Siyasət

Almaniyalı keçmiş deputata Azərbaycan adından rüşvət vermək ittihamı ilə hökm oxunub

31 İyul, 2025

279

Foto: Leonie Asendorpf

Almaniyanın Münhen şəhər məhkəməsi keçmiş Bundestaq üzvü Eduard Lintneri Azərbaycan hakimiyyəti adından almaniyalı məmurlara rüşvət vermək ittihamı ilə doqquz ay şərti həbs cəzasına məhkum edib.

Mütəşəkkil Cinayətkarlıq və Korrupsiyaya Qarşı Mübarizə Layihəsinin (“OCCRP”) xəbərinə görə, bununla, o, Almaniya tarixində belə bir cinayətdə təqsirli bilinən ilk qanunverici olub.

80 yaşlı Lintner məhkəmədə özünü təqsirli bilməyib və altı ay davam edən proses boyunca özünü “Azərbaycanın dəstəklənməsini şərəfli motivlərlə həyata keçirən qanuni lobbiçi” kimi təqdim edib.

Lakin, iyulun 30-da Münhen Ali Regional Məhkəməsi onun digər siyasətçilərə ötürdüyü ödənişlərin əslində rüşvət olduğuna qərar verib.

Bundestaqda 33 il deputat olmuş Lintner 2017-ci ildə “OCCRP” və media tərəfdaşları tərəfindən ifşa edilən “Azərbaycanın pulyuyan maşını” adlı alver sxemində adı hallanan şəxslərdən biri idi.

Hesabatda göstərilirdi ki, Azərbaycanın hakim elitası 2,9 milyard dollarlıq gizli fond vasitəsilə avropalı siyasətçilərə rüşvət ödəyərək ölkənin imicini yaxşılaşdırmağa çalışırdı.

Məhkəmənin mətbuata açıqlamasına görə, digər bir qərar 2021-ci ildə vəfat etmiş keçmiş Bundestaq üzvü Karin Strenzin həyat yoldaşından 111,330 avro vəsaitin geri alınması ilə bağlıdır. Məhkəmə müəyyən edib ki, Strenz həm Lintnerdən, həm də Azərbaycan rəsmilərindən Bakının maraqlarını Avropa Şurası Parlament Assambleyasında təşviq etmək üçün rüşvət alıb.

“Transparency International” təşkilatının baş direktoru Maíra Martini mətbuata açıqlamasında hökmü alqışlayıb.

““Azərbaycan pulyuyan maşını” sxemi ilə əlaqəsi olan digər ölkələrin hakimiyyət orqanları Almaniyanın nümunəsini izləməli və rüşvət alan, repressiyaları təmizə çıxarmağa kömək edən şəxslərin məsuliyyətdən yayınmamasını təmin etmək üçün tədbirlər görməlidirlər”, - o deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: #

Şikayətlərinizi bizə göndərin: info@toplummedia.tv

Oxşar Xəbərlər

Azərbaycanda Repressiyaya Son Kampaniyası AŞPA-nı hərəkətə keçməyə çağırır

Futbol hakiminin ədalətsizliyinə etiraz edən Əliyev öz ölkəsində ədaləti niyə təmin etmir?

Məhkəmə Bəhruz Səmədovun psixoloji ekspertiza ilə bağlı vəsatətini rədd edib

Sülh danışıqları fonunda ticarət: Azərbaycan niyə Ermənistana yanacaq satır?

Qeyri-neft ixracının artımı: real genişlənmə, yoxsa qızıl və qiymət artımı effekti?

Həbsdə olan bloger: "Rəis dedi, elə etmə ki, növbəti öldürülən məhbus sən olasan"

Redaktorun Tövsiyələri

Ələsgər Məmmədli: “Bir gün hər kəs o çarxın dişləri arasında əziləcək”

Təhlükəsizlik, yoxsa təbii sərvətlər: Tramp Qrenlandiyanı almaqda niyə israr edir?

2025-ci ildə bank sektorunun yekunları: Əliyevlərə məxsus banklar ümumi mənfəətin yarısına sahibdir

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

Siyasət

Putin: "Rusiyanın ABŞ-dəki dondurulmuş aktivlərindən Qəzza Sülh Şurasına ödəniş etməyə hazırıq"

22 Yanvar 2026

Foto: Reuters

Rusiya prezidenti Vladimir Putin bildirib ki, ölkəsi Qəzza Sülh Şurasında daimi üzvlük əldə etmək üçün ABŞ-dəki dondurulmuş Rusiya aktivlərindən 1 milyard dollar ödəniş etməyə hazırdır. O, yanvarın 21-də Moskvada Rusiyanın Təhlükəsizlik Şurasının iclasında çıxış edərkən deyib ki, Xarici İşlər Nazirliyinə "şuraya qoşulmaqla bağlı təklifi araşdırmağı və Rusiyanın mövqeyini tərəfdaşları ilə uzlaşdırmağı" tapşırıb. Putinin sözlərinə görə, "Fələstin xalqı ilə Rusiyanın xüsusi əlaqələrini nəzərə alaraq, hətta şuraya qoşulmadan belə" sözügedən məbləği şuraya ianə etməyə hazırdır. Sülh Şurası İsrailin iki il apardığı müharibədən sonra Qəzzanın idarəetməsinə nəzarət etmək üçün yaradılıb. Bu, ABŞ prezidenti Donald Trampın administrasiyasının Qəzza üçün hazırladığı 20 maddəlik sülh planında...

Davamını oxu

Siyasət

Əliyev: “Azərbaycan artıq Avropa Parlamentinin tənqidinə reaksiya vermir”

20 Yanvar 2026

Foto: açıq mənbə

“Azərbaycan artıq Avropa Parlamentinin tənqidinə reaksiya vermir”. Bunu Azərbaycan prezidenti İlham Əliyev "Euronews" telekanalına müsahibəsində deyib. İ.Əliyev qeyd edib ki, əvvəllər reaksiya verilirdi: "Aydındır ki, Azərbaycana qarşı olan bu qərəzli vəziyyət Azərbaycanın müstəqil siyasətini həzm edə bilməyən xüsusi lobbiçilik qruplarının, xüsusi qüvvələrin fəaliyyətinin nəticəsidir. Artıq uzun illərdir ki, biz Avropa Parlamenti və Avropa Şurasının Parlament Assambleyası ilə istənilən əməkdaşlığı dayandırmışıq. Biz Avropa Komissiyası ilə əməkdaşlıq edirik və bununla kifayətlənirik". İlham Əliyev vurğulayıb ki, Azərbaycanı Ermənistana qarşı "təcavüzkar mövqedə" olmaqda ittiham etməklə Avropa Parlamenti özünü çox qəribə vəziyyətə salır: "Ötən ilin avqustunda Ağ Evdə Azərbaycan və Ermənistan arasında sülh müqaviləsi paraflandı....

Davamını oxu