Siyasət

Rusiyada "terror aktı törətmək istəyən" azərbaycanlı həbs olunub

8 Sentyabr, 2025

Foto: açıq mənbə

Rusiya Federal Təhlükəsizlik Xidməti (FSB) Stavropol vilayətində Azərbaycan vətəndaşının həbs olunduğunu açıqlayıb.

"TASS" agentliyinə verilən məlumatda iddia edilib ki, adı açıqlanmayan şəxs “Ukrayna terrorçu təşkilatı adından Rusiya ərazisində terror aktı planlaşdırıb".

Əlavə olunur ki, sözügedən şəxs “öncədən könüllü şəkildə terrorçu təşkilata” qoşulub və təşkilatdan aldığı təlimatlar əsasında “sabotaj və terror aktlarının törədilməsi üçün nəzərdə tutulmuş bir sıra obyektləri, xüsusilə də hüquq-mühafizə orqanlarının inzibati binalarını və Yessentuki və Stavropolda nəqliyyat infrastrukturunu ətraflı şəkildə öyrənib".

İddiaya görə, həmin şəxs “partlayıcı qurğuların hazırlanması üçün lazım olan komponentləri və zərbə elementlərini əldə edib, onları gizli şəkildə saxlayıb və əvvəllər Azərbaycan Silahlı Qüvvələrinin xüsusi təyinatlı bölmələrində xidməti zamanı qazandığı bilik və bacarıqlardan istifadə etməklə, bir neçə partlayıcı qurğu yığaraq terror aktları törətməyi planlaşdırıb”.

"TASS", həmçinin, təqsirləndirilən şəxsin həbs kadrlarını yayıb. Videoda onun üzü görünmür, lakin terror aktları planlaşdırdığını etiraf etdiyi eşidilir.

Bu ilin iyununda Rusiyada azərbaycanlılara, ardınca Azərbaycanda rus vətəndaşlara qarşı reydlər və həbslər başlayıb. Rusiyanın Yekaterinburq şəhərindəki reyd zamanı iki azərbaycanlı öldürülüb.

Azərbaycan prezidenti İlham Əliyev "Əl-Ərəbiyyə"yə müsahibəsində azərbaycanlılara qarşı reydləri "xalqımıza qarşı misli görünməmiş hərəkət" adlandırıb.

"Münasibətlərin korlanmasına görə məsuliyyət bizim üzərimizə düşmür. Biz yalnız konstruktiv və hüquqi şəkildə cavab veririk, lakin heç vaxt bizə qarşı təcavüz əlamətlərinə və təzahürlərinə, yaxud hörmətsizliyə dözməyəcəyik", - o bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Nərgiz Absalamova “Azad Media” mükafatına layiq görülüb

Əhməd Məmmədlinin gözündə çürümə olduğu bildirilir

54 milyonluq yeyintidə təqsirləndirilən SOCAR işçisinə 14 il hökm oxunub

Şəmşad Ağa: Məhkəmənin gülünc personajına çevrilən biri “möhtərəm və cənab” kimi etiketlərə layiq deyil

11 gündür aclıq edən Polad Aslanovun şok keçirdiyi deyilir

Gürcüstan etirazlarında çəkiliş edən azərbaycanlı ölkəyə buraxılmayıb

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Siyasət

Azərbaycan və Ermənistan bir-birinin hava məkanından istifadə etməyə başlayıb

8 Sentyabr 2025

Foto: açıq mənbə

Ermənistan baş naziri Nikol Paşinyanın təyyarəsi xaricə son səfəri zamanı Azərbaycan hava məkanından istifadə edib. Bu barədə baş nazirin mətbuat katibi Nazeli Baqdasaryan sosial media hesabında məlumat verib. O bildirib ki, baş nazirin təyyarəsi avqustun 30-da və sentyabrın 6-da Azərbaycan üzərindən keçməklə beynəlxalq səfəri reallaşdırıb. "8 avqustda Vaşinqtondakı sülh danışıqlarından sonra Ermənistanın müvafiq qurumları Ermənistan baş nazirinin təyyarəsi üçün Azərbaycan tərəfindən hava dəhlizi istəmiş və müsbət cavab almışdılar. Bu fakt bölgədə kommunikasiyaların açılması, sülh gündəminin təşviqi və qarşılıqlı etimad mühitinin formalaşdırılması üçün praktik bir addım kimi qiymətləndirilir", - o qeyd edib. Baqdasaryan əlavə edib ki, Azərbaycan təyyarələri də artıq uzun...

Davamını oxu

Siyasət

Tramp Rusiyaya qarşı sanksiyaların ikinci mərhələsinə hazır olduğunu bildirib

8 Sentyabr 2025

Foto: EPA/ Getty Images

ABŞ Prezidenti Donald Tramp Rusiyaya qarşı sanksiyaların ikinci mərhələsinə keçməyə hazır olduğunu açıqlayıb. “Reuters” yazır ki, bu açıqlama onun Rusiya neftinin alıcılarına qarşı sanksiyaları gücləndirməyə daha yaxın olduğuna işarə edir və Ukraynadakı müharibə ilə bağlı narazılığını göstərir. Məqalədə deyilir ki, Tramp dəfələrlə Moskvaya əlavə sanksiyalarla hədələsə də, danışıqları davam etdirmək üçün onları tətbiq etməyib. Son açıqlamalar daha aqressiv mövqedən xəbər verir, amma Tramp hələ ki, belə bir qərara tam sadiq olduğunu və ya bu ikinci mərhələnin nələri əhatə edəcəyini açıqlamayıb. Avqustun 15-də Rusiya prezidenti Vladimir Putinlə Alyaskada görüşündən sonra Tramp təxminən iki həftə ərzində Rusiyanın mövqeyinə baxacağını, buna uyğun qərar...

Davamını oxu