Dünya

ABŞ və İran memorandum imzaladı

18 İyun, 2026

The White House

ABŞ və İran arasında münaqişəni bitirmək üçün anlaşma memorandumu imzalanıb.

Sənəd iyunun 17-də ayrı-ayrılıqda ABŞ prezidenti Donald Tramp və İran prezidenti Məsud Pezeşkian tərəfindən imzalanıb.

Sənədin mətnini ABŞ rəsmilərindən biri media üçün oxuyub. 14 bənddən ibarət olan razılaşmada tərəflər növbəti 60 gün ərzində yekun sülh sazişinin imzalanması üçün danışıqları davam etdirməklə bağlı öhdəlik götürüblər.

Memorandumun ilk bəndində ABŞ, İran və onların müttəfiqləri Livan da daxil olmaqla "bütün cəbhələrdə hərbi əməliyyatlara son qoymağa" razılaşıb.

Digər bənddə ABŞ növbəti bir ay ərzində İrana qarşı dəniz blokadasını aradan qaldırmaqla bağlı öhdəlik götürüb. İran isə iki ay ərzində Hörmüz boğazından gəmilərin təhlükəsiz keçidinə şərait yaratmağa söz verib. Lakin İran və Omanın öz aralarında boğazın gələcək idarəetməsi üçün danışıqlar aparacağı da sənəddə qeyd olunur.

Sənədin 6-cı bəndində ABŞ regional tərəfdaşları ilə birlikdə İranın "yenidənqurma və iqtisadi inkişafı üçün 300 milyard ABŞ dolları dəyərində plan hazırlayacağı" barədə öhdəlik götürüb. Sənəddə bu vəsaitin necə maliyyələşdiriləcəyi izah edilməyib. Lakin ötən gün "Reuters" agentliyi bu fondun müxtəlif şirkətlər tərəfindən sərmayə əsasında təsis olunacağını yazmışdı.

Növbəti bənddə ABŞ İrana qarşı bütün növ sanksiyaların ləğvi ilə bağlı öhdəlik götürüb. Buraya Birləşmiş Millətlər Təşkilatının Təhlükəsizlik Şurasının xətti ilə icra olunan sanksiyalar da daxildir.

8-ci bənddə İran nüvə silahı əldə etməyəcəyinə söz verir. Tərəflər İranın əlində olan zənginləşdirilmiş uranın taleyi ilə bağlı birgə qərar verməyə razılaşıblar. İranın mülki məqsədlərlə icra etdiyi nüvə proqramını isə saxlayacağı qeyd olunur.

Fevralın 28-də ABŞ və İsrail İrana havadan hücumlar həyata keçirməyə başlamışdı. Aprelin 7-də Pakistanın vasitəçiliyi ilə tərəflər arasında atəşkəs əldə olunsa da, münaqişə başa çatmış hesab olunmurdu.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

AXCP fəalı 30 sutkalıq həbs olunub

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir. Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb. Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir. Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək. İran...

Davamını oxu

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu