Dünya

ABŞ Qəzzada sülh planının ikinci mərhələsinin başladığını elan edib

15 Yanvar, 2026

Foto: Reuters

ABŞ prezidenti Donald Trampın Yaxın Şərq üzrə xüsusi elçisi Stiv Vitkof Qəzza üçün nəzərdə tutulan sülh planının ikinci mərhələsinin başladığını elan edib.

O, bu barədə yanvarın 14-də "X" səhifəsində yazıb.

Vitkofun sözlərinə görə, bu mərhələdə Qəzzanın demilitarizasiyası, texnokratik idarəetməyə keçid və müharibədən çıxmış bölgənin bərpası nəzərdə tutulub.

"İkinci mərhələ Qəzzada keçid dövrü üçün texnokratik Fələstin administrasiyasını — Qəzzanın İdarə Olunması üzrə Milli Komitəni (NCAG) — yaradır və Qəzzanın tam demilitarizasiyasına və bərpasına start verir; əsasən də bütün icazəsiz silahlı şəxslərin tərksilah edilməsini əhatə edir. ABŞ HƏMAS-ın öhdəliklərinə tam şəkildə əməl edəcəyini, o cümlədən sonuncu mərhum girovun dərhal qaytarılmasını gözləyir. Bu tələblərə əməl edilməməsi ciddi nəticələrə səbəb olacaq", - o qeyd edib.

Vitkof Qəzzaya nəzarət edən HƏMAS qruplaşmasının tərk-silah olmayacağı halda hansı nəticələrin olacağına aydınlıq gətirməyib.

HƏMAS isə tərk-silah məsələsi ilə bağlı birmənalı mövqe ortaya qoymayıb. Qruplaşma dəfələrlə bildirib ki, yalnız Fələstin dövləti qurulduqdan sonra tərk-silah olunacaq və silahlarını yeni yaradılacaq dövlətə təhvil verəcək.

ABŞ prezidenti Donald Trampın administrasiyasının vasitəçiliyi ilə İsrail və Qəzzaya nəzarət edən HƏMAS qruplaşması arasında atəşkəs razılaşmasının əldə olunmasından üç aydan çox keçir. Buna baxmayaraq, bu müddət ərzində İsrail ordusu atəşkəsi pozmaqda davam edib və 400-dən çox sakinin ölümünə səbəb olub.

Trampın 20 maddəlik sülh planının birinci mərhələsində atəşkəslə yanaşı, tərəflər arasında əsir və girovların mübadiləsi də nəzərdə tutulurdu.

İkinci mərhələdə isə Vitkofun qeyd etdiyi məqamlardan əlavə, İsrail qüvvələrinin Qəzza zolağından çıxarılması və əraziyə beynəlxalq sabitləşdirici qüvvənin yerləşdirilməsi nəzərdə tutulub.

Vitkof sözügedən məqamlara son açıqlamasında yer verməyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ukrayna Rusiyada iki neft emalı zavoduna zərbə endirdiyini açıqlayıb

AXCP: “Məhkəmə beş ayda Əli Kərimli ilə bağlı səkkiz şikayəti geri qaytarıb”

İlham Əliyev: “İqtisadi artım templəri çox da böyük deyil”

Müşfiq Cabbar üçüncü ildir doğum gününü həbsxanada keçirir

Türkiyədə məktəb qarşısında silahlı hücum olub, azı 11 şagird yaralanıb

Latviya Usmanov və Fridmana qarşı sanksiyaların ləğvinə etiraz edib

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Ukrayna Rusiyada iki neft emalı zavoduna zərbə endirdiyini açıqlayıb

22 Sentyabr 2026

sosial media

Ukrayna Müdafiə Qüvvələri Rusiyanın Ufa və Samara şəhərlərində yerləşən iki neft emalı zavoduna zərbə endirdiyini bildirib. Bu barədə Ukrayna Silahlı Qüvvələrinin Baş Qərargahı məlumat yayıb. Açıqlamaya görə, sentyabrın 22-nə keçən gecə Başqırdıstan Respublikasının Ufa şəhərindəki “Başneft-UNPZ” neft emalı zavodu vurulub. Zərbədən sonra müəssisənin ərazisində yanğın baş verdiyi bildirilib. Zavodun illik neft emalı gücünün təxminən 7,5 milyon ton olduğu qeyd edilib. Müəssisədə benzin, dizel və qazan yanacağı, mayeləşdirilmiş qaz, kükürd və digər məhsullar istehsal olunur. Ukrayna tərəfinin məlumatına görə, zərbə endirilən digər müəssisə Samarada yerləşən Kuybışev neft emalı zavodu olub. Həmin müəssisənin ərazisində də yanğın baş verdiyi bildirilib. “Rosneft” şirkətinə məxsus...

Davamını oxu

Dünya

Türkiyədə məktəb qarşısında silahlı hücum olub, azı 11 şagird yaralanıb

22 Sentyabr 2026

sosial media

Sentyabrıən 22-də Türkiyənin Manisa vilayətinin Turqutlu rayonunda məktəb qarşısında silahlı hücum nəticəsində ikisi ağır olmaqla azı 11 şagird yaralanıb. Bunu Türkiyənin ədliyyə naziri Akın Gürlək açıqlayıb. Hadisə səhər saat 08:00 radələrində İnci Üzməz Peşə və Texniki Anadolu Liseyinin qarşısında baş verib. DHA xəbər agentliyinin məlumatına görə, hücum edən şəxs ov tüfəngi ilə ətrafa atəş açdıqdan sonra hadisə yerindən piyada qaçıb. Manisa Valiliyi 15 yaşlı şübhəlinin tutularaq saxlanıldığını bildirib. Ədliyyə naziri yeniyetmənin valideynlərinin və silahın sahibi olduğu müəyyənləşdirilən babasının da saxlanıldığını bildirib. Nazirin sözlərinə görə, silahın yeniyetmənin əlinə necə keçməsi, saxlanma şəraiti və valideynlərin uşağa nəzarət öhdəliklərini yerinə yetirib-yetirməməsi araşdırılır. Hadisədən...

Davamını oxu