gələndə neftin qiyməti aşağı düşəcək"

Məhkəmə pensiyası kəsilən pilotların lehinə qərar verib: Aralarında AZAL qəzasında həlak olan da var

Bizim Tatar çölümüz - Fariz Namazlının yazısı

Komitə: "İqbal Əbilov 'kars'a salınıb, səhhətində narahatlıqlar var"

Ekspert: “Kəndlinin əlində qalan son torpaq parçasını da almaq istəyirlər”

Anar Məmmədli və Anar Abdullaya hökm oxunub

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Ölkə

“Memarlıq əsərləri özbaşına müdaxilələr qarşısında müdafiəsiz qalır”

7 Sentyabr 2026

sosial media

Bir qrup memar memarlıq əsərlərinə “özbaşına müdaxilələr”in qarşısının alınması ilə bağlı Azərbaycan Prezidenti İlham Əliyevə müraciət edib. Müraciəti sentyabrın 5-də memar Elçin Əliyev sosial media hesabında dərc edib. Yazılı müraciəti ondan başqa, memarlar Famil Ağayev, Cahangir Axundov, İlqar Bəylərov, Xəlil Cəfərov, Nazim Fərəczadə, Nəriman İmaməliyev, Kamal Musaxanov, Aleksandr Qarber, Sənan Salamzadə və Nazim Vəliyev imzalayıblar. “Bu gün elə bir vəziyyət yaranmışdır ki, memarlıq əsərləri faktiki olaraq mülkiyyətçilərin özbaşına müdaxilələri və sonradan aparılan yenidənqurma işləri qarşısında müdafiəsiz qalır. Məsələn, şəhər və yol infrastrukturu elementlərinin zədələnməsinin qarşısı alınır və bu, qanunla müəyyən edilmiş məsuliyyətə səbəb olduğu halda, binanın memarlıq simasının özbaşına dəyişdirilməsi,...

Davamını oxu

Ölkə

Goranboyda sursat anbarında partlayış: Yaxınlıqdakı insanlar təxliyə edilib

2 Sentyabr 2026

sosial media

Sentyabrın 1-dən 2-nə keçən gecə Goranboyun Nizami kəndi yaxınlığında yerləşən sursat anbarında partlayış baş verib. Bu barədə Fövqəladə Hallar Nazirliyi, Müdafiə Nazirliyi və Daxili İşlər Nazirliyi birgə məlumat yayıb. Məlumatda deyilir ki, yanğının genişlənməsinin qarşısının alınması və söndürülməsi üçün aidiyyəti dövlət qurumları ilə birgə zəruri tədbirlər görülür. Vəziyyətin nəzarətə alındığı bildirilir. Hadisə ilə əlaqədar təhlükəsizlik tədbirləri çərçivəsində yaxınlıqdakı insanlar təxliyə edilib, xəsarət alan olmayıb. Hadisənin miqyası və səbəbi isə hələlik açıqlanmayıb.

Davamını oxu