Ölkə

Rüfət Səfərovun anasının ölkədən çıxışına qadağa qoyulduğu deyilir

4 Yanvar, 2025

Sosial media

Daxili İşlər Nazirliyinin bir aydan çoxdur həbsdə olan hüquq müdafiəçisi Rüfət Səfərovun anası Tahirə Tahirqızının ölkədən çıxışına qadağa qoyduğu bildirilir.

Bu haqda Rüfət Səfərovun Facebook səhifəsində paylaşım edilib.

Məlumatda deyilir ki, Tahirə Tahirqızı hər 6 aydan bir parkinson xəstəsi olan həyat yoldaşı Eldar Sabiroğlunu İstanbula apararaq həkim müayinəsindən keçirir.

“Son bir həftədir ki, Eldar bəyin vəziyyəti kəskin şəkildə pisləşib və onun yenidən Türkiyəyə aparılması üçün biletlər alınıb. Lakin bu gün məlum olub ki, Tahirə xanımın ölkədən çıxışına qadağa qoyulub”, - sosial mediadakı paylaşımda qeyd olunur.

T.Tahirqızı Amerikanın Səsinə deyib ki, DİN-in onun ölkədən çıxışına qadağa qoyması ədalətli qərar deyil və qanunvericiliyə əsaslanmır.

“Bu qərar humanistlik baxımından da düzgün deyil. Oğlumu uydurma ittihamla həbs edibsiniz. İndi də onun xəstə atasına əziyyət verirsiniz”, o söyləyib.

Daxili İşlər Nazirliyi hələlik deyilənlərə münasibət bildirməyib.

Rüfət Səfərov ötən il dekabrın 3-də saxlanılıb. Ona qarşı Cinayət Məcəlləsinin 221.1 (xuliqanlıq) və 178.3.2 (dələduzluq-külli miqdarda ziyan vurmaqla törədildikdə) maddələri ilə ittiham irəli sürülüb, haqqında 4 aylıq həbs qətimkan tədbiri seçilib.

Səfərov ittihamlarla razılaşmır, həbsini hüquq müdafiəçisi kimi göstərdiyi fəaliyyəti, həmçinin, ABŞ Dövlət katibinin “İnsan Hüquqları Müdafiəçisi Mükafatı”na layiq görülməsi ilə izah edir.

Hüquq müdafiəçiləri ölkədə 300-dən çox siyasi məhbusun olduğunu bildirsələr də, Azərbaycan rəsmiləri ölkədə heç kimin siyasi fəaliyyətinə görə həbs edilmədiyini, fundamental hüquq və azadlıqların təmin edildiyini bəyan edirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Bələdiyyə seçkilərində 16 min 174 nəfərin namizədliyi qeydə alınıb - MSK

Casusluqda, dövlətə xəyanətdə ittiham edilən Fransa və Azərbaycan vətəndaşlarının məhkəməsi başlayıb

Qarabağ separatçılarının məhkəmə prosesinin vaxtı məlum olub

Səhiyyə Nazirliyi yeni virus - metapnevmovirus barədə xəbərdarlıq edib

Müdafiə Nazirliyi: Azərbaycan mövqeləri yenidən atəşə tutulub

İlham Əliyev: “Nə üçün təyyarə Aktau istiqamətinə göndərilmişdir?”

Redaktorun Tövsiyələri

2024-cü ildəki sosial vəziyyətin qısa icmalı: varlıların gəlirləri artdı, kasıbların qazancları azaldı

"Air Astana” nəyə görə “Embraer”i məhkəməyə vermişdi?

6 il öncə minimum pensiyanın məbləği 10 kiloluq qida səbətinin dəyərinə bərabər idisə, gələn il bundan 270 qram çox olacaq.

Rəsmi statistikadakı 4,4 faizlik qida inflyasiyası niyə şübhə doğurur?

Azərbaycanda siyasətin və xaricə çıxarılan pulların trayektoriyası necə kəsişir?

Fazil Qasımovun müdafiəsinə yeni qoşulmuş vəkil məhkəmədən vaxt istədi

Ölkə

Səhiyyə Nazirliyi yeni virus - metapnevmovirus barədə xəbərdarlıq edib

6 Yanvar 2025

açıq mənbədən götürülüb

Çin, Qazaxıstan və Rusiyada metapnevmovirus - kəskin respirator virus infeksiyaları üzrə qeyri-stabil epidemioloji vəziyyət müşahidə olunur. Onun sinmptomları öskürək, burun tutulması, burun axması, hərarətin yüksəlməsi, nəfəs darlığı, səsin boğulmasıdır. Bu haqda Azərbaycan Səhiyyə Nazirliyinin məlumatında deyilir. Bildirilir ki, metapnevmovirus mövsümi xarakter daşıyan qripəbənzər respirator xəstəlikdir, ona əsasən kiçik yaşlı uşaqlar və immuniteti zəif olan şəxslər yoluxur. Virusun yuxarı tənəffüs yollarında inkişaf etdiyi və digər virus xəstəlikləri kimi adətən 7-10 gün ərzində aradan qalxdığı qeyd edilir. İmmun sistemi zəif və ya yanaşı xəstəlikləri olan (məsələn, bronxial astma, ağciyərlərin xroniki xəstəlikləri) şəxslərdə bronxit və ya pnevmoniya ilə ağırlaşa biləcəyi də vurğulanır. Nazirlik...

Davamını oxu

Ölkə

Bərdədə müəllimin psixoloji təzyiqlər nəticəsində intihar etdiyi deyilir

6 Yanvar 2025

açıq mənbədən götürülüb

Bərdə sakini, 36 yaşlı Vüsalə Verdiyevanın ötən il dekabrın 19-da intihar edib, Bərdə Rayon Prokurorluğunun məlumatında deyilir. Vüsalə Verdiyevanın adının açıqlanmasını istəməyən müəllim yoldaşının Meydan TV-yə dediyinə görə, hadisə uzun müddətli psixoloji təzyiqlər nəticəsində baş verə bilərdi. “O, yaşamaq eşqi çox olan insan idi. İntihar edəcəyinə inanmıram. Müəllimlərin qiymətləndirilmə imtahanında 53/60 bal toplamışdı. Lakin onun danışdıqlarına əsasən, ailəsində iqtisadi zorakılıqlara məruz qalırdı. Daha sonra barəsində şəxsi həyatına dair dedi-qodular yayılmağa başladı, sonra isə dərsə gəlmədi. Noyabrda işdən azad edildi, dekabrda da intihar etdiyini eşitdik”, müəllim yoldaşı deyir. Onun sözlərinə görə, Vüsalə Verdiyeva kredit götürübmüş və bununla bağlı narazılıq varmış: “Baldızının...

Davamını oxu