Siyasət

Aİ gecikən islahatlar səbəbilə Ukraynaya yardımı azaldıb

28 İyul, 2025

180

Foto: AP

Avropa İttifaqı (Aİ) gecikdirilən anti-korrupsiya islahatları səbəbilə Ukraynaya ayrılan yardımı kəsib.

Avropa Komissiyasının sözçüsü Gijom Mersyenin verdiyi məlumata görə, Ukraynaya “Ukrayna Mexanizmi” proqramı çərçivəsində ayrılacaq növbəti maliyyə yardımı planlaşdırıldığından az olacaq.

Buna səbəb isə Aİ-nin gözlədiyi əsas islahatları Kiyevin tam yerinə yetirə bilməməsidir.

Ukrayna proqram çərçivəsində dördüncü dəfə və indiyədək ən böyüyü olmaqla 4,5 milyard avro almağı hədəfləyirdi. Lakin nəticədə təxminən 3 milyard avro alacaq.

Ukrayna yardım qarşılığında 16 islahat həyata keçirməlidir. İndiyədək Ukrayna hökuməti bunlardan 13-nü həyata keçirdiyini bildirib.

Qalan yerinə yetirilməmiş islahatlar idarəetmənin mərkəzi hakimiyyətdən bölgələrə ötürülməsi, Ali Antikorrupsiya Məhkəməsinə hakim təyinatları və Aktivlərin Qaytarılması və İdarə Olunması Agentliyini islah edəcək qanunla bağlıdır.

Mersye əlavə edib ki, Aİ-nin qismən ödəniş siyasətinə əsasən, yerinə yetirilməmiş göstəricilərlə bağlı vəsaitlər islahatlar 12 ay ərzində tamamlanarsa, sonradan ödənilə bilər.

“Ukrayna Mexanizmi” 2024-cü ilin fevralında təsdiqlənib və dörd illik proqram kimi 33 milyard avro məbləğində kredit və 17 milyard avro məbləğində qrant təqdim etməklə Ukraynanın iqtisadiyyatını sabitləşdirmək və müharibədən sonrakı bərpanı dəstəkləmək məqsədi daşıyır.

Tələb edilən islahatlar ölkənin Aİ-yə üzvlük prosesi üçün yol xəritəsi kimi xidmət edir və idarəetmə, hüququn aliliyi, yenidənqurma və iqtisadi modernizasiyanı əhatə edir.

İyulun 16-da Avropa Komissiyasının prezidenti Ursula von der Leyen bildirib ki, Aİ 2028–2034-cü illər üçün uzunmüddətli büdcəsindən Ukrayna üçün əlavə 100 milyard avro ayırmaq niyyətindədir və bu da mövcud “Ukrayna Mexanizmi” büdcəsinin ikiqat artırılması deməkdir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Paşinyan “soyqırımı abidəsi”nin direktorunu Vensə Qarabağ müharibəsi haqda kitab verdiyinə görə işdən çıxarıb

Dilənçilik edənlər cərimələnə və həbs oluna bilər

İran yeni ali liderin yaralandığını təsdiqləyib

BMT Təhlükəsizlik Şurası İranın hücumlarını pisləyən qətnamə qəbul edib

Azər Qasımlı 12 il azadlıqdan məhrum edilib

İranın idman naziri: "Ali liderimizi qətlə yetirdiklərinə görə ABŞ-dəki dünya çempionatında iştirak etməyəcəyik"

Redaktorun Tövsiyələri

Naxçıvana hücum: Azərbaycan İranla bağlı mövqeyini dəyişəcək?

ABŞ-İran-İsrail münaqişəsi: Hədəflər nədir, mümkün ssenarilər hansılardır?

Zahid Orucun əhalinin 94%-inin İlham Əliyevi dəstəklədiyini deyən mərkəzi bağlandı?

Bakıda havanın çirklənmə səviyyəsi beynəlxalq normadan 5,5 dəfə yüksəkdir

Müharibə 5-ci ilə keçdi: Kremlin planları niyə baş tutmadı?

Azərbaycanda hər üç nəfərdən yalnız birinin keyfiyyətli içməli su təminatı var

Siyasət

İran yeni ali liderin yaralandığını təsdiqləyib

12 Mart 2026

Foto: Reuters

İran yeni ali lider Müctəba Xameneinin ABŞ və İsrail tərəfindən edilən hücumlar zamanı yaralandığını bildirib. İran Xarici İşlər Nazirliyinin sözçüsü İsmayıl Bağaei İtaliyanın "Corriere della Sera" qəzetinə açıqlamasında xəbəri təsdiqləyib, lakin ali liderin özünü yaxşı hiss etdiyini əlavə edib. Sözçü M.Xameneinin ictimaiyyət üçün ilk çıxışını nə vaxt edəcəyini isə bilmədiyini deyib. Bundan əvvəl "Reuters" agentliyi və "The New York Times" qəzeti adını açıqlamadığı mənbələrə istinadən xəbər vermişdi ki, M.Xamenei fevralın 28-də atası, keçmiş ali lider Seyid Əli Xameneinin öldüyü hücum zamanı yaralanıb. Fevralın 28-dən etibarən ABŞ və İsrail İrana havadan hücumlar həyata keçirir. Bu hücumlar nəticəsində ata Xameneidən əlavə bir...

Davamını oxu

Siyasət

Ombudsman: “Bəzi şəxslərin ölkədən çıxış hüququ əsassız məhdudlaşdırılır”

11 Mart 2026

Foto: Trend News Agency

İnsan Hüquqları üzrə Müvəkkilin (Ombudsman) 2025-ci il üzrə hesabatında bəzi şəxslərin ölkədən çıxış hüququnun əsassız məhdudlaşdırıldığı halların aşkarlandığı bildirilir. Sənəddə qeyd olunub ki, bu kimi problemlərin aradan qaldırılması üçün Cinayət-Prosessual Məcəlləsinə əlavə və dəyişikliklərin edilməsi məqsədəuyğun hesab olunub. Sənəddə xatırladılır ki, Miqrasiya Məcəlləsinin 9.3.1-ci maddəsinə əsasən, vətəndaş Cinayət-Prosessual Məcəlləsinə uyğun olaraq tutulduqda və ya barəsində qətimkan tədbiri seçildikdə onun ölkədən çıxmaq hüququ müvəqqəti məhdudlaşdırıla bilər. “Bununla belə, bəzi şikayətlər üzrə aparılmış araşdırmalar zamanı aidiyyəti dövlət qurumları tərəfindən Məcəllənin bu tələbinin pozulduğu müəyyən edilib. Ərizəçi Ə. (6400-25) Ombudsmana müraciət edərək hər hansı əsas olmadan ölkədən çıxmaq hüququnun Daxili İşlər Nazirliyi tərəfindən...

Davamını oxu