Siyasət

70-dən çox demokrat İranla bağlı hədələrindən sonra Trampın vəzifədən kənarlaşdırılmasına çağırır

8 aprel, 2026

152

Foto/kollaj: Toplum TV

ABŞ-də Konqresin 70-dən çox demokratı prezident Donald Trampın vəzifəsindən kənarlaşdırılması üçün çağırış edib.

Buna səbəb Trampın aprelin 7-də "Truth Social" platformasında İran haqqında "bütöv bir sivilizasiya öləcək" deyə hədə-qorxu gəlməsi olub.

Əsasən müxalifətdə olan Demokratlar Partiyasından olan Konqres və Senat üzvləri ayrı-ayrılıqda bəyanatlar verərək Trampın "xidmətə yararsız" olduğunu bildiriblər və konstitusiyaya 25-ci düzəlişi işə salmağa çağırıblar.

25-ci düzəlişə əsasən, hökumət üzvlərinin çoxluğu prezidentin əqli və ya fiziki nasazlığını əsas gətirərək onun səlahiyyətlərini vitse-prezidentə ötürə bilər.

Qanunvericilər Trampın hədəsinin müharibə cinayəti təşkil etdiyini bildiriblər.

Birləşmiş Millətlər Təşkilatının baş katibi Antonio Quterres də "X" səhifəsində Trampın adını çəkmədən yazıb ki, “heç bir hərbi məqsəd bir cəmiyyətin infrastrukturunun tamamilə məhv edilməsinə və ya mülki əhaliyə qəsdən əzab verməyə əsas vermir".

Tramp sözügedən paylaşımdan bir neçə saat sonra İranla 2 həftəlik atəşkəs əldə olunduğu xəbərini verib.

Pakistanın vasitəçiliyi ilə əldə olunan atəşkəsə əsasən, ABŞ İrana hava zərbələrini dayandıracaq, İran isə Hörmüz boğazından keçidə icazə verəcək. Eyni zamanda, iki ölkə arasında İranın təqdim etdiyi 10 maddəlik təkliflər paketi əsasında danışıqlar başlayacaq.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır”

Cəmil Həsənli bacısı oğlunun döyüldüyünü deyir: “Əli Kərimlinin və mənim əleyhimə danışmağa məcbur ediblər”

ABŞ-dəki seçkilərdən sonra texnologiya şirkətləri milyardlarla dollar itirib

Həbsdə olan jurnalist Elnarə Qasımova beynəlxalq mükafata layiq görülüb

Xameneinin müşaviri: “İran özünü Cənubi Qafqazda təhlükəsizliyi qorumaqdan məsul hiss edir”

Həbsdə olan AXCP sədri Maqnitski mükafatına layiq görülüb

Redaktorun Tövsiyələri

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır”

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

Siyasət

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır”

6 noyabr 2026

Toplum TV

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır” “Toplum TV işi” üzrə həbs olunanlardan Demokratik Təşəbbüslər İnstitutunun əməkdaşı Ramil Babayev və “Toplum TV”nin jurnalisti Fərid İsmayılov penitensiar müəssisələrdə məhbusların tibbi təminatı ilə bağlı problemlərindən yazıblar. Onlar Ədliyyə Nazirliyi və Penitensiar Xidmətə ünvanladıqları müraciətdə dərman çatışmazlığı, tibbi xidmətlər üçün ödəniş tələb edilməsi, Müalicə Müəssisəsindəki antisanitar şərait və işgəncə izlərinin sənədləşdirilməsi ilə bağlı suallar veriblər. “Toplum TV” müraciəti olduğu kimi təqdim edir. “Penitensiar müəssisələrdə konkret xəstəliklərlə bağlı dərmanlar ümumiyyətlə yoxdur, ilkin yardım dərmanları isə nadir hallarda tapılır. Bu problemin səbəbi nədir, haradadır, kimdir? Bakı İstintaq...

Davamını oxu

Siyasət

Cəmil Həsənli bacısı oğlunun döyüldüyünü deyir: “Əli Kərimlinin və mənim əleyhimə danışmağa məcbur ediblər”

6 noyabr 2026

Foto:Turan

Milli Şuranın sədri, tarixçi Cəmil Həsənli bacısı oğlu Aqil Əliyevin Biləsuvar Rayon Polis Şöbəsində saxlanıldığını və döyüldüyünü iddia edib. Siyasətçi bu barədə noyabrın 6-da sosial media hesabında məlumat yayıb. Cəmil Həsənlinin sözlərinə görə, bacısı oğlundan Azərbaycan Xalq Cəbhəsi Partiyasının (AXCP) həbsdə olan sədri Əli Kərimliyə qarşı çıxış etməsi istənilib. “Görünür, bunlar Əli bəyin məhkəməsi dövründə ona qarşı ‘ümummilli’ kampaniya hazırlayırlar. Dünən Biləsuvarda bir dəstə polis əməkdaşı idman zalına gəlib mənim bacım oğlu Aqil Əliyevi polis şöbəsinə aparıb. Orada ona deyiblər ki, çıx televiziyada Əli Kərimlinin və dayın Cəmil Həsənlinin əleyhinə çıxış elə. De ki, Əli Kərimli və Cəmil Həsənli xalqı...

Davamını oxu