İctimai-siyasi xəbərlər
Rusiya XİN: Moskva Tbilisi ilə diplomatik münasibətləri bərpa etməyə hazırdır
açıq mənbədən götürülüb
Tbilisinin Abxaziya və Cənubi Osetiya ilə bağlı mövqeyinə baxmayaraq, Moskva Gürcüstanla müxtəlif sahələrdə münasibətləri bərpa etməyə hazırdır.
Bunu Rusiya Xarici İşlər Nazirinin müavini Mixail Qaluzin “İzvestiya”ya müsahibəsində deyib.
O, Rusiya ilə Gürcüstanı təkcə iqtisadi deyil, həm də mədəni və tarixi əlaqələrin birləşdirdiyindən əmin olduğunu deyib.
Nazir müavini qeyd edib ki, Moskva və Tbilisi 1993-cü il hökumətlərarası sazişlə müəyyən edilmiş hava hərəkəti səviyyəsini bərpa edə bilərlər.
Bundan bir qədər əvvəl Gürcüstanın baş naziri İrakli Kobaxidze Rusiya ilə münasibətləri dəyərləndirib.
Onun sözlərinə görə, ərazi fərqlərinə baxmayaraq, Gürcüstan üçün Moskva ilə yaxşı münasibətlər saxlamaq vacibdir.
Gürcüstan Rusiya ilə diplomatik əlaqələri 2008-ci illdə baş tutan beş günlük müharibədən sonra kəsib.
Müharibədən sonra Abxaziyanın müstəqilliyi Rusiya və daha dörd ölkə: Venesuela, Nauru, Nikaraqua və Suriya tərəfindən tanınıb.
Gürcüstan separatçı Abxaziya və Cənubi Osetiyanı Rusiya tərəfindən işğal olunmuş ərazilər hesab edir və Rusiyanı ölkənin ərazi bütövlüyünü pozmaqda ittiham edir.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: #
Şikayətlərinizi bizə göndərin: info@toplummedia.tv
Putin: "Rusiyanın ABŞ-dəki dondurulmuş aktivlərindən Qəzza Sülh Şurasına ödəniş etməyə hazırıq"
Foto: Reuters
Əliyev: “Azərbaycan artıq Avropa Parlamentinin tənqidinə reaksiya vermir”
Foto: açıq mənbə
