Siyasət

Casusluqda ittiham olunan Martin Ryan əfv olunub

23 Sentyabr, 2026

Teleqraf

Casusluqda ittiham olunaraq 10 il həbs cəzası alan Fransa vətəndaşı, “Merkorama” MMC-nin sabiq baş direktoru Martin Ryan əfv olunub.

Bu, prezident İlham Əliyevin məhkum edilmiş bir sıra şəxslərin əfv olunması haqqında sentyabrın 23-də imzaladığı sərəncamda qeyd edilib.

Martin Ryan bu il martın 16-da Bakı Ağır Cinayətlər Məhkəməsinin hökmü ilə Fransanın xeyrinə casusluqda ittiham olunaraq 10 il müddətinə azadlıqdan məhrum edilmişdi.

Ryan 2023-cü il dekabrın 4-də Dövlət Təhlükəsizliyi Xidməti tərəfindən saxlanılmışdı. Cinayət işində iddia olunurdu ki, o, sonradan “persona non-grata” elan edilərək Azərbaycandan çıxarılan Fransa Xarici Təhlükəsizlik Baş İdarəsinin əməkdaşları tərəfindən məxfi əməkdaşlığa cəlb edilib.

İstintaqın iddiasına görə, Ryan Azərbaycanda silah-sursat istehsalı və ixracı, digər ölkələrə pul köçürülməsi imkanları və başqa məsələlər barədə Fransa xüsusi xidmət orqanlarına məlumat verib. O, ittihamları rədd edirdi.

Ryanın əfv olunması Avropa İttifaqında rusiyalı iş adamı Alişer Usmanova qarşı sanksiyaların ləğvi məsələsinin müzakirə edildiyi vaxta təsadüf edir.

“Financial Times” Aİ-dəki mənbələrə istinadən yazmışdı ki, Usmanova qarşı sanksiyaların ləğvi Azərbaycanda həbsdə olan iki Fransa vətəndaşının azadlığa buraxılması ilə bağlı mümkün razılaşmanın tərkib hissəsi ola bilər. Rəsmi Bakı bu iddianı şərh etməmişdi.

Aİ ölkələri sonradan Usmanov və digər rusiyalı iş adamı Mixail Fridmanın sanksiya siyahısından çıxarılmasına, eləcə də Rusiyaya qarşı fərdi sanksiyaların müddətinin üç il uzadılmasına razılaşıblar. Əvvəl bu qərara etiraz edən Latviya da sonradan razılıq verib. Bildirilib ki, Latviya Usmanov və Fridmana qarşı milli sanksiyalar tətbiq edəcək.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Avropa Məhkəməsi Bakıda sökülmüş mənzilə görə Azərbaycanı cərimələyib

ABŞ sanksiyalarına görə İrandan Azərbaycana uçuşlar dayandırılıb

Ukrayna Rusiyada iki neft emalı zavoduna zərbə endirdiyini açıqlayıb

AXCP: “Məhkəmə beş ayda Əli Kərimli ilə bağlı səkkiz şikayəti geri qaytarıb”

İlham Əliyev: “İqtisadi artım templəri çox da böyük deyil”

Müşfiq Cabbar üçüncü ildir doğum gününü həbsxanada keçirir

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Avropa Məhkəməsi Bakıda sökülmüş mənzilə görə Azərbaycanı cərimələyib

23 Sentyabr 2026

açıq mənbə

Avropa İnsan Hüquqları Məhkəməsi (AİHM) Bakıda bir mənzilin sökülməsi ilə bağlı Azərbaycana qarşı qərar qəbul edib. Bu barədə vəkil Fariz Namazlı sosial media hesabında məlumat verib. Məhkəmə mənzilin mülkiyyətçisi ilə bağlı mülkiyyət hüququnun, həmin ünvanda yaşayan digər şəxslə bağlı isə mənzilə hörmət hüququnun pozulduğu qənaətinə gəlib. İş 2010-cu ildə Bakıda üç binanın sökülməsi və sakinlərin köçürülməsi ilə bağlı başlayıb. Dövlət orqanları sakinlərə həmin rayonda yeni tikilən yaşayış binalarında alternativ mənzillər təklif edib. Ərizəçilər isə təklif olunan mənzillərin yerləşdiyi binaların vəziyyətindən narazı olduqlarını bildirərək pul kompensasiyası tələb ediblər, bu tələb rədd olunub. Bundan sonra onlar köçürülmə ilə bağlı inzibati aktların etibarsız...

Davamını oxu

Siyasət

ABŞ sanksiyalarına görə İrandan Azərbaycana uçuşlar dayandırılıb

23 Sentyabr 2026

sosial media

Sentyabrın 22-dən İran aviaşirkətlərinin Azərbaycana uçuşları dayandırılıb. Bu barədə “Azərbaycan Hava Yolları” (AZAL) məlumat yayıb. “ABŞ-nin İrana qarşı, xüsusən də aviasiya sektoruna qarşı tətbiq etdiyi yeni sanksiyalar paketi ilə əlaqədar olaraq, İran aviaşirkətlərinin Azərbaycana uçuşlarının dayandırılması barədə qərar qəbul edilib”, - məlumatda deyilir. ABŞ Maliyyə Nazirliyi sentyabrın 8-də İranın aviasiya sektoruna dəstək göstərən 36 subyektə sanksiya tətbiq olunduğunu açıqlayıb. Nazirlik İran hakimiyyətinin bu sektordan silah, şəxsi heyət və qanunsuz yüklərin daşınması üçün istifadə etdiyini iddia edib. Sanksiya siyahısına “Air Shiraz”, “Asa Jet Airline”, “Ata Airlines Company”, “Atlas Aviation Group”, “Ava Airlines” və “Fly Kish Airlines” daxil olmaqla İranın 27 kommersiya...

Davamını oxu