Dünya

ABŞ İranın nüvə obyektlərini bombalayıb

22 İyun, 2025

123

Foto: CBS

ABŞ İranın nüvə istehsalı müəssisələrinə zərbələr endirib.

Bu barədə ABŞ Prezidenti Donald Tramp əvvəlcə "Truth Social" sosial şəbəkəsində xəbər verib.

O yazıb ki, ABŞ ordusu onun əmrilə İranın Natanz və İsfahan şəhərlərində və Fordo qəsəbəsindəki nüvə müəssisələrinə zərbələr endirib.

"Fordodakı əsas müəssisəyə bütöv bomba yükü atıldı. Təyyarələrimiz İran səmasını artıq tərk ediblər və vətənə qayıdırlar. Dünyada bunu edə biləcək başqa hərbi qüvvə yoxdur! İndi isə sülh vaxtıdır", - Tramp qeyd edib.

Daha sonra Ağ Evdə çıxış edən prezident əməliyyatı "möhtəşəm hərbi uğur" adlandırıb və bununla İranın nüvə müəssisələrinin "tamamilə sıradan çıxarıldığını" iddia edib.

O, həmçinin, İrana sülhə gəlməyəcəyi təqdirdə əlavə hücumlar edəcəyi ilə xəbərdarlıq edib.

"CNN" telekanalı bir rəsmiyə istinadən bildirib ki, ABŞ altı B-2 bombardmançısından istifadə edərək İranın Fordo nüvə obyektinə on iki ədəd “bunker dağıdan” bomba atıb. Həmin rəsmiyə görə, Hərbi Dəniz Qüvvələrinə məxsus sualtı qayıqlar Natanz və İsfahan da iki başqa obyektə 30 ədəd TLAM qanadlı raketi atıb, B-2 təyyarəsi isə Natanz üzərinə əlavə olaraq iki “bunker dağıdan” bomba buraxıb.

İranın Ali lideri Seyid Əli Xameneinin məsləhətçisi Hüseyn Şəriətmadari ABŞ Hərbi Dəniz Qüvvələrinə məxsus gəmilərə raket zərbələri endirilməsinə və əsas neft nəqliyyat marşrutu olan Hörmüz boğazının bağlanmasına çağırıb.

Xameneinin özü isə hələ ki ictimai reaksiya verməyib.

İranın dəstəklədiyi, Livanın cənubuna nəzarət edən Husi qruplaşmasının rəsmisi Trampın zərbələrin "cəzasını çəkəcəyini" bildirib.

BMT-nin Baş katibi Antonio Quterris isə ABŞ-ın İrandakı nüvə obyektlərinə zərbələrini “beynəlxalq sülh və təhlükəsizliyə təhdid” adlandırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İsrail-İran qarşıdurması: Bakı hansı risklərlə üz-üzədir?

Fatih Altaylı saxlanılıb

““Abzas”çılara oxunan hökm məhkəmənin jurnalistikanı susdurmaq üçün silaha çevrilməsinin nümunəsidir”

Bəhruz Səmədov ölüm aclığına başlayıb

Milli Məclis Naxçıvan Konstitusiyasına dəyişiklikləri qəbul edib

Xameneinin öldürüldüyü deyilən müşavirinin sağ olduğu ortaya çıxıb

Redaktorun Tövsiyələri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

Dünya

Fatih Altaylı saxlanılıb

21 İyun 2025

Foto: Sosial media

Türkiyəli jurnalist Fatih Altaylı saxlanılıb. Bu barədə iyunun 21-də jurnalistin həat yoldaşı məlumat yayıb. “Bir qədər əvvəl Fatehi apardılar. Hara apardıqlarını bilmirik”, - jurnalistin xanımı Hande Altaylı yazıb. Jurnalistin saxlanılması ilə bağlı İstanbul Baş Prokurorluğu tərəfindən verilən açıqlamada belə deyilir: “YouTube” sosial media kanalında 20.06.2025-ci il tarixli yayımda prezident Rəcəb Tayyib Ərdoğana qarşı hədə yönümlü, təhdid xarakterli ifadələr işlətdiyi üçün Fatih Altaylı barəsində istintaqa başlanılıb”. Məlumata görə, Fatih Altaylı barəsində davam edən istintaq çərçivəsində prokurorluğun göstərişi ilə saxlanılıb.

Davamını oxu

Dünya

Xameneinin öldürüldüyü deyilən müşavirinin sağ olduğu ortaya çıxıb

21 İyun 2025

Foto: AP

İran Ali lideri Ayətullah Əli Xameneinin İsrail tərəfindən öldürüldüyü deyilən müşaviri Əli Şamxaninin sağ olduğu bildirilir. İranın dövlət mediası iyunun 20-də Şamxaninin Xameneiyə ünvanladığı məktubu yayımlayıb. “Mən sağam və özümü qurban verməyə hazıram. Qələbə yaxındır. İranın adı həmişəki kimi tarixin ən yüksək qatlarına həkk olunacaq”, - o, məktubda deyir. ABŞ-la aparılan danışıqlarda da İran nümayəndə heyətinə rəhbərlik edən Şamxaninin iyunun 13-də bir sıra hərbi liderlərlə birlikdə İsrail tərəfindən öldürüldüyü güman edilirdi. İran mediası isə iyunun 20-də onun ağır yaralandığını və xəstəxanaya yerləşdirildiyini, lakin hazırda vəziyyətinin stabil olduğunu yazıb. İsrailin İran şəhərlərini raket atəşinə tutması və hərbi liderlərini öldürməsi ilə başlayan...

Davamını oxu