Siyasət

Belçika və Niderland səfirləri Azərbaycan XİN-ə çağırılıb

20 Aprel, 2026

259

Açıq mənbə

Belçika və Niderlandın Azərbaycandakı səfirləri aprelin 20-də ayrı-ayrılıqda Xarici İşlər Nazirliyinə (XİN) çağırılıblar.

XİN-in yaydığı məlumata görə, Belçika səfiri Julyen de Frepon və Niderland səfiri Marian de Yonqa ölkələrinin parlamentləri tərəfindən qəbul olunan qətnamələrlə bağlı Azərbaycan tərəfinin etirazı çatdırılıb.

Aprelin 16-da qəbul edilən qətnamələrdə parlamentlər hökumətlərdən Azərbaycanın “işğal etdiyi” Ermənistan torpaqları, qarabağlı ermənilərin evlərinə qayıdışı, Bakıda həbsdə olan ermənilərin azadlığı kimi məsələlərdə ciddi mövqe ortaya qoymağı tələb ediblər.

XİN qətnamələri Azərbaycanla Ermənistan arasında “davam edən sülh prosesini sarsıtmaq məqsədi daşıyan növbəti məsuliyyətsiz cəhdlər” adlandırıb.

“Sənədlərin tamamilə yalan və əsassız qiymətləndirmələrə uyğun olaraq tərtib edildiyi, bu qurumlar daxilində dərin kök salmış Azərbaycan əleyhinə qərəzi nümayiş etdirdiyi vurğulanıb. Sənədlərdə yer alan qəbuledilməz iddiaların beynəlxalq hüququn kobud şəkildə pozulması və qanunun aliliyinə açıq şəkildə müdaxilə olduğu qeyd edilib. Bundan əlavə, görüşlər zamanı Azərbaycanın suveren əraziləri ilə bağlı saxta istinadlar, eləcə də Ermənistanın ərazi bütövlüyünün pozulması iddiası, erməni əsilli şəxslərin hüquqları və onların guya qanunsuz həbsi ilə bağlı bütün əsassız ittihamlar qətiyyətlə və sərt şəkildə rədd edilib”, - açıqlamada deyilir.

XİN Belçika və Niderlandı parlamentlərində “anti-Azərbaycan qruplarının ikitərəfli münasibətlərə zərər verməsinin qarşısını almaq üçün təsirli tədbirlər görməyə” çağırıb.

Avqustun 8-də Vaşinqtonda Azərbaycan ilə Ermənistan arasında sülh sazişinin mətni paraflanıb. Sənəd iki ölkə arasında dövlətlərarası münasibətlərin qurulması və sülhün təmin olunmasını özündə əks etdirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ruslan İzzətli: “Hakim Zəfər Əhmədov adi etiket qaydalarına belə əməl etmir”

“Sülh körpüsü” görüşü təxirə salınıb

Vətəndaş cəmiyyəti AŞ-dən Azərbaycanla bağlı koordinasiyalı addımlar istəyir

Avropa Məhkəməsi Bakıda sökülmüş mənzilə görə Azərbaycanı cərimələyib

Casusluqda ittiham olunan Martin Ryan əfv olunub

ABŞ sanksiyalarına görə İrandan Azərbaycana uçuşlar dayandırılıb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Ruslan İzzətli: “Hakim Zəfər Əhmədov adi etiket qaydalarına belə əməl etmir”

23 Sentyabr 2026

şəxsi arxivi

Sentyabrın 21-də Bakı Apellyasiya Məhkəməsində “Toplum TV işi” üzrə 12 ildən 15 ilədək həbs cəzasına məhkum olunan 9 nəfərin apellyasiya şikayətlərinə baxılıb. Hakim Zəfər Əhmədovun sədrliyi ilə keçirilən iclasda hakimlə təqsirləndirilən şəxslər arasında mübahisə yaranıb. Buna Zəfər Əhmədovun Demokratik Təşəbbüslər İnstitutunun rəhbəri Akif Qurbanova “sən” deyə müraciət etməsi səbəb olub. Qurbanov hakimdən nəzakət qaydalarına riayət etməsini tələb etdikdən sonra zaldan çıxarılıb. Daha sonra III Respublika Platformasının qurucu heyətinin üzvü Ruslan İzzətli çıxışında məhkəmə prosesinin gedişini və hakimlərin davranışını tənqid edib. Hakim onunla mübahisə zamanı İzzətlini “tərbiyəsiz” adlandırıb. Ruslan İzzətli məhkəmə iclasından sonra hakim Zəfər Əhmədovun davranışına münasibət bildirib: “Viktor Frankl...

Davamını oxu

Siyasət

“Sülh körpüsü” görüşü təxirə salınıb

23 Sentyabr 2026

Armenpress

Azərbaycanlı və erməni ekspertlərin “Sülh körpüsü” təşəbbüsü çərçivəsində Yerevanda keçirilməsi planlaşdırılan görüşü təxirə salınıb. APA-nın məlumatına görə, Azərbaycan tərəfi hazırkı mərhələdə görüşün keçirilməsini məqsədəuyğun hesab etmir. Ermənistan Mətbuat Klubunun rəhbəri Boris Navasardyan “Azadlıq Radiosu”nun erməni xidmətinə bu məlumatı təsdiqləyib. Onun sözlərinə görə, Azərbaycan tərəfi görüşün “gərginlik səngiyənədək” keçirilməməsini təklif edib. “Bu vəziyyətdə görüşmək, qarşılıqlı anlaşmaya nail olmağa çalışmaq və ictimai-siyasi, informasiya mühitində formalaşmasını istədiyimiz ab-hava barədə razılaşmaq lazım idi. Görünür, Azərbaycandakı tərəfdaşlarımız bu mərhələdə dialoqu məqsədəuyğun hesab etmirlər”, - Navasardyan deyib. Ermənistan və Azərbaycan vətəndaş cəmiyyəti nümayəndələrinin qarşılıqlı səfərləri 2025-ci ilin avqustunda Vaşinqtonda keçirilən sammitdən sonra başlayıb. Həmin sammitdə sülh...

Davamını oxu