Siyasət

Almaniyalı keçmiş deputata Azərbaycan adından rüşvət vermək ittihamı ilə hökm oxunub

31 İyul, 2025

282

Foto: Leonie Asendorpf

Almaniyanın Münhen şəhər məhkəməsi keçmiş Bundestaq üzvü Eduard Lintneri Azərbaycan hakimiyyəti adından almaniyalı məmurlara rüşvət vermək ittihamı ilə doqquz ay şərti həbs cəzasına məhkum edib.

Mütəşəkkil Cinayətkarlıq və Korrupsiyaya Qarşı Mübarizə Layihəsinin (“OCCRP”) xəbərinə görə, bununla, o, Almaniya tarixində belə bir cinayətdə təqsirli bilinən ilk qanunverici olub.

80 yaşlı Lintner məhkəmədə özünü təqsirli bilməyib və altı ay davam edən proses boyunca özünü “Azərbaycanın dəstəklənməsini şərəfli motivlərlə həyata keçirən qanuni lobbiçi” kimi təqdim edib.

Lakin, iyulun 30-da Münhen Ali Regional Məhkəməsi onun digər siyasətçilərə ötürdüyü ödənişlərin əslində rüşvət olduğuna qərar verib.

Bundestaqda 33 il deputat olmuş Lintner 2017-ci ildə “OCCRP” və media tərəfdaşları tərəfindən ifşa edilən “Azərbaycanın pulyuyan maşını” adlı alver sxemində adı hallanan şəxslərdən biri idi.

Hesabatda göstərilirdi ki, Azərbaycanın hakim elitası 2,9 milyard dollarlıq gizli fond vasitəsilə avropalı siyasətçilərə rüşvət ödəyərək ölkənin imicini yaxşılaşdırmağa çalışırdı.

Məhkəmənin mətbuata açıqlamasına görə, digər bir qərar 2021-ci ildə vəfat etmiş keçmiş Bundestaq üzvü Karin Strenzin həyat yoldaşından 111,330 avro vəsaitin geri alınması ilə bağlıdır. Məhkəmə müəyyən edib ki, Strenz həm Lintnerdən, həm də Azərbaycan rəsmilərindən Bakının maraqlarını Avropa Şurası Parlament Assambleyasında təşviq etmək üçün rüşvət alıb.

“Transparency International” təşkilatının baş direktoru Maíra Martini mətbuata açıqlamasında hökmü alqışlayıb.

““Azərbaycan pulyuyan maşını” sxemi ilə əlaqəsi olan digər ölkələrin hakimiyyət orqanları Almaniyanın nümunəsini izləməli və rüşvət alan, repressiyaları təmizə çıxarmağa kömək edən şəxslərin məsuliyyətdən yayınmamasını təmin etmək üçün tədbirlər görməlidirlər”, - o deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Meydan TV işi": Ramin Deko barəsində həbs qərarı vermiş sabiq hakimin ona vəkillik etməsini istəyib

“Ramiz Mehdiyev işi”: DTX-nin videosunda ittiham olunan müxaliflər iddialara necə cavab verdi?

Azərbaycanlı QHT nümayəndələri və ekspertlər Ermənistana səfər ediblər

AXCP fəalı Emil Səlim inzibati qaydada həbs olunub

Kimi aldadırsan, ay zalım oğlu?..

Müharibə qurbanlarını yad edən ukraynalı idmançı olimpiadadan kənarlaşdırılıb

Redaktorun Tövsiyələri

“Ramiz Mehdiyev işi”: DTX-nin videosunda ittiham olunan müxaliflər iddialara necə cavab verdi?

2025-ci ildə Azərbaycanın turizm gəlirləri azalıb: 6 illik bağlı sərhədlər sektoru zəiflədib

Prezident niyə hüquqşünasları aidiyyətləri olmayan sahələrə nazir təyin edir?

Trampın dilemması: İranı vurmalı, ya vurmamalı?..

Şivlənin yolu - Yalçın İmanov yazır

"Epşteyn faylları": Pedofil kimi tanınan şəxsin İsrailə işlədiyi haqda nələr bəllidir?

Siyasət

“Ramiz Mehdiyev işi”: DTX-nin videosunda ittiham olunan müxaliflər iddialara necə cavab verdi?

14 Fevral 2026

Foto/kollaj: Toplum TV

Dövlət Təhlükəsizliyi Xidməti (DTX) fevralın 12-də sabiq Prezident Administrasiyası rəhbəri Ramiz Mehdiyev, Azərbaycan Xalq Cəbhəsi Partiyasının (AXCP) həbsdə olan sədri Əli Kərimli və başqa siyasi fiqurları hədəf alan videosüjet yayımladı. Videoda sözügedən şəxslərin əlbir olaraq Azərbaycanda dövlət çevrilişinə cəhd etdiyi bildirilir və buna sübut olduğu iddia olunan görüntülər və səs yazıları nümayiş etdirilir. İddialardan biri belədir ki, ittiham olunan şəxslər xarici xüsusi xidmət orqanlarından Azərbaycanın müxtəlif bölgələrində insanları dövlət çevrilişinə cəlb etmək üçün 933 min 828 manat 40 qəpik məbləğində pul vəsaiti alıblar. Bu iddiaya sübut kimi içərisində Rusiyanın “Sberbank” şirkətinin adı yazılmış, müxtəlif şəxslərin adları və pasport nömrələri əks...

Davamını oxu

Siyasət

Azərbaycanlı QHT nümayəndələri və ekspertlər Ermənistana səfər ediblər

14 Fevral 2026

Foto: Armenpress

Azərbaycandan olan qeyri-hökumət təşkilatları (QHT) nümayəndələri və ekspertlər Ermənistana səfər ediblər. "Armenpress" və "Report"un xəbərinə görə, onlar erməni həmkarları ilə birgə "Sülh Körpüsü" Təşəbbüsü çərçivəsində dəyirmi masa formatında iki gün davam edəcək tədbirdə iştirak edəcəklər. Azərbaycan tərəfdən 19 nəfərin səfər etdiyi, Ermənistandan isə 20 nəfərin tədbirdə iştirak edəcəyi gözlənilir. Bu şəxslər arasında eyni təşəbbüs çərçivəsində artıq baş tutmuş səfərlərdə iştirak edənlər, habelə yeni simalar da var. Ötən ilin oktyabrında Azərbaycandan olan nümayəndə heyəti Yerevana, noyabrda isə erməni heyət Bakıya səfər edib.

Davamını oxu