Siyasət

"Abzas Media" və "Meydan TV" media mükafatına layiq görülüb

17 İyun, 2026

ipi.media

"Azad Media Öncülü" mətbuat azadlığı mükafatının 2026-cı il üzrə qalibləri açıqlanıb.

Beynəlxalq Mətbuat İnstitutu (IPI) və Beynəlxalq Media Dəstəyinin (IMS) təsis etdiyi mükafata Azərbaycandan "Abzas Media" və "Meydan TV" layiq görülüb. Mükafatın digər laureatı Latın Amerikası Araşdırma Jurnalistikası Mərkəzi (CLIP) olub.

"Azərbaycanın avtoritar Əliyev rejimi tərəfindən təqib və repressiyaların hədəfinə çevrilməsinə baxmayaraq, "Abzas Media" və "Meydan TV" Azərbaycanın getdikcə daha çox repressivləşən media mühitində müstəqil jurnalistikanın nadir ümid mənbələri olaraq qalırlar. 2023-cü ilin noyabrından etibarən hər iki media qurumunun jurnalistlərini hədəf alan həbslər dalğasından sonra sürgündə fəaliyyət göstərməyə məcbur qalan "Abzas Media" və "Meydan TV" xaricdə fəaliyyətlərini davam etdirərək Azərbaycanda korrupsiya və insan hüquqları pozuntuları barədə cəsarətli araşdırmalarını sürdürürlər. Eyni zamanda, həbsdə olan bir çox jurnalistləri də dəmir barmaqlıqlar arxasından məqalələr yazmağa davam edirlər", - qurumların açıqlamasında deyilir.

Mükafat müstəqil medianın inkişafına və jurnalistikanın yeni imkanlar qazanmasına töhfə verən media qurumlarına təqdim olunur. Mükafata 11 media orqanı namizəd göstərilmişdi.

Mükafatın təqdimetmə mərasimi iyulun 24-26-da Kolumbiyanın paytaxtı Boqotada keçiriləcək.

2023-cü ilin noyabrından bəri Azərbaycanda qruplar halında 20-dən çox jurnalist həbs olunub.

Onların arasında "Abzas Media" və "Meydan TV" əməkdaşları da yer alır.

2025-ci il iyunun 20-də Bakı Ağır Cinayətlər Məhkəməsi “Abzas Media işi” çərçivəsində yeddi media əməkdaşını 7 il 6 aydan 9 ilədək müddətə azadlıqdan məhrum edib.

“Meydan TV işi” ilə bağlı məhkəmə prosesləri isə hələ də davam edir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

Əli Kərimli telefon danışığı hüququnun pozulduğunu deyir

Gürcüstan yaşayış icazəsi almaq üçün nikaha girməyi cinayət saymağa hazırlaşır

Siyasi karikaturaları ilə tanınan rusiyalı rəssam Polşada öldürülüb

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Siyasət

Azərbaycan hökuməti ölkədə sərbəst toplaşmaq azadlığının pozuntusunu tanıyıb

17 İyun 2026

VOA

Azərbaycan hökuməti bir sıra siyasi fəalların sərbəst toplaşmaq azadlığının pozuntusunu tanıyıb, onlara təzminat ödəməyə razılaşıb. Bu barədə "Azadlıq Radiosu" xəbər yayıb. Hüquqlarının pozulduğunu iddia edən Azərbaycan Xalq Cəbhəsi Partiyası (AXCP) Təşkilat şöbəsinin rəhbəri Saqif Qurbanov, partiyanın Ali Məclisinin keçmiş sədri Nurəddin Məmmədli, hazırda fəaliyyətini dayandırmış Azərbaycan Demokratiya və Rifah Partiyasının üzvləri Arif Əzizzadə, Arifə Hüseynli və Dilarə Miriyeva bununla bağlı Avropa İnsan Hüquqları Məhkəməsinə (AİHM) müraciət ediblər. Şikayətçilər ərizələrində ölkədə dinc toplantıların və etiraz aksiyalarının keçirilməsinə imkan verilmədiyini, bununla bağlı şikayətlərinə isə baxılmadığını bildiriblər. Ərizəçilər məhkəmədən Avropa İnsan Hüquqları Konvensiyasının 11-ci (yığıncaqlar və birləşmək azadlığı) və 13-cü (səmərəli hüquqi müdafiə...

Davamını oxu

Siyasət

"Human Rights Watch" Azərbaycan hakimiyyətini Rüfət Səfərovu azad etməyə çağırır

17 İyun 2026

Sosial media

"Human Rights Watch" beynəlxalq insan hüquqları təşkilatı Azərbaycan hakimiyyətini həbsdə olan hüquq müdafiəçisi Rüfət Səfərovu azad etməyə çağırıb. Təşkilat yayımladığı bəyanatda bildirib ki, R.Səfərovun iyunun 12-də səkkiz il müddətinə azadlıqdan məhrum edilməsi Azərbaycanda "artıq ciddi şəkildə məhdudlaşdırılmış vətəndaş cəmiyyəti məkanına vurulan növbəti zərbədir". Bəyanatda xatırladılır ki, R.Səfərov 2024-cü ilin dekabrında ABŞ-nin Bakıdakı səfirliyindən viza götürdüyü gün həbs edilib. O, həmin viza ilə ABŞ Dövlət katibinin "İnsan Hüquqları Müdafiəçisi Mükafatı"nı almaq üçün Vaşinqtona səfər edəcəkdi. "Rüfət Səfərovun mühüm beynəlxalq insan hüquqları mükafatını almağa hazırlaşdığı ərəfədə həbs edilməsi bu işin onun insan hüquqları sahəsində fəaliyyətinə görə qisas xarakteri daşıdığına dair ciddi əsaslar...

Davamını oxu