Siyasət

Almaniyadan gələn daha bir siyasi mühacir həbs olunub

16 Avqust, 2022
2124

Sosial Media

Almaniyadan gələn daha bir siyasi mühacir - Anar Əliyev Azərbaycanda külli miqdarda narkotik vasitələrin qanunsuz dövriyyəsi ittihamı ilə həbs olunub. 

Bu barədə onun həyat yoldaşı Anarə Əliyeva "Turan"a bildirib. Onun sözlərinə görə, Anar iyulun 25-də Bakıda saxlanılıb.

"Biz ailəlikcə - həyat yoldaşım və iki övladımla Anarın xəstə atasını ziyarət etmək üçün iyulun 8-də Azərbaycana gəldik. Avqustun 4-də oturum icazəmiz olan Almaniyaya qayıtmalı idik", - deyə o bildirib.

https://toplum.tv/sosial/polisi-gosterib-dedi-narkotiki-ustume-bu-atdi

Onun sözlərinə görə, iyulun 25-də səhər həyat yoldaşını evdən guya pasportunun saxtalaşdırılması haqqında məlumatı yoxlamaq üçün aparıblar. Ailəyə onun tez qayıdacağını bildiriblər. Sonradan deyiblər ki, Anarı "facebook"-dakı postlarına görə aparıblar, sonra isə cibində narkotik tapıldığını bildiriblər.

"Həyat yoldaşım heç vaxt narkotik istifadə etməyib. Amma heç narkotik istifadə edən adam cibinə onu qoyub polis bölməsinə getməz", - deyə həyat yoldaşı qeyd edib.

Anarə Əliyevanın sözlərinə görə, o, dəfələrlə polis bölməsinə çağırılıb və ondan həyat yoldaşının narkotik istifadəçisi olduğu haqqında ifadə almağa çalışıblar: "Sonradan Anar deyib ki, təzyiq altında etirafedici ifadələr verib. Ona etiraf etməsə, ailə üzvləri ilə "problemlər" olacağını deyiblər, o da "etiraf etmək" məcburiyyətində qalıb". 

Avqustun 4-də Anarə Vəliyeva Azərbaycandan Almaniyaya buraxılmayıb. Qadının sözlərinə görə, elə həmin gün onu Nizami Rayon Polis İdarəsinə çağırıblar və niyə "ölkədən qaçmaq" istədiyini soruşublar.

"Dedim ki, ölkədən qaçmırdım, əvvəlcədən aldığım biletlə yaşadığım, oturumum olan,  işlədiyim ölkəyə gedirdim", - deyən Əliyeva ölkədən çıxışına icazə verilməməsinin qanunsuz olduğunu əlavə edib.

Hazırda Əliyevlərin hüquqlarını vəkil Elçin Sadıqov müdafiə edir. O, hələlik məhbusla görüşə bilməyib.

"Biz 2016-cı ildə Almaniyaya köçmüşük. Yoldaşım bir müddət orada siyasi fəaliyyətlə məşğul olub, "Demokratik Azərbaycanı Seç" birliyinin təşkil etdiyi etiraz aksiyalarında iştirak edib, amma təhqirə yol verməyib. Son üç ilə yaxındır ki, heç bir siyasi fəaliyyəti olmayıb. Bununla belə, o, hakimiyyətin qara siyahısına düşərək həbs edilib", - deyə həyat yoldaşı bildirib.

Öz növbəsində, vəkil Elçin Sadıqov bildirib ki, Vəliyevə qarşı 234.4.1 (narkotik vasitələrin qanunsuz dövriyyəsi, bir qrup şəxs tərəfindən və ya əvvəlcədən əlbir olmaqla törədildikdə) və 234.4.3-cü (külli miqdarda narkotik vasitələrin qanunsuz dövriyyəsi) maddələrlə ittiham irəli sürülüb, bu ittihamlarla onu 5 ildən 12 ilə qədər azadlıqdan məhrumetmə cəzası gözləyir.

DİN-in mətbuat xidmətinin şöbə rəisi Elşad Hacıyev "Turan"-a bildirib ki, Anar Əliyev konkret cinayət əməlini törətməkdə şübhəli bilinərək məsuliyyətə cəlb olunub, istintaq davam edir".

O, məhbusun həyat yoldaşının iddialarının həqiqətə uyğun olmadığını bildirib.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Siyasət

Kadırovun anası Rusiyanın işğal etdiyi Xersonda “xidmətlərinə görə” təltif edilib

7 Avqust 2025

Foto: sosial media

Çeçenistan rəhbəri Ramzan Kadırovun anası Aymani Kadırova Rusiyanın işğal etdiyi Xerson vilayəti tərəfindən “döyüş yoldaşlığının möhkəmləndirilməsi və xüsusi hərbi əməliyyat zamanı tapşırıqların yerinə yetirilməsinə göstərdiyi köməyə görə” təltif olunub. Kadırovaya mükafatı bölgədə Rusiya tərəfindən qurulmuş işğal administrasiyasının rəhbəri, keçmiş ukraynalı siyasətçi Vladimir Saldo tərəfindən verilib. Mükafat barədə məlumatı Çeçenistan hökumətinin rəhbəri Maqomed Daudov yayıb. Onun sözlərinə görə, ordenin təqdimat mərasimi 4 avqust tarixində, Aymani Kadırovanın 72 yaşı tamam olduğu gün Qroznı şəhərində baş tutub. Xersonun işğal olunmuş ərazilərindəki Rusiya rəsmiləri bu qərarın detalları ilə bağlı heç bir əlavə açıqlama verməyib. Aymani Kadırovanın bu proseslərdə konkret olaraq nə ilə məşğul olduğu,...
Siyasət

Gürcüstanda jurnalistə 2 il həbs cəzası verilib

6 Avqust 2025

Foto: sosial media

Batumi Şəhər Məhkəməsi "Batumelebi" və "Netgazeti" xəbər saytlarının təsisçisi Mzia Amaqhlobelini 2 il müddətinə azadlıqdan mıəhru edib. O, ictimai asayişi qoruyan şəxsə qarşı müqavimət, hədə və ya zorakılıq maddəsi üzrə təqsirli bilinib. İstintaq təcridxanasında keçdiyi müddəti nəzərə alaraq, Amaqlobelinin 17 aydan sonra azadlığa buraxılması nəzərdə tutulur. Amaqlobeli 2025-ci il yanvarın 12-nə keçən gecə saxlanılıb. O, ilk dəfə etiraz olaraq divara stiker yapışdırdığına görə inzibati qaydada saxlanılıb.  Təxminən iki saat sonra isə sərbəst buraxılıb, bir qədər sonra isə polis rəisi İrakli Dqebuadzenin üzünə sillə vurduğuna görə cinayət işi üzrə yenidən saxlanılıb.  Gürcüstanın hökumətyönlü mediaası jurnalistin polisə sillə vurduğunu göstərən videonu nümayiş...

Seçilmiş Videolar

slide 3 of 6

Davamlı Mövzular

slide 7 to 10 of 8
Toplum TV loqo