Siyasət

Həyat yoldaşı: “Ələsgər Məmmədlinin nəfəs darlığı və boğulma halları davam edir”

26 Avqust, 2026

sosial media

"Toplum TV"-nin həbsdə olan həmtəsisçisi Ələsgər Məmmədlinin səhhəti ilə bağlı narahatlıqlar yenidən artıb.

Avqustun 25-də Ə.Məmmədli ilə görüşən həyat yoldaşı Günay Məmmədlinin yaydığı məlumata görə, media eksperti səhhətində yaranan ağırlaşmalardan sonra xeyli zəifləyib.

"Bu son iki günün isti bürkülü günlərində nəfəs darlığının, boğulmaların, yüksək ürək döyüntüləri və təzyiqin aramsız davam etdiyini dedi. Rəngində də boğulma açıq hiss olunurdu", - o qeyd edib.

G.Məmmədli bildirib ki, Ə.Məmmədlidən qan analizi götürülməsindən 10 gündən artıq vaxt keçsə də, analizin və digər müayinələrin nəticələri hələ də ona təqdim edilməyib.

G.Məmmədli avqustun 13-də həyat yoldaşının iki gündür qida qəbul edə bilmədiyini bildirmişdi. O, daha öncə də Ələsgər Məmmədlinin səhhətində yenidən ciddi problemlərin yarandığı ilə bağlı məlumat yaymışdı.

Onun sözlərinə görə, Ələsgər Məmmədli avqustun 8-dən 9-na keçən gecə Bakı İstintaq Təcridxanasında növbəti dəfə ürək tutması keçirib və uzun müddət ağrılar içində yataqda qalıb.

Ələsgər Məmmədli 2024-cü il martın 8-də Bakıda klinikalardan birindən çıxarkən mülki geyimli şəxslər tərəfindən saxlanılıb və həbs olunub.

Ailəsi və vəkilləri mütəmadi olaraq onun səhhətindəki problemlərlə bağlı narahatlıqlarını dilə gətirirlər. Vəkili bu səbəbdən onun ev dustaqlığına buraxılması üçün dəfələrlə vəsatət qaldırsa da, indiyədək heç biri təmin edilməyib.

İyulun 27-də "Toplum TV işi" üzrə keçirilən yekun məhkəmə prosesində Ə.Məmmədliyə 14 illik həbs cəzası verilib.
O, qaçaqmalçılıq, vergidən yayınma və qanunsuz sahibkarlıq da daxil olmaqla bir sıra cinayətlərdə ittiham olunur. Özü isə ittihamları qəbul etmir, hakimiyyətin sifarişi ilə həbs olunduğunu bildirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

AİHM Azərbaycanda uzunmüddətli ölkədən çıxış qadağasını hüquq pozuntusu sayıb

3 aydır xidmət edən DSX əsgərinin xəstəlikdən vəfat etdiyi deyilir

ABŞ Suriyanı “terroru dəstəkləyən dövlətlər” siyahısından çıxarıb

Koçaryan və oğlu həbs olunub

Turizm üçün yeni dövlət proqramı: 5 ildə 1,1 faizlik artım hədəflənir

ABŞ 200 minə yaxın əcnəbinin vizasını ləğv etməyə hazırlaşır

Redaktorun Tövsiyələri

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Siyasət

AİHM Azərbaycanda uzunmüddətli ölkədən çıxış qadağasını hüquq pozuntusu sayıb

26 Avqust 2026

sosial media

Avropa İnsan Hüquqları Məhkəməsi (AİHM) Azərbaycandan çıxışına qadağa qoyulmuş üç şəxsin hüquqlarının pozulduğunu müəyyən edib. Bu barədə avqustun 25-də vəkil Fariz Namazlı məlumat yayıb. AİHM-ə ərizə ilə müraciət etmiş şəxslər Əli Əlişov, Adil Hüseynov və Bəhman Abbasov olub. Onlar müxtəlif dövrlərdə fərqli cinayət işləri üzrə məsuliyyətə cəlb olunublar. Əvvəlcə barələrində həbs qətimkan tədbiri seçilib, sonradan polis nəzarətinə veriliblər. Bununla bağlı ərizəçilərin ölkədən çıxışlarına qadağa qoyulub. 2015-ci ildən etibarən həmin cinayət işləri üzrə hər hansı istintaq hərəkətləri aparılmayıb, lakin ərizəçilərin ölkədən çıxışına məhdudiyyət də aradan qaldırılmayıb. Məhkəmə cinayət icraatının müddətini həddindən artıq hesab edərək Avropa İnsan Hüquqları Konvensiyasının 6-cı maddəsinin 1-ci...

Davamını oxu

Siyasət

CPJ: “Toplum TV işi” üzrə həbs olunanların 'kars'a salınmasından narahatıq

25 Avqust 2026

Toplum TV

Jurnalistləri Müdafiə Komitəsi (CPJ) beynəlxalq mətbuat azadlığı təşkilatı "Toplum TV işi" üzrə həbsdə olan şəxslərin cərimə kamerasına ("kars") salınmasından narahatlıq ifadə edib. Bu barədə avqustun 24-də təşkilatın Avropa və Mərkəzi Asiya bölməsinin "X" hesabında bəyanat yayımlanıb. "İş üzrə 15 ilə qədər həbs cəzası almış jurnalistlər və digərləri öz fəaliyyətlərinə görə həbsdə olmamalıdırlar. Jurnalistika cinayət deyil", - bəyanata əlavə olunub. "Toplum TV işi" üzrə həbsdə olan, III Respublika Platformasının qurucu üzvü Ruslan İzzətli və Demokratik Təşəbbüslər İnstitutunun (IDI) əməkdaşı Əli Zeynal avqustun 19-da 7 gün müddətinə "kars"a salınıblar. Buna onların həbsxanada içməli su çatışmazlığına etiraz etmələri səbəb olub. İki gün sonra...

Davamını oxu