İctimai-siyasi xəbərlər
Polad Aslanovun xanımı hüquq-mühafizə orqanlarını ittiham edir
açıq mənbədən götürülüb
Həbsdə olan jurnalist Polad Aslanovun kamera yoldaşı tərəfindən döyülməsi ilə bağlı araşdırma qəsdən yubadılır.
“Turan”ın xəbərinə görə, məhbusun həyat yoldaşı Gülmirə Aslanova belə hesab edir.
Onun sözlərinə görə, Nizami Rayon Prokurorluğunun müstəntiqi Anar Namazov bildirib ki, koloniyaya getmək üçün Penitensiar Xidmətdən icazə almaq lazımdır: “Müstəntiq dedi ki, Penitensiar Xidmətin cavabı 10 gün ərzində daxil olmalıdır. Yəni icazə aprelin 20-21-də alınacaq. Onlara lazım olanda prokurorluq nümayəndələri dərhal saxlanma yerlərinə daxil olurlar. Polad məsələsində isə bilərəkdən yubadırlar».
Polad Aslanovun xanımı 20 gün sonra zorakılıq izlərinin yox olacağından narahatdır: "Təyin olunan “ekspertiza” təbii ki, xəsarəti “üzə çıxarmayacaq” və onlar cinayət işini başlamaqdan imtina edəcəklər”.
Aprelin əvvəlində Gülmirə Aslanova P.Aslanovun kamera yoldaşı tərəfindən döyüldüyünü bildirib. O, həmin şəxsin həbsxana rəhbərliyilə əməkdaşlıq etdiyini iddia edir.
İki dəfə etiraz aksiyası keçirdikdən sonra aprelin 9-da onu Nizami Rayon Prokurorluğuna dəvət ediblər və şikayətin araşdırılacağını bildiriblər.
Polad Aslanov 2019-cu ilin iyununda dövlətə xəyanətdə ittiham olunaraq 16 il müddətinə azadlıqdan məhrum edilib. Hüquq müdafiəçiləri onu siyasi məhbus kimi tanıyıblar.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
Solovyov: Azərbaycana qarşı “xüsusi hərbi əməliyyat” zərurəti ola bilər
Foto: açıq mənbə
Paraflanmış mətn, bəyannamə, “Tramp marşrutu": Sülh olacaqmı?
Foto: president.az
