Siyasət

AXCP: “Məhkəmə beş ayda Əli Kərimli ilə bağlı səkkiz şikayəti geri qaytarıb”

22 Sentyabr, 2026

şəxsi arxivi

Səbail Rayon Məhkəməsi son beş ayda Azərbaycan Xalq Cəbhəsi Partiyasının (AXCP) həbsdə olan sədri Əli Kərimli ilə bağlı verilən səkkiz şikayəti baxılmadan geri qaytarıb.

Bu barədə sentyabrın 22-də AXCP-nin mətbuat xidməti məlumat yayıb.

Açıqlamaya görə, sonuncu şikayət sentyabrın 21-də geri qaytarılıb. Həmin müraciət Əli Kərimlinin informasiya almaq hüququnun pozulması iddiası ilə bağlı olub.

Partiya bildirib ki, digər müraciətlər AXCP sədrinin atasının dəfn mərasimində iştirakı, işgəncəyə məruz qalması, müdafiə, ailəsi ilə görüş və telefon danışığı hüquqlarının pozulması, eləcə də əlyazmalarının alınması ilə bağlıdır.

Mətbuat xidmətinin bildirdiyinə görə, məhkəmə müraciətlərin geri qaytarılmasını bu növ şikayətlərin verilməsinin Cinayət-Prosessual Məcəllə ilə tənzimlənməməsi ilə əsaslandırıb.

“Şikayətin necə və hansı məhkəməyə verilməli olduğuna dair də heç bir aydınlıq gətirilmir”, - açıqlamada qeyd olunub.

Əli Kərimli 2025-ci il noyabrın 29-dan DTX-nin istintaq təcridxanasında saxlanılır. Ona qarşı Cinayət Məcəlləsinin 278.1-ci maddəsi ilə - hakimiyyəti zorla ələ keçirməyə, onu zorla saxlamağa və ya dövlətin konstitusiya quruluşunu zorla dəyişdirməyə yönələn hərəkətlərdə ittiham irəli sürülüb.

Əli Kərimli ilə eyni cinayət işi üzrə AXCP Ali Məclisinin katibi Məmməd İbrahim də həbs olunub. Ona da Cinayət Məcəlləsinin 278.1-ci maddəsi ilə ittiham verilib.

Hökumətyönlü media onların həbsini Dövlət Təhlükəsizliyi Xidmətində istintaqı aparılan “Ramiz Mehdiyev işi” ilə əlaqələndirib. Ə.Kərimli Ramiz Mehdiyevlə əməkdaşlıq etməsi barədə iddiaları əsassız adlandırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ukrayna Rusiyada iki neft emalı zavoduna zərbə endirdiyini açıqlayıb

İlham Əliyev: “İqtisadi artım templəri çox da böyük deyil”

Müşfiq Cabbar üçüncü ildir doğum gününü həbsxanada keçirir

Türkiyədə məktəb qarşısında silahlı hücum olub, azı 11 şagird yaralanıb

Latviya Usmanov və Fridmana qarşı sanksiyaların ləğvinə etiraz edib

Nazirlər Kabineti: Məktəblərdə “dünyəvilik prinsipinə uyğun olmayan” geyimlərə icazə verilməyəcək

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

İlham Əliyev: “İqtisadi artım templəri çox da böyük deyil”

22 Sentyabr 2026

president.az

Sentyabrın 22-də prezident İlham Əliyev Azərbaycanda iqtisadi artım tempinin yüksək olmadığını bildirib. Mətbuat xidmətinin yaydığı məlumata görə, prezident bu barədə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirədə danışıb. “Ölkə iqtisadiyyatının ümumi inkişafına baxsaq, görərik ki, artım templəri çox da böyük deyil. Bunun təbii səbəbləri var, ilk növbədə, təbii neft hasilatının aşağı düşməsi. Bizim əsas neft yatağımız ‘Azəri-Çıraq-Günəşli’ artıq 30 ilə yaxındır istismardadır”, - Əliyev deyib. Prezident qeyri-neft sektorunun inkişafını daha vacib göstərici adlandırıb: “Ümumi daxili məhsulumuzun 1,2 faiz artmasının səbəbi neft hasilatıdır. Bu, bizi narahat etməməlidir, çünki bundan daha vacib göstərici qeyri-neft sektorunun inkişafıdır. Burada da...

Davamını oxu

Siyasət

Müşfiq Cabbar üçüncü ildir doğum gününü həbsxanada keçirir

22 Sentyabr 2026

şəxsi arxiv

Sentyabrın 22-si "Toplum TV"nin həbsdə olan redaktoru Müşfiq Cabbarın 40-cı doğum günüdür. M.Cabbar ardıcıl üçüncü ildir ki, doğum gününü həbsxanada keçirir. O, 2024-cü il martın 6-da "Toplum TV işi" üzrə həbs olunub. Bu il iyulun 27-də iş üzrə oxunan hökmə əsasən, M.Cabbar 13 il müddətinə azadlıqdan məhrum edilib. Digər təqsirləndirilən şəxslər kimi M.Cabbar da qaçaqmalçılıq daxil olmaqla maliyyə cinayətlərində təqsirli bilinib. Lakin o, bütün ittihamları rədd edib və peşə fəaliyyətinə görə həbs olunduğunu bildirib. "Biz “Toplum TV” olaraq sadə insanların səsi olmuşuq, hər kəsin problemini işıqlandırmışıq. Bizi həbsə gətirən əsas səbəblər bunlardır. Bu gün yerli TV-lər ara-sıra sosial problemləri efirə...

Davamını oxu