Siyasət

Beynəlxalq Hüquqşünaslar Komissiyası: "Azərbaycanda siyasi işlərə çıxan vəkillər təzyiqlərlə üzləşir"

19 May, 2026

242

huquq.az

Beynəlxalq Hüquqşünaslar Komissiyası (BHK) mayın 18-də Azərbaycanda vəkillərin müstəqilliyi və ədalətli məhkəmə hüququnun pozulması halları ilə bağlı hesabat yayımlayıb.

"Təzyiq altında ədalət" adlı hesabatda bildirilir ki, Azərbaycanda hüquq peşəsinin müstəqilliyi "hakimiyyətin Vəkillər Kollegiyası üzərində nəzarəti və təsiri nəticəsində məhdudlaşdırılır". Buna nümunə olaraq kollegiyaya üzvlüyün ayrı-seçkilik xarakterli aparılması, intizam tədbirlərindən cəza vasitəsi kimi istifadə edilməsi, həmçinin müstəqil vəkillərin cinayət təqibinə məruz qalması halları sadalanır.

Əlavə olunur ki, bu çatışmazlıqlar və məhkəmə hakimiyyətinin müstəqil olmaması cinayət prosesində təqsirləndirilən şəxsləri Mülki və Siyasi Hüquqlar Haqqında Beynəlxalq Pakt və İnsan Hüquqları üzrə Avropa Konvensiyasına əsasən ədalətli məhkəmə araşdırması hüququnun təminatından məhrum edir.

"Azərbaycan Vəkillər Kollegiyasına qəbul prosesi insan hüquqları müdafiəçisi kimi tanınan vəkilləri kənarda saxlamaq üçün sui-istifadə olunmağa davam edir, intizam tədbirləri peşəkar etikaya nəzarət mexanizmi olmaqdan çox nəzarət və təzyiq aləti funksiyasını daşıyır, siyasi baxımdan həssas işlərdə ittiham olunan şəxsləri müdafiə edən vəkillər isə vəkillikdən xaric edilmə, cinayət təqibi və digər təqib formaları ilə üzləşirlər", - hesabatda qeyd olunub.

BHK-yə danışan vəkillərin sözlərinə görə, belə işlərə çıxmağa hazır olan vəkillərin sayı çox azdır.

Avropa İnsan Hüquqları Məhkəməsinin İntiqam Əliyev, Xalid Bağırov və Aslan İsmayılov kimi vəkillikdən xaric edilmiş şəxslərin hüquqlarının pozulduğunu müəyyən edən qərarlarının "böyük ölçüdə icra olunmamış qaldığı" bildirilir.

BHK hesabatda Azərbaycanda həbsdə olan və bu il hökm oxunan erməni məhbusların da öz seçdiyi vəkillərlə və tərcümə ilə təmin olunma hüquqlarının pozulduğunu əlavə edib.

BHK sonda Azərbaycan hakimiyyətini Vəkillər Kollegiyasının həqiqətən müstəqil və özünüidarə edən qurum kimi fəaliyyət göstərməsini təmin etməyə, həmçinin siyasi baxımdan həssas işlərə çıxan vəkillərə qarşı təqiblərə son qoymağa çağırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Fərid İsmayılov: “Ədaləti meyvə-tərəvəz kimi satan mantiyalı kölələr mənim üçün məhkəmə görüntüsü yarada bilməzlər”

Ermənistanda saxlanılan Azərbaycan əsgəri barəsində həbs qətimkan tədbiri seçilib

Yaponiya Rusiyaya qarşı yeni sanksiyalar tətbiq edib

Azərbaycanda siyasi məhbus sayılan şəxslərin beynəlxalq “advokasi” fəaliyyəti ilə bağlı müraciəti

Laçın istiqamətində itkin düşdüyü deyilən əsgərin Ermənistanda saxlanıldığı bildirilir

“Reuters”: İran ABŞ-nin mümkün hücumuna daha genişmiqyaslı cavab hazırlayır

Redaktorun Tövsiyələri

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Siyasət

Azərbaycanda siyasi məhbus sayılan şəxslərin beynəlxalq “advokasi” fəaliyyəti ilə bağlı müraciəti

2 Oktyabr 2026

jam-news

Azərbaycanda həbsdə olan bir qrup siyasi məhbus hesab edilən şəxs beynəlxalq hüquq müdafiəsi fəaliyyətinin (“advokasi”) daha koordinasiyalı, açıq və bütün siyasi motivli təqib halları üzrə aparılması çağırışı ilə müraciət yayıb. Müraciət müəllifləri Azərbaycanın demokratikləşməsi, insan hüquq və azadlıqlarının təmin olunması üçün demokratik ölkələrin və beynəlxalq institutların fəal dəstəyinin zəruri olduğunu bildirirlər. Bakı Araşdırmalar İnstitutunun dərc etdiyi müraciəti olduğu kimi təqdim edirik. Demokratik dünyanın inkişaf təcrübəsi göstərir ki, keçilən uğurlu yoldan faydalanmaq problemlərin həllində mühüm töhfə verir. Bu yanaşmanı, həmçinin Azərbaycanın götürdüyü beynəlxalq öhdəlikləri əsas tutaraq, ölkəmizin demokratikləşməsi, insan hüquq və azadlıqlarının təmininin gerçəkləşməsində demokratik dünyanın da aktiv iştirakı və dəstəyi zəruridir. Buna nail olmaq əsasən...

Davamını oxu

Siyasət

Məmməd Alpay: “Hökumət legitim vətəndaş cəmiyyəti fəaliyyətini cinayət kimi qələmə verir”

1 Oktyabr 2026

sosial media

“QHT işi” üzrə cinayət işi çərçivəsində həbsdə olan hüquq müdafiəçisi, “Seçki Müşahidə” Alyansının direktoru Məmməd Alpay “Abzas Media”ya müsahibə verib. O, müsahibəsində Bakı İstintaq Təcridxanasındakı saxlanma şəraitindən, tibbi xidmətə çıxış və məhbusların daşınması ilə bağlı problemlərdən, eləcə də ailəsi ilə açıq görüşlərə qoyulan məhdudiyyətlərdən danışıb. Müsahibəni olduğu kimi təqdim edirik. Bakı İstintaq Təcridxanasındakı saxlanma şəraitiniz necədir? Həbs olunduğunuz gündən bu yana qarşılaşdığınız ən böyük çətinliklər nələrdir? Bakı İstintaq Təcridxanası 2009-cu ildə, səhv xatırlamıramsa, 95 milyon dollar (o dövrün məzənnəsi ilə 75 milyon manat) büdcə ilə tikilib. İstər texniki struktur, istərsə də keyfiyyət baxımından standartlara uyğun gəlmir. Ən böyük çətinliklərdən biri...

Davamını oxu